Timote Ɗiɗaɓol 4:8 - Bible Fulfulde Bénin New Testament

⁸ Diga jooni, Joomiraawo kiitotooɗo e gooŋaaku, e resanimmi riiba kokketeeka poonnitiiɗo nyaanne darŋal. Min tan bane hokketee ka. Amma, min e hettiniiɓe, yiɗuɓe wittoygo makko fu, o hokkata ka.

Timote Ɗiɗaɓol 4:8 ပူးပေါင်းရင်းမြစ်များ

Matiye 24:36

«Amma nyalaane e wakkati majjum, walaa annuɗo ɗum. Baa *malaykaaɓe wonuɓe dow kammu annaa, baa *Ɓiɗɗo bo. Walaa annuɗo ɗum sey *Baaba tan.

Matiye 7:22

Nyalaane darŋal, ɗuuɓɓe wi'an am: ‟Joomiraawo, Joomiraawo! E inne maa nun men gaɗiri annabaaku. E inne maa nun men diiwiri ginnaaji. E inne maa nun men gaɗiri haaynaareeji ɗuuɗɗi.”

Luka 10:12

Mii bata on, nyalaane darŋal, kiita siire nen ɓuran kiita Sodoma sattugo.»

Roma 2:5

A yoorinii ɓerne maa, a yiɗaa tuubugo. Gam majjum, a fooɗanan hoore maa mone Alla mawne, nyaanne o hollitinta mone makko. Nyaanne mum, o hiitoto e tawreeta makko poonnitiika.

Roma 8:23

Tagaaɗum tan bane tooroto. Baa enen ɓe Alla hokki *Ruuhu mum hande kokkal artuŋal, een uuma. Enen bo, een kaaɓi Alla rinɗina ɓalli meeɗen, laatina en ɓiɓɓe mum.

Korintu Aranol 2:9

Amma hande no winnaa: «Ko itere meeɗay ko yi'i, noppi bo meeɗay ko nani, ko hakkillo goɗɗo yahay dow mum abada, kanjum Alla siriyanii yiɗuɓe ɗum.«»

Korintu Aranol 3:13

Nyalaane darŋal, Almasiihu sumpitan golle moy fu, gam moy fu yiite foonnan golle mum, gam yiite hollan no golle moy fu wa'i.

Korintu Aranol 9:25

Jiɗɗo daɗugo der doggudu fu, sey elta ɓannu mum der huune fu. Kamɓe, ɓee gaɗa ɗum gam heɓugo keɓal meetalol ɗayloowol, amma enen, een tammi heɓugo meetalol ŋol ɗaylataa.

Korintu ɗiɗaɓol 5:2

Jooni, een uuma der ɓalli ɗii ɗo. Een kaaɓi naatugo suudu men ŋol dow kammu.

Filippi 3:11

gam no ɗum waɗi fu, min bo, mi heɓa yottaago nyalaane pintol maayɓe.

Koloosi 1:5

Oon goodi ɗum gam oon keɗii ko Alla resani on dow kammu. Oon keɗii ko Alla resani on gam on nanii haala gooŋakuwa, ƴiwuka e *linjiila.

Tesalonika Aranol 1:10

e no kettinoriɗon gartol Ɓiyiiko ƴiwoowo diga kammu. Kanko woni Yeesu mo o fintini e maayde, kanko hisinta en kiita garoowa.

Tesalonika Aranol 5:4

Amma onon banniraaɓe, on galaa der niwre hakko nyalaane nen juha on, hande no gujjo juhirta.

Tesalonika Ɗiɗaɓol 2:8

neɗɗo kalluɗo on suppitinto. Amma Yeesu Joomiraawo waran mo e foofaaŋo hunnuko mum, halka mo e jayŋol garki mum.

Timote Aranol 6:19

Hande nun ɓe cuuɗiranta ko'e maɓɓe jawdi booɗuni, tabitintooni, gam nyalaaɗe garooje, ɓe keɓa bo yonki gooŋahi.

Timote Ɗiɗaɓol 1:10

Jooni, moƴƴere nen hollitake e garki kisinoowo meeɗen Yeesu Almasiihu. Kanko halki baawɗe maayde. Diga e linjiila o holliti yonki tabitintooki.

Timote Ɗiɗaɓol 1:12

Sabbu majjum tooreteemi tooraaji ɗii ɗo, amma mi sentiray ɗum. Gam mii anni mo goonɗinmi. Mii hoolii bo o waawan ko reeni ko o halfinimmi faa nyalaane darŋal yottoo.

Timote Ɗiɗaɓol 1:18

Alla Joomiraawo hokka mo enɗam nyaanne darŋal. An e hoore maa aa anni no wooɗi, golle ɗe o waɗanimmi der siire Efesu.

Timote Ɗiɗaɓol 2:5

Nun nun bo, to gaɗoowo doggudu yawtontire ɗowtanaaki sariyaaji doggudu, heɓataa meetalol.

Timote Ɗiɗaɓol 4:1

Mii eelee yeeso Alla e yeeso Yeesu *Almasiihu, kiitotooɗo wuuruɓe e maayɓe. Mii eelee bo sabbu wittoygo makko e *Laamaare makko:

Titus 2:13

Hande non keɗortoɗen nyalaane barkiɗinaane, ne tammihiɗen. Nyalaane nen, Yeesu *Almasiihu, Alla meeɗen mawɗo, Kisinoowo en, hollitinto e tedduŋal.

Iburaninkeeɓe 12:11

Aran, elto fu waddataa seyo, sey biisere ɓerne. Amma ɓaawo mum, nee waddana jaɓuɓe ne fu foonnitaare e jam.

Iburaninkeeɓe 9:28

Hande non bo, Almasiihu sakkii hoore mum de woore tan gam o ikkina hakkeeji himɓe ɗuuɓɓe. O suppitoyto de ɗiɗawre, hinaa gam hakke, amma gam o hisina hettiniiɓe mo.

Yaakuuba 1:12

Barke laatantoo tinniiɗo der tooraaji jarbotooɗi ɗum. Gam to tinnaare makko tabitii, o heɓan tedduŋal, kan woni yonki tabitiiki, ki Alla haɓɓani yiɗuɓe ɗum alkawru.

Piyer Aranol 1:4

Een goodi tammuwe heɓugo donŋu ŋu nyolataa, ŋu biisataako, ŋu ɗaylataa bo. Kanŋu Alla resani on dow kammu.

Piyer Aranol 5:4

To Duroowo mawɗo yottake, on meelete meetalol tedduŋal ŋol hiiɗɗataa.

Kollitinki 1:7

Daaree, oo warida e duulere. Himɓe fu yi'an mo, baa yuwunooɓe mo, lenyi duuniyaaru fu simoto gam makko. Ɗum laatoo hande non! Aami .

Kollitinki 19:11

Ɓaawo majjum ji'umi kammu maɓɓitii. Den ji'umi puccu danewol. Baɗɗiiɗo ŋol, e wi'ee Kooliniiɗo, e Gooŋaajo. Gooŋa o hiitortoo, kanka o haɓirta bo konu.

Kollitinki 2:10

Taa hulu toora ɓadiika tawugo maa. Daa Seyɗan maɓɓan woɓɓe mon der kasu, gam poonneɗon, on toorete faa balɗe sappo. Laata koolaaɗo faa maayde, mi hokkete keɓal jaalorgal, waato yonki.

Kollitinki 22:20

Ceediiɗo kujje ɗee wi'i: ''E gooŋa, mii wara, ɓooyataa!'' Aami! War Yeesu Joomiraawo!

Kollitinki 4:10

De ɗum waɗata ɗum fu, *dottiiɓe laso e nayo ɓen e jiccoo yeeso jooɗiiɗo dow kittaal laamu, ɓee cujidana yonkinteejo faa abada, ɓee paɗɗa meetali maɓɓe yeeso kittaal laamu, ɓee bi'a:

Kollitinki 4:4

Kittaaje laamu laso e naay e fiiltitii kittaal laamu ŋal. *Dottiiɓe laso e nayo e jooɗii dow majje, ɓee ɓornii kolte daneeje, ɓee mellii meetali kanŋeeri.