Timote Ɗiɗaɓol 2:7 - Bible Fulfulde Bénin New Testament

⁷ Miija ka batu maa mi faa wooɗa, Joomiraawo faaminte huune fu.

Timote Ɗiɗaɓol 2:7 ပူးပေါင်းရင်းမြစ်များ

Luka 21:15

Gam mi hokkan on haala ka batoyton, e hakkillo ŋo wayɓe mon fu waawataa ko salii naa bo yeddi.

Luka 24:45

Den o maɓɓiti hakkillo maɓɓe gam ɓe paama Binni ceniini.

Luka 9:44

«Onon, nanee ka batanmi on faa wooɗa: *Ɓii neɗɗo wattoyte der juuɗe himɓe.»

Yuhaana 14:26

*Ruuhu Ceniiɗo, balloowo on, mo *Baaba liloyta e inne am, kanko anninta on kujje fu. O suwtoran on ko batunoomi on fu.

Yuhaana 16:13

To *Ruuhu gooŋa warii, o anninan on gooŋa lalley, gam o batantaa hoore makko, amma o batan on ko o nani, o batan on bo ko warata.

Golle Lilaaɓe 7:10

wurtini mo e tooraaji makko fu, hokki mo moƴƴere e hakkillo yeeso Fiirawna, laamiiɗo Misira. Fiirawna on waɗi mo dawranoowo Misira e saare makko fu.

Korintu Aranol 12:8

Ruuhu hokkata oo ɗo dokkal batugo e hakkillo, o hokka oo to dokkal batugo e annal. Ruuhu gooto on waɗata ɗum.

Filippi 4:8

Banniraaɓe am, ko horii wi'ugo on woni, miilanee ko laatii gooŋa, ko foti teddineego, e poonnitiiɗum, e laaɓuɗum, e kaanuɗum yiɗeego, e ko manetee, e kaanuɗum yetteego, e ko haani maanteego.

Koloosi 1:9

Gam majjum, menen bo, diga men nani ka, men accay du'anaago on. Emen eela Alla hokka on hakkillo fu e faamu ƴiwuŋu diga e *Ruuhu mum. Den on kebban annal sago makko faa wooɗa.

Timote Aranol 4:15

Tinna e golle ɗen, kokkaa hoore maa e majje, gam himɓe fu yi'a no ɓeydortoɗaa yeeso yeeso.

Timote Ɗiɗaɓol 2:6

Demoowo golliiɗo puy, kan nun haani arta nyaama ɓiɓɓe deme mum.

Timote Ɗiɗaɓol 2:8

Siwtor Yeesu *Almasiihu mo lenyol Dawda. O fintii e maayde, hande no *linjiila ka baajootomi bati.

Iburaninkeeɓe 12:3

Miilanee Yeesu munyuɗo, e tooraaji ɗi hakkeeɓe toori mo, gam to on tampee, ɓerɗe mooɗon biisoo.

Iburaninkeeɓe 13:7

Ciwtoree ardiiɓe, baajiiɓe on haala Alla. Daaree no gonki maɓɓe heennyitiri, den, yemminon goonɗinki maɓɓe.

Iburaninkeeɓe 3:1

Banniraaɓe goonɗinɓe, onon ɓe Alla noddi, gattee hakkillo mon dow Yeesu. Alla liloyi mo gam o laatoo hooreejo *Limaamiiɓe dow goonɗinki meeɗen ki ceedotoɗen.

Iburaninkeeɓe 7:4

Daaree no tedduŋal Malkisadaka foti mawnugo, faa Iburahiima maama meeɗen hokki mo jakka ko heɓi diga konu.

Yaakuuba 1:5

Den, to goɗɗo mooɗon hakkillo jaccii ɗum, o eela Alla kokkoowo moy fu e ɓerne woore, o hokkan mo; gam Alla laati nun kokkoowo mo wooltantaa goɗɗo.

Yaakuuba 3:15

Iri hakkillo ŋoo ɗon waray diga to Alla. E duuniyaaru ɗo ŋo ƴiwi, diga miilooji neɗɗo e to *Seyɗan ŋo ƴiwi.

Yaakuuba 3:17

Amma aran hakkillo ƴiwuŋo to Alla e laaɓi, ɓaawo mum ŋoo wadda jam, ŋoo heewi ɗiggere, e enɗam, ŋo riman golle booɗɗe. Gooduɗo hakkillo iri ŋon seennontirtaa himɓe. Munaafitaare walaa e makko.

Yuhaana Aranol 5:20

Een anni bo *Ɓiɗɗo Alla wari, hokkii en hakkillo annitingo Alla gooŋaajo, jooni kanko woodi en, gam en kawti e Ɓiɗɗo makko Yeesu *Almasiihu. Yeesu Almasiihu on woni Alla gooŋaajo, kanko woni yonki tabitiiki bo.