Timote Ɗiɗaɓol 3:2 - Bible Fulfulde Bénin New Testament

² Himɓe laatoto yiɗuɓe ko'e mum tan, suunaaɓe ceede, ɓe laatoto jurotooɓe e mawnitintooɓe, ɓe jennan haala Alla. Ɓe ɗowtantaako saareeji maɓɓe, ɓe annaa gaɗu, ɓe teddintaa ko senii.

Timote Ɗiɗaɓol 3:2 ပူးပေါင်းရင်းမြစ်များ

Matiye 15:6

Nun nun baylitirɗon haala Alla gam tawaaŋal mooɗon.

Luka 12:15

Go o bati ɓe o wi'i: «Kakkilee no wooɗi e suuno jawdi, gam jawdi bane wuurnata neɗɗo baa no ni ɗuuɗiri fu.»

Luka 16:14

*Farisaaɓe yiɗuɓe ceede no nani haalaaji ɗin, yanti e jala Yeesu.

Luka 6:35

Amma, jiɗee wayɓe mon, gaɗanee ɓe geetum, nyallee ɓe, to on miijee yoɓiteego. On keɓan joddi mawni, on laatoto ɓiɓɓe Alla Towuɗo, gam kanko oo moƴƴana ɓe annaa gaɗu e halluɓe.

Golle Lilaaɓe 5:36

Ɓooyay ko Tewdas ummii, mawnini hoore mum, ko waɗata himɓe keme nayo e tokkunoo mo. O waraama, tokkuɓe mo fu sankitii, goɗɗo horaaki.

Roma 11:18

Gam majjum, taa yawa licce budditaaɗe. A woodaa laawol mawnitaago. Amma to aa mawnito, annitin no an bane roonii ɗaɗi, ɗaɗi nun roonii maa.

Korintu ɗiɗaɓol 5:15

O maayanii himɓe fu, gam wuuruɓe acca wuurango ko'e mum, amma ɓe buurana maayanɗo ɓe, go finti gam maɓɓe.

Filippi 2:21

horiiɓe fu haaje mum tan miijantoo, hinaa ɗum Yeesu *Almasiihu.

Koloosi 3:5

Gam majjum, baree suunooji duuniyaaru gonuɗi der mooɗon, hande jon, baadi jayni, e coɓuɗum, e yidde baanjaare, e suunooji kalluɗi, e suuno woodugo huune fu. Ɗum ɗon fu, laati nun caafol tooruuje.

Tesalonika Ɗiɗaɓol 2:4

Ganyo on mawnitinto dow huune fu ko saafetee e noddee Alla, o yahan faa o jooɗoo der suudu Alla, o wi'a hoore makko, kanko woni Alla.

Timote Aranol 1:20

Himeneyus e Aleksandire na'on caka maɓɓe. Mi wattii ɓe e junŋo *Seyɗan gam ɓe annita no haanay ɓe bata kalluka dow Alla.

Timote Aranol 1:9

Een anni no tawreeta waɗaaka gam foonnitiiɓe. Amma ka waɗaama gam halluɓe, e nanaruuɓe, e ɓe hulataa Alla, e hakkeeɓe, e ɓe teddintaa ko senii, e yawiiɓe Alla, e warooɓe baabiraaɓe e inniraaɓe mum, e reƴƴitooɓe ƴiiƴam himɓe.

Timote Aranol 3:3

Taa o laatoo jaroowo bagi, ɗum bo kaɓaaɗo. Amma o laatoo munyuɗo, daartoowo jam, mo suunaaka ceede.

Timote Aranol 6:10

Gam suuno ceede woni ɗaɗol kalluɗum. Woɓɓe suunake ɗe, go ɓe ceeki diga goonɗinki, den ɓe gaddani ko'e maɓɓe tooraaji ɗuuɗɗi.

Timote Aranol 6:4

Himɓe ɓen laati nun mawnitiiɓe, ɓe annaa goɗɗum. Ɓee nyawi jeddi e biɗitiri haalaaji. Diga e majjum nawniraagu, e kaɓe, e jennooje, e biisugo bannun ƴiwata.

Timote Ɗiɗaɓol 3:4

Ɓe laatoto jammotooɓe, dulluɓe hakkillo, ɓe jiɗan welwelo duuniyaaru ɓura Alla.

Yaakuuba 2:8

Gooŋa nun, to on tokkii sariya *Laamaare Alla gonuka e Binni Ceniini bi'uka: «Yiɗu banniraawo maa no jiɗirɗaa hoore maa.» To on tokkii ɗum, on gaɗii ko goonɗi.

Yaakuuba 4:16

Amma jooni, on mawnikinake, oon juro. Juro hande ŋoo ɗon fu wooɗaa.

Yaakuuba 4:6

Alla waɗanii en moƴƴere ɓurune mawnugo, gam majjum Binni wi'i: «Alla hokkan mawnitiiɓe ɓaawo, amma o hokkan leesinɓe ko'e mum moƴƴere.»

Piyer Aranol 5:5

Onon gojankeeɓe ɗowtanee *dottiiɓe. On fu, ɓornee yakkinaare hande toggoore hakkune mon, gam e winnaa der Dewtere Ceniine: «Alla e haɓida mawnitiiɓe, amma ɓuytuɓe ko'e mum oo hokka ɓe moƴƴere makko.»

Piyer Ɗiɗaɓol 2:10

accu du tokkuɓe suunooji ɓalli mum, e waɗa jiɗaaɗi yonki mum, ko e yawii baawɗe Joomiraawo. Janŋinooɓe fewrekuuɓe ɓen ɓerɗe mum e yoori, ɓee goodi manŋu hoore, ɓee bata kalluka dow tedduɓe wonɓe dow kammu.

Piyer Ɗiɗaɓol 2:12

Amma himɓe ɓen e laatii hande bisaaji ɗi galaa hakkillo, tagaaɗi gam nanŋee, waree. Ɓee bata kalluka dow ko ɓe annaa, gam majjum ɓe kalkiran hande no bisaaji halkirta.

Piyer Ɗiɗaɓol 2:18

Ɓee bata haalaaji mawnitiiɗi, ɗi galaa hoore. Ɓee ƴoyra himɓe e haalaaji suuno ɓannu. Himɓe ɓen wurtikeno ɗum ɓooyay diga majjuɓe.

Piyer Ɗiɗaɓol 2:3

Suunooji maɓɓe waddanan ɓe batugo haalaaji fewrekuuji gam ɓe jammoo on, amma ɓe doƴƴaamaa kiita diga ɗum ɓooyii, halkere e nyuɗanoo ɓe.

Yahuuda 1:16

Himɓe ɓen laati nun dumbitintooɓe, ɓee bullikinoo wakkati fu, suunooji maɓɓe nun ɓe tokki. Ɓee mawnito dow majjum, ɓee mana woɓɓe gam ɓe keɓa ko ɓe jiɗi.

Kollitinki 13:1

Ɓaawo majjum, ji'umi bisaa gom e wurtoo der maayo, ŋaa woodi galalɗi sappo, e ko'e jeeɗiɗi. Hoore fu e woodi meetalol laamu. Inɗe jennooje Alla e winnaa dow ko'e ɗee fu.

Kollitinki 16:11

Ɓe jenni Alla mo dow kammu, sabbu ɓuuwe e naawella maɓɓe. Amma, ɓe tuubay, ɓe acca golle maɓɓe kalluɗe.

Kollitinki 16:21

Malamalluuje mawɗe yani dow himɓe diga kammu. Malamalluuje ɗen teddugo woore mum fu waɗan kilo lasoy ɗiɗi. Himɓe yenni Alla sabbu bone malamalluuje ɗen, gam ɗum sattii puy.

Kollitinki 16:9

Guli cattuɗi waɗi himɓe. Ɓe jenni inne Alla gooduɗo baawɗe dow boneeji ɗin. Amma ɓe tuubay, ɓe teddina mo.