Timote Ɗiɗaɓol 2:10 - Bible Fulfulde Bénin New Testament

¹⁰ Gam majjum munyanmi huune fu, sabbu suɓaaɓe Alla heɓa kamɓe bo, Yeesu Almasiihu hisina ɓe, ɓe keɓa tedduŋal makko tabitiiŋal.

Timote Ɗiɗaɓol 2:10 ပူးပေါင်းရင်းမြစ်များ

Matiye 24:22

To nyalaaɗe ɗen ɓuytaakano juutugo, goɗɗo hisataano. Amma Alla ɓuytii ɗe sabbu suɓaaɓe mum.

Matiye 24:24

Gam almasiihuuɓe e annabiiɓe fewrekuuɓe waraan. Ɓe gaɗan kaayeefiiji mawɗi, e haaynaareeji ɗuuɗɗi, gam ɓe majjina baa e suɓaaɓe, to waɗoto.

Matiye 24:31

Walaldu mawnu fuurete. O lilan malaykaaɓe makko der gooraaje leydi naay, lettugal e gorgal, soɓɓiire e hoore fuɗo, gam hawritingo suɓaaɓe makko wonuɓe der duuniyaaru fu.

Luka 18:7

Alla hiitantaako ɓe o suɓi, wullanooɓe mo jemma e nyalooma na? O ɓooyan go o walla ɓe na?

Luka 22:57

Amma Piyer yeddi mo wi'i: «Debbo, mi annaa mo.»

Yuhaana 11:52

Leydi nin tan bane haani o maayana, amma gam o hawrita ɓiɓɓe Alla sankitiiɓe fu laatoo jama'aare woore.

Yuhaana 17:24

*Baaba, mii yiɗi ɓe kalfinɗaa am ɓee, tawdee e am nokkuure to tawaami, gam ɓe ji'a tedduŋal ŋal kokkuɗaa am, gam a yiɗii am diga duuniyaaru diidaaka.

Yuhaana 17:9

Gam sabbu maɓɓe nun du'otoomi. Mi du'ataako gam duuniyaaru. Amma mii du'oo gam ɓe kalfinɗaa am, gam an jey ɓe.

Roma 2:7

Tinniiɓe e waɗa ko wooɗi e daartira tedduŋal e manŋu e ko tabotoo, Alla hokkan ɓe yonki tabitiiki.

Roma 9:23

O waɗii ɗum gam hollitingo tedduŋal makko manŋal dow ɓe o enɗii. O siriyake ɗum gam ɓe o yiɗi teddingo.

Korintu Aranol 1:21

Himɓe duuniyaaru nuu e faamu mum fu, annitay Alla no o holliti faamu makko. Ɗum laatake nun nun gam Alla e yiɗi hisingo goonɗinɓe ɗum fu diga e waaji amen ɗi woɓɓe daari haaŋaare.

Korintu Aranol 9:22

To mi yahii to goonɗinɓe tampuɓe, mii waɗa hoore am hande tampuɗo, gam mi heɓa ɓe. Walaa fu no mi laatinay hoore am dow himɓe fu gam mi hisinira woɓɓe maɓɓe, baa no waɗi fu.

Korintu ɗiɗaɓol 1:6

To men tooraama, ɗum laati nun gam ɓerɗe mooɗon deƴƴita e gam kisidam mon. To men deƴƴitinaama, ɗum laati nun gam deƴƴitinki mon, gam baawon munyango iri tooraaji ɗi men tooretee.

Korintu ɗiɗaɓol 12:15

Min, e seyo kokkanmi ko goodumi fu. Mi hokkan on du baa e hoore am, gam mi walla on. To emii ɓeyda yiɗugo on, onon on ɓuytan yiɗugo am na?

Korintu ɗiɗaɓol 4:15

Huune ɗum fu laatake gam mooɗon, gam moƴƴere Alla ɓeydoo sankitaago caka himɓe ɗuuɓɓe. Nun nun jettooje ɗuuɓɓe ɓeydortoo heɓa Alla teddinee.

Korintu ɗiɗaɓol 4:17

Tooraaji amen ɗi jooni e hoyi, jawtooji nun. Eɗii ciryanoo men tedduŋal manŋal, tabitiiŋal, ŋal fonnataako e tooraaji ɗi jooni.

Efesu 3:13

Kanjum waɗi mii eela on, to on accee ɓerɗe mooɗon biisoo sabbu tooraaji ɗi keɓammi gam mooɗon. Tooraaji ɗin laati nun tedduŋal mooɗon.

Koloosi 1:24

Jooni, ɓerne am e weli gam tooraaji ɗi keɓammi gam mooɗon. Hande non, kebbiniranmi ko horii der tooraaji *Almasiihu gam ɓannu mum, laatiiŋol eklesiya makko.

Koloosi 1:27

Gam Alla e yiɗi anningo himɓe ɓe lenyi janani manŋu asiiri mum tedduɗo. Asiiri on woni, Almasiihu na'on der mooɗon. Kanko hokki on tammuwe heɓugo geɗu der tedduŋal Alla.

Tesalonika Aranol 5:9

Alla nodday en gam o hiitoo en, amma o noddii en gam keɓen faabuwe diga e Joomiraawo meeɗen Yeesu *Almasiihu,

Tesalonika Ɗiɗaɓol 2:14

Kanjum Alla noddani on diga e *linjiila ka men baajii on, gam keɓon tedduŋal Joomiraawo meeɗen Yeesu *Almasiihu.

Timote Ɗiɗaɓol 1:1

Ɗerewol ŋol ƴiwii diga e am, min Pol, lilaaɗo Yeesu *Almasiihu e sago Alla. Mi lilaama gam mi fiina haala dow yonki ki Alla haɓɓani en alkawal, sabbu kawtal men e Yeesu Almasiihu.

Timote Ɗiɗaɓol 2:1

Gam majjum ɓiyam, accu moƴƴere ne keɓuɗen sabbu kawtal men e Yeesu *Almasiihu semmiɗinee.

Timote Ɗiɗaɓol 2:3

Jaɓu geɗu toora maa hande soogeeru Yeesu *Almasiihu yeeru.

Titus 1:1

Ɗerewol ŋol ɗo ƴiwii e am, min Pol, maccuɗo Alla e lilaaɗo Yeesu *Almasiihu. Alla yowanii am mi waɗa suɓaaɓe makko goonɗina mo. O yowanii am anningo ɓe gooŋa jaadooha e goonɗinki men.

Piyer Aranol 2:10

Aran, on laataakino himɓe Alla, amma jooni on laatake himɓe makko, on keɓayno enɗam makko, amma jooni on keɓii ɗam.

Piyer Aranol 5:10

Amma to on jarii bone der wakkati seɗɗa, Alla mo moƴƴere nodduɗo on gam naaton der tedduŋal mum tabitiiŋal e *Almasiihu, kanko o tiiɗinan on, o semmiɗina on, o hebbina on, o darna on.