Timote Ɗiɗaɓol 2:9 - Bible Fulfulde Bénin New Testament

⁹ Linjiila kan nun acci mii tooree faa kaɓɓaami e callalluuji, hande gaɗuɗo kalluɗum. Amma haala Alla haɓɓaaka.

Timote Ɗiɗaɓol 2:9 ပူးပေါင်းရင်းမြစ်များ

Luka 23:32

Der wakkatiire nen, himɓe ɗiɗo halluɓe gom bo e yaaree gam waridee e Yeesu.

Golle Lilaaɓe 21:33

O ɓattii mo, o nanŋi mo o wi'i o haɓɓiree callalluuji ɗiɗi, o ƴami ɓe kanko woni moy, ume o waɗi.

Golle Lilaaɓe 28:31

Oo waajoo haala *Laamaare Alla, oo janŋina habaru Yeesu *Almasiihu Joomiraawo e hoolaare mawne, walaa kaɗuɗo mo.

Golle Lilaaɓe 9:16

Mi hollan mo min e hoore am jaka o toorortoo gam am.»

Efesu 3:1

Min Pol, mii maɓɓaaɗo der kasu gam golle Yeesu *Almasiihu caka mooɗon, onon ɓe lenyi janani.

Filippi 1:17

Amma ɓee to, e waajo habaru Almasiihu gam nawniraagu, miilooji maɓɓe bo laaɓaa, kade bo, ɓee daarta ɓeydugo toora callalluuji am der kasu.

Filippi 1:7

E fotti, mii woodi miilooji ɗii dow mon on fu, gam mii watti on der ɓerne am. Gam baa no kaɓɓaami callalluuji gam mi seedanake linjiila tabbitinmi ka, on darorake am, on kawtii e am der moƴƴere ne.

Koloosi 4:18

Min Pol, mi winnanii on sannoore ne e junŋo am. To on jeggitee e callalluuji nun gonumi. Moƴƴere Alla wonoo e mooɗon!

Koloosi 4:3

Du'anee men menen bo, gam Alla maɓɓitana men laawol fiinugo haala mum, gam mi waawa ko waajii asiiri *Almasiihu. Sabbu majjum nun acci jooni, mii maɓɓaa der kasu.

Tesalonika Aranol 1:8

diga to mooɗon haala Joomiraawo sankitii hinaa der leydi Maseduwaan e Akaya tan. Amma habaru goonɗinki mooɗon dow Alla sankitake toy fu, faa doole bane men batana ki.

Tesalonika Ɗiɗaɓol 3:1

Banniraaɓe, ko horii woni, du'anoɗon men gam haala Joomiraawo sankitoo law, ka teddinee bo hande to mooɗon.

Timote Ɗiɗaɓol 1:12

Sabbu majjum tooreteemi tooraaji ɗii ɗo, amma mi sentiray ɗum. Gam mii anni mo goonɗinmi. Mii hoolii bo o waawan ko reeni ko o halfinimmi faa nyalaane darŋal yottoo.

Timote Ɗiɗaɓol 1:16

Joomiraawo enɗoo himɓe saare Onesifor, gam o deƴƴitinii am. O sentiray bo nanŋoode am der kasu,

Timote Ɗiɗaɓol 1:8

Gam majjum taa sentu seedanaago Joomiraawo meeɗen. Taa sentu bo seedanaago am, min maɓɓaaɗo der kasu gam makko. Hawtu e am der tooraaji gam *linjiila, jaka baawɗe ɗe Alla hokku maa.

Timote Ɗiɗaɓol 2:3

Jaɓu geɗu toora maa hande soogeeru Yeesu *Almasiihu yeeru.

Timote Ɗiɗaɓol 4:17

Amma Joomiraawo wallii am, semmiɗinimmi. Kan acci keennyitimmi golle waaji am. Himɓe lenyi janani fu nanii waaji ɗin. Nunnun daɗirmi diga e hunnuko jaggere.

Piyer Aranol 2:12

Accee joonne mooɗon e wooɗi yeeso himɓe ɓe goonɗinay, gam baa to ɓe gaccake on, e wi'ugo on, on halluɓe, ɓe ji'a golle mooɗon booɗuɗe, ɓe teddina Alla nyaanne o hollitanii ɓe.

Piyer Aranol 2:14

Ɗowtanee mawɓe genni bo, gam kamɓe laatii lilaaɓe makko, gam ɓe pooɗa noppi waɗooɓe ko halli, ɓe jetta waɗooɓe ko wooɗi.

Piyer Aranol 3:16

Amma toontee ɓe e ɗiggere, e hakkillo fukkiiŋo. Goodee miilooji ɓerɗe laaɓuɗi, den gaccotooɓe on, e yenna on, gam joonne mooɗon wooɗune der kawtal mon e *Almasiihu senta.

Piyer Aranol 4:15

To goɗɗo e mooɗon yaru bone gam oo laatii baroowo himɓe, ɗum bo gam emo laatii gujjo, maa bo gaɗoowo ko halli, to ɗum bo dow naatugo haala ka yaalay ɗum.