Timote Ɗiɗaɓol 3:14 - Bible Fulfulde Bénin New Testament

¹⁴ Amma an, joga ko ekkitiɗaa, e ko kooliiɗaa e semme. Aa anni moy ekkitin maa ɗum.

Timote Ɗiɗaɓol 3:14 ပူးပေါင်းရင်းမြစ်များ

Golle Lilaaɓe 17:31

gam o resii nyalaane ne o hiitotoo duuniyaaru e poonnitaaki, o hiitodoo nu e neɗɗo mo o suɓi. O hollii himɓe fu ɗum laati nun gooŋa no o fintini neɗɗo on e maayde.»

Roma 14:5

Goɗɗo e daari hande nyalaane nee ɗo e ɓuri nee to teddugo, oo to bo e daari no nyalaaɗe fu fotan nun. Sey moy fu anna to darii der hakkillo mum.

Koloosi 2:2

Mii waɗa ɗum, gam ɓe keɓa cuusal, ɓe kawta der yidde, ɓe keewa hakkillo hebbuŋo, ɓe paama asiiri Alla cuuɗiiɗo, kan woni *Almasiihu.

Tesalonika Aranol 1:5

Gam *linjiila ka men gaddani on laataaki e haala tan, amma ka wardii e baawɗe, e ballal *Ruuhu Ceniiɗo, e hoolaare mawne. Oon anni no men jahiri, no men gondunoo e mooɗon gam nafuwe mon.

Tesalonika Aranol 2:13

E woodi ko waɗi emen jetta Alla kade wakkati fu. No nanuɗon haala ka men baajii on, on jaɓay ka hande haala neɗɗo, amma hande haala Alla. Nunnun ka laatii e gooŋa ko e ka golla der mooɗon, onon goonɗinɓe.

Timote Aranol 4:16

Hakkilan hoore maa. Reenu bo janŋinol maa, tinna dow majjum. To a waɗii ɗum, den aa hoolii a hisan, an e hettinaniiɓe maa fu.

Timote Ɗiɗaɓol 1:13

Joga haala gooŋaha ka nanuɗaa diga e am. Gollir ka e goonɗinki, e yidde ne keɓuɗen gam een kawti e Yeesu *Almasiihu, ka laatanee misaalu.

Timote Ɗiɗaɓol 2:2

Ko nanuɗaa diga e am yeeso seedeeɓe ɗuuɓɓe, halfin ɗum himɓe hooliniiɓe, waawooɓe ko janŋini woɓɓe.

Timote Ɗiɗaɓol 3:15

Diga sukaaku maa, aa anni Dewte ceniiɗe. Kanje ɗe baawan ko hokku maa faamu, jiitiraa kisidam keɓeteeɗam diga e goonɗingo Yeesu *Almasiihu.

Titus 1:9

Sey joomum e jogii haala kooliniika hande no ka janŋiniraa. Den o waawan ko semmiɗini woɓɓe e ekkitinol laaɓuŋol, o waawan bo ko jaalii yeddooɓe.

Iburaninkeeɓe 10:22

Gam majjum, en ɓattee Alla e ɓerɗe goote, e goonɗinki kebbuki, laatoo ɓerɗe meeɗen laaɓinaama e ko gaccotoo en, ɓalli men lootiraama e diyam ceniiɗam.

Iburaninkeeɓe 6:11

Amma emen jiɗi moy mooɗon fu hollita iri anniya kaa ɗon faa heennyitirde, gam keɓon ko keɗiɗon.