Timote Ɗiɗaɓol 1:3 - Bible Fulfulde Bénin New Testament

³ Mii yetta Alla mo cujidananmi e cuuɗiiɗum ɓerne laaɓuɗum, hande no kaakiraaɓe am waɗunoo. Emi siwtoree jemma e nyalooma fu der du'aaje am.

Timote Ɗiɗaɓol 1:3 ပူးပေါင်းရင်းမြစ်များ

Luka 2:37

Go goriiko maayi, o jooɗi nun o hoowaaka faa o waɗi duuɓi lasooji naay e naay. O wurtataako diga e suudu Alla. Ɗon o woni oo sujidana Alla jemma e nyalooma, oo suumoo, oo du'oo.

Golle Lilaaɓe 22:3

«Mi *Yahuduujo nun, mi dimaaɗo Tarsus der leydi Silisiya. Amma der siire *Urusaliima ɗo nun mawnumi. Gamaliyel janŋinimmi sariya kaakiraaɓe meeɗen faa laaɓi. Mii wooduno tinnaare gam Alla hande no on fu laatiɗon hanne.

Golle Lilaaɓe 23:1

Pol daari *dawrooɓe ɓen, wi'i: «Banniraaɓe, e ɓerne laaɓune nun tokkirmi Alla faa yottaago hanne.»

Golle Lilaaɓe 24:14

Amma, mi nootake yeeso maa mii sujidana Alla baabiraaɓe amen der laawol ŋol ɓe bi'ata diina fewreha. Mii goonɗini ko winnaa der sariya fu e ko winnaa der dewte annabiiɓe fu.

Golle Lilaaɓe 24:16

Kan waɗi mii tinnii heɓa mii woodi ɓerne laaɓune nyalaane fu yeeso Alla e yeeso himɓe.

Golle Lilaaɓe 26:4

«*Yahuduuɓe fu e anni goonki am diga gojankaaku am. Ɓee anni no gonirmi caka himɓe am e der *Urusaliima.

Golle Lilaaɓe 27:23

Malaykaajo Alla, Joomiraawo mo laataniimi, mo cujidananmi, hollitanake am jemmaare nee ɗo,

Roma 9:1

Ka batanmi ɗo gooŋa nun. E inne *Almasiihu, mi fewataa. Cuuɗiiɗum ɓerne am bo e seedanoo am diga e *Ruuhu Ceniiɗo no gooŋa nun batanmi.

Korintu ɗiɗaɓol 1:12

Ko laatii juro amen nani: miilooji ɓerɗe amen e seedanoo men, men gonorake der duuniyaaru e laaɓal ɓerɗe, e gooŋa, ɓurna mum hakkune mon. Men gaɗiray ɗum e faamu himɓe, amma e moƴƴere Alla.

Galaatiya 1:14

Mii ɓurunoo igooɓe am ɗuuɓɓe der laawol diina Yahuduuɓe. Mii wooduno tinnaare mawne dow saloraago tawaaŋal kaakiraaɓe am.

Efesu 1:16

mi accay yettugo Alla gam mooɗon. De du'otoomi fu, emi siwtora on.

Tesalonika Aranol 3:10

Jemma e nyalooma fu, emen eela mo sanne o hokka men laawol yi'ugo on kade, gam men ɓeydana on ko jacci der goonɗinki mooɗon.

Timote Aranol 1:19

Joga goonɗinki e cuuɗiiɗum ɓerne geetum. Woɓɓe hakkilanay ɗum, go goonɗinki maɓɓe halki.

Timote Aranol 1:5

Ka batanmi ɗo laati nun gam mawningo yidde ƴiwune diga ɓerne laaɓune, e miilooji laaɓuɗi, e goonɗinki ki walaa munaafitaare.

Timote Aranol 5:5

Debbo gowniijo, mo walaa kiinnotooɗo ɗum, go e woni kan tan, yowii hoolaare mum dow Alla. Jemma e nyalooma, oo tinnii, oo eela ballal Alla.

Timote Ɗiɗaɓol 1:5

Mii siwtora goonɗinki maa ki walaa munaafitaare. Maama maa Loyis e inna maa Enis e artu maa woodugo ki. Mii hoolii an bo aa woodi ki.

Timote Ɗiɗaɓol 3:15

Diga sukaaku maa, aa anni Dewte ceniiɗe. Kanje ɗe baawan ko hokku maa faamu, jiitiraa kisidam keɓeteeɗam diga e goonɗingo Yeesu *Almasiihu.

Iburaninkeeɓe 13:8

Yeesu *Almasiihu gooto on nun, diga keenya, hanne, e faa abada.