Timote Ɗiɗaɓol 1:5 - Bible Fulfulde Bénin New Testament

⁵ Mii siwtora goonɗinki maa ki walaa munaafitaare. Maama maa Loyis e inna maa Enis e artu maa woodugo ki. Mii hoolii an bo aa woodi ki.

Timote Ɗiɗaɓol 1:5 ပူးပေါင်းရင်းမြစ်များ

Yuhaana 1:47

Yeesu yi'i Natanayel e fonnoy ɗum, wi'i: «Oo ɗo laati nun Isira'iilaajo lalley, jamma fu walaa e makko.»

Golle Lilaaɓe 16:1

Pol yahi faa Derbe, ɓaawo mum o yottoy Listira. Aahiijo bi'eteeɗo Timote na'onno ton. Inniiko laati nun *Yahuduujo goonɗinɗo, amma baabiiko mo lenyol jananol nun.

Golle Lilaaɓe 26:26

Agirippa laamiiɗo, e anni kujje ɗe. Kan waɗi mi hulay batugo ɗum yeeso makko. Gam mii anni goɗɗum mum suuɗanaaki mo, gam ɗum waɗay e cuuccukka.

Roma 14:14

Mii anni, mii tabbitini bo der kawtal men e Joomiraawo Yeesu, no nyaamdu walaa karmuŋol e hoore mum. Amma to goɗɗo e miili e woodi huune ko harmi, dow makko ɗum harmi.

Roma 14:5

Goɗɗo e daari hande nyalaane nee ɗo e ɓuri nee to teddugo, oo to bo e daari no nyalaaɗe fu fotan nun. Sey moy fu anna to darii der hakkillo mum.

Roma 15:14

Banniraaɓe am, min e hoore am, mii hoolii, oon goodi ko wooɗi, oon keewi annal, on baawan ko hokkontiri saawari hakkune mooɗon.

Roma 4:21

O tabbitini no Alla e woodi baawɗe hebbingo alkawal mum.

Roma 8:38

Gam mii anni, walaa ko seennata en e yidde makko. Baa maayde, baa guurnam, baa malaykaaɓe, baa baawɗeeji, baa ko warata jooni, ɗum bo ko waroyta yeeso, ɗum bo semme gom,

Korintu ɗiɗaɓol 6:6

Emen kolla men laati nun gollantooɓe Alla diga e *laaɓal amen, e annal, e munyal, e neɗɗaaku, e ballal *Ruuhu Ceniiɗo, e yidde ne walaa munaafitaare.

Timote Aranol 1:5

Ka batanmi ɗo laati nun gam mawningo yidde ƴiwune diga ɓerne laaɓune, e miilooji laaɓuɗi, e goonɗinki ki walaa munaafitaare.

Timote Aranol 4:6

Ekkitin banniraaɓe huune ɗum. Den a laatoto gollantooɗo Yeesu *Almasiihu geeto. A nyaannan hoore maa e haala goonɗinki, e ekkitinol poonnitiiŋol ŋol tokkuɗaa e tinnaare.

Timote Ɗiɗaɓol 1:12

Sabbu majjum tooreteemi tooraaji ɗii ɗo, amma mi sentiray ɗum. Gam mii anni mo goonɗinmi. Mii hoolii bo o waawan ko reeni ko o halfinimmi faa nyalaane darŋal yottoo.

Timote Ɗiɗaɓol 3:15

Diga sukaaku maa, aa anni Dewte ceniiɗe. Kanje ɗe baawan ko hokku maa faamu, jiitiraa kisidam keɓeteeɗam diga e goonɗingo Yeesu *Almasiihu.

Iburaninkeeɓe 11:13

Der goonɗinki ɓe fu, ɓe maayi. Ɓe keɓay ko Alla haɓɓani ɓe alkawal. Amma ɓe ji'ii ɗum, ɓe ceyorii ɗum diga woɗɗi. Den ɓe bati no kamɓe ɓe laati nun hoɓɓe e jananɓe der duuniyaaru.

Iburaninkeeɓe 6:9

Onon, banniraaɓe am yiɗaaɓe, baa to emen bata hande non, emen anni oon darii dow laawol booɗuŋol, ŋol kisidam.

Piyer Aranol 1:22

Jooni no ɗowtaniɗon gooŋa, on cenii ko'e mooɗon, on jiɗii banniraaɓe e yidde ne walaa munaafitaare. Gam majjum, jiɗontiree e yidde gooŋaare, e ɓerɗe mon fu.