Timote Ɗiɗaɓol 3:10 - Bible Fulfulde Bénin New Testament

¹⁰ Amma an Timote, a yi'i no janŋinirmi. A yi'ii jikku am, e anniya am, e goonɗinki am, e munyal am, e yidde am, e tinnaare am.

Timote Ɗiɗaɓol 3:10 ပူးပေါင်းရင်းမြစ်များ

Luka 1:3

Ko min bo, daartumi deydey ko waɗi diga fuɗɗoode, tawmi e haani mi winnanee habaruuji ɗin e tokkontirki,

Golle Lilaaɓe 11:23

No o yottii o yi'i moƴƴere Alla, ɓerne makko weli, o waajii, o semmiɗini ɓe ɓe fu ɓe tinnoo, ɓe tabbitoo der Joomiraawo e ɓerne woore.

Golle Lilaaɓe 2:42

Ɓe kaɓɓi anniya nanugo janŋinol lilaaɓe janŋinta ɓe, ɓe kawti, ɓe laatii gootum, eɓe ceenna peen eɓe gaɗa du'aaje .

Golle Lilaaɓe 20:18

No ɓe gari, o wi'i ɓe: «Oon anni no gontirmi e mooɗon diga nyalaane koyŋal am arti naatugo e leydi Asiya faa hanne.

Golle Lilaaɓe 26:4

«*Yahuduuɓe fu e anni goonki am diga gojankaaku am. Ɓee anni no gonirmi caka himɓe am e der *Urusaliima.

Roma 16:17

Banniraaɓe, nani ɗo ko eelanmi on: kakkilanee waddooɓe ceennirgu caka mon. Kamɓe ɓee darta selingo on diga ekkitinol ŋol keɓuɗon. Boɗɗodee ɓe!

Korintu ɗiɗaɓol 1:17

No bi'umi mi waran to mooɗon, mi miilay batirmi ka na? Naa bo ko miilumi mi waɗa, e miilo duuniyaaru gaɗiranmi ɗum na, faa laatoo mii wi'a «ee» e «aawo» sannu?

Efesu 4:14

Den, en laatataako kade sukaaɓe wifitinteeɓe nokku fu, hande laanayel diyam ŋel galmaaji diyam yaarata to yiɗi. Den bo, janŋinooɓe pewe majjintaa en e ƴoyre mum.

Filippi 2:20

gam mi walaa goɗɗo jiɗuɗo on hande am, paaliiɗo on e gooŋa, to hinaa kanko,

Filippi 2:22

Oon anni Timote hollitii oo laatii koolaaɗo, o gollodake e am gam waaji *linjiila hande no ɓiɗɗo gollorantoo baaba mum.

Tesalonika Aranol 1:5

Gam *linjiila ka men gaddani on laataaki e haala tan, amma ka wardii e baawɗe, e ballal *Ruuhu Ceniiɗo, e hoolaare mawne. Oon anni no men jahiri, no men gondunoo e mooɗon gam nafuwe mon.

Timote Aranol 1:3

Wakkati jahannoomi Maseduwaan, mi batiino maa jooɗoɗaa Efesu. Himɓe woɓɓe na'on ɗon e janŋina ekkitinol feerewol. Haɗu ɓe ɗum.

Timote Aranol 4:6

Ekkitin banniraaɓe huune ɗum. Den a laatoto gollantooɗo Yeesu *Almasiihu geeto. A nyaannan hoore maa e haala goonɗinki, e ekkitinol poonnitiiŋol ŋol tokkuɗaa e tinnaare.

Timote Aranol 6:11

Amma, an neɗɗo Alla, woɗɗoda kujje ɗen. Daartu foonnitaare e takkaago Alla, e goonɗinki, e yidde, e tinnaare, e ɗiggere.

Timote Ɗiɗaɓol 2:22

Doggu suunooji gojankaaku. Dartu foonnitaare e goonɗinki, e yidde, e jam, an e noddooɓe inne Joomiraawo e ɓerɗe laaɓuɗe fu.

Timote Ɗiɗaɓol 4:2

Waaja haala Alla, waajita ka wakkati fu, baa ɗum fottanii ɓe, baa ɗum fottanay ɓe. Felu ɓe, semmiɗin ɓe e munyal, aa janŋina ɓe.

Timote Ɗiɗaɓol 4:3

Gam wakkati waran de himɓe salotoo nanugo ekkitinol poortiiŋol. Ɓe tokkoto suunooji maɓɓe. Ɓe dartanan ko'e maɓɓe janŋinooɓe ɗuuɓɓe, janŋinanɓe ɓe ko ɓe jiɗi nanugo.

Timote Ɗiɗaɓol 4:7

Mi haɓii hawre wooɗune, mi yottinii doggudu am, mii joggii goonɗinki.

Titus 2:7

An e hoore maa, laatana ɓe misaalu der golle booɗɗe fu. Ekkitin ɓe ekkitinol gooŋawol, e pottuŋol.

Iburaninkeeɓe 13:9

To on accee ekkitinooje janane iri ɗey fu fooɗa on. Ko haani woni, moƴƴere Alla semmiɗa der ɓerɗe mooɗon, hinaa sariyaaji dow nyaamduuji. Tokkuɓe sariyaaji ɗii ɗon, ɗi nafay ɗum goɗɗum.

Piyer Ɗiɗaɓol 3:11

To huune fu halkete hande non, sey annon no nyaamirton goonki mon der laaɓal, oon kuliri Alla!