Timote Ɗiɗaɓol 3:8 - Bible Fulfulde Bénin New Testament

⁸ Hande no Yannes e Yamberes haɓidiri Muusa, nunnun himɓe ɓen haɓidirta e gooŋa. Hakkillo maɓɓe wuurake, goonɗinki maɓɓe walaa nafuwe.

Timote Ɗiɗaɓol 3:8 ပူးပေါင်းရင်းမြစ်များ

Golle Lilaaɓe 15:24

Men nanii himɓe ƴiwi to amen laawi on e haalaaji, jiɓi hakkillooji mooɗon. Men batay ɓe waɗugo ɗum.

Roma 1:28

No ɓe calii annitingo Alla, kan waɗi ko o yoofi ɓe der majjere maɓɓe, ɓe gaɗi ko haanay waɗeego.

Roma 16:18

Gam himɓe ɓen, *Almasiihu Joomiraawo meeɗen bane ɓe gollantoo, amma deeɗi maɓɓe. E haalaaji belɗi, eytooji ɓe jarbortoo himɓe ɓe walaa hakkillo.

Efesu 4:14

Den, en laatataako kade sukaaɓe wifitinteeɓe nokku fu, hande laanayel diyam ŋel galmaaji diyam yaarata to yiɗi. Den bo, janŋinooɓe pewe majjintaa en e ƴoyre mum.

Timote Aranol 1:19

Joga goonɗinki e cuuɗiiɗum ɓerne geetum. Woɓɓe hakkilanay ɗum, go goonɗinki maɓɓe halki.

Timote Aranol 4:2

Ɓe accan ekkitinooɓe munaafitiiɓe e fewooɓe majjina ɓe. Cuuɗiiɗum ɓerɗe ekkitinooɓe pewe ɗen maanaama e fewre, nandi hande cumaaɗum e janni boɗeeri.

Timote Aranol 6:5

Eɗum wadda jeddi ɗi walaa kaddi, hakkune himɓe ɓe hakkillo mum wuurii. Ɓe joofii gooŋa, ɓee miili goonɗinki laati nun laawol keɓal.

Timote Ɗiɗaɓol 4:15

An bo, hakkilan mo, gam o salake waaji amen e semme.

Titus 1:10

E gooŋa, ɗuuɓɓe e laatii nanaruuɓe, accu du caka *Yahuduuɓe goonɗinɓe. Ɓee laatii batooɓe haalaaji ɗi walaa hoore, ɓee ƴoyra himɓe.

Titus 1:16

Ɓee bi'a ɓee anni Alla, amma golle maɓɓe e yedda no ɓee anni mo. Ɓee laatii nyidduɓe, e nanaruuɓe. Ɓe baawataa ko waɗi geetum baa gootum.

Piyer Ɗiɗaɓol 2:14

Gite maɓɓe sawtataa daarugo rewɓe e suuno, ɓe comataa waɗugo hakke, ɓee pooɗa ɓe goonɗinki mum walaa semme der pitti maɓɓe. Ɓerɗe maɓɓe e hebbi suuno keɓal, bone laatanto ɓe.

Yuhaana Aranol 2:18

Sukaaɓe am, duuniyaaru ɓadake heennyugo. On nanii *ganyo Almasiihu waran, jooni du wayɓe *Almasiihu ɗuuɓɓe yottake. Kanjum annitirɗen no wakkati ɓadake.

Yuhaana Aranol 4:1

Banniraaɓe am yiɗaaɓe, to on goonɗinee wi'ooɓe e woodi *Ruuhu Alla fu, amma biɗitee ɓe, heɓa anniton naa to Alla ɓe ƴiwi. Gam annabiiɓe fewooɓe ɗuuɓɓe e sankitii der duuniyaaru.

Kollitinki 2:20

Amma woodi ko pelan maa mi. Aa acci Ijabeeli, debbo bi'oowo hoore mum annabiijo. Oo janŋina, oo jarboo gollotooɓe am, gam ɓe gaɗa jeenu, ɓe ƴakka tew caafiraaɗum tooruuje.

Kollitinki 2:6

Amma aa woodi gootum ko wooɗi: aa wanyi golle Nikolayiiɓe, hande no min bo banyirmi ɗe.