Yahuuda 1:15 - Bible Fulfulde Bénin New Testament

¹⁵ Oo wara gam o hiito himɓe fu, o halka halluɓe fu, waɗooɓe ko halli. O hiitoto ɓe, gam haalaaji kalluɗi ɗi ɓe bati dow makko fu.»

Yahuuda 1:15 ပူးပေါင်းရင်းမြစ်များ

Yuhaana 5:27

O hokkii mo baawɗe hiitaago, gam o laati nun *Ɓii neɗɗo.

Golle Lilaaɓe 17:31

gam o resii nyalaane ne o hiitotoo duuniyaaru e poonnitaaki, o hiitodoo nu e neɗɗo mo o suɓi. O hollii himɓe fu ɗum laati nun gooŋa no o fintini neɗɗo on e maayde.»

Roma 14:10

Amma an, gam ume kiitotoɗaa banniraawo maa goonɗinɗo? An bo, ume jawantoɗaa banniraawo maa goonɗinɗo? En fu, en daroyto yeeso hiitorde Alla,

Roma 2:16

Ɗum hollitinto nyaanne Alla hiitoto miilooji himɓe cuuɗiiɗi. O waɗan ɗum diga e Yeesu *Almasiihu, hande no *linjiila ka baajotoomi bati.

Roma 2:5

A yoorinii ɓerne maa, a yiɗaa tuubugo. Gam majjum, a fooɗanan hoore maa mone Alla mawne, nyaanne o hollitinta mone makko. Nyaanne mum, o hiitoto e tawreeta makko poonnitiika.

Korintu Aranol 4:5

Gam majjum, to on kiitee goɗɗo ko wakkati yottoo, keɗee faa Joomiraawo wara. Kanko wurtinta ko suuɗii der niwre, o hollita ko woni der ɓerɗe himɓe. Nyalaane majjum, moy fu heɓan yettoore kaananne mo to Alla.

Korintu Aranol 5:13

Himɓe ɓe goonɗinay, Alla nun hiitotoo ɗum. Gam e winnaa: «Burtinee neɗɗo kalluɗo caka mooɗon.»

Timote Aranol 1:9

Een anni no tawreeta waɗaaka gam foonnitiiɓe. Amma ka waɗaama gam halluɓe, e nanaruuɓe, e ɓe hulataa Alla, e hakkeeɓe, e ɓe teddintaa ko senii, e yawiiɓe Alla, e warooɓe baabiraaɓe e inniraaɓe mum, e reƴƴitooɓe ƴiiƴam himɓe.

Yahuuda 1:16

Himɓe ɓen laati nun dumbitintooɓe, ɓee bullikinoo wakkati fu, suunooji maɓɓe nun ɓe tokki. Ɓee mawnito dow majjum, ɓee mana woɓɓe gam ɓe keɓa ko ɓe jiɗi.

Kollitinki 13:11

Ɓaawo majjum, ji'umi bisaa kuuŋa e wurtoo diga e leydi. Ŋaa woodi galalɗi ɗiɗi nanduɗi e galalɗi *Jawgiyel, amma ŋaa bata hande kuuŋa ŋan.

Kollitinki 22:20

Ceediiɗo kujje ɗee wi'i: ''E gooŋa, mii wara, ɓooyataa!'' Aami! War Yeesu Joomiraawo!