Timote Ɗiɗaɓol 1:14 - Bible Fulfulde Bénin New Testament

¹⁴ Joga geetum ɗum kalfinaɗaa e ballal *Ruuhu Ceniiɗo gonuɗo der meeɗen.

Timote Ɗiɗaɓol 1:14 ပူးပေါင်းရင်းမြစ်များ

Luka 16:11

To on laataaki hoolaaɓe dow jawdi duuniyaaru, moy yowanta on jawdi geeri?

Yuhaana 14:17

Oo ɗon woni *Ruuhu gooŋa. Duuniyaaru nuu waawataa ko jaɓi mo, gam nu yi'ataa mo, nu annaa mo. Amma onon, oon anni mo gam oo wondi e mooɗon, oo tawaa bo der mooɗon.

Roma 3:2

Nafuwe majjum e mawni dow laabi fu. Aran, Yahuduuɓe nun Alla arti yowani haala mum.

Roma 8:11

Alla fintinii Yeesu diga maayɓe. To Ruuhu makko na'on der mooɗon, den kan pintinɗo Yeesu Almasiihu diga maayɓe, hokkan ɓalli mooɗon maayooji yonki, diga e Ruuhu makko gonuɗo der mooɗon.

Roma 8:13

To oon tokki jiɗaaɗi ɓannu, on maayan. Amma to on barii ɗi diga e *Ruuhu Alla, on buuran.

Roma 8:9

Onon kan, on tokkaaki jiɗaaɗi mooɗon, amma *Ruuhu Alla, to Ruuhu on e woni e mooɗon kan. Mo walaa Ruuhu *Almasiihu, laataaki mo makko.

Korintu Aranol 3:16

Faa jooni on annitay onon nun laatii suudu Alla na? On annaa *Ruuhu Alla na'on der mooɗon na?

Korintu Aranol 6:19

On annaa ɓalli mooɗon laati nun suudu *Ruuhu Ceniiɗo gonɗo der mooɗon, mo Alla hokki on na? On jeyaa ko'e mooɗon,

Korintu Aranol 9:17

To e anniya ɓerne am nun gaɗiranmi golle ɗen, mi heɓan riiba am. Amma min bane suɓi, mi yowana ɗe nun.

Korintu ɗiɗaɓol 5:16

Gam majjum, diga jooni, men annaa kade goɗɗo dow laawol ɓannu. Baa to men anniino *Almasiihu dow laawol ɓannu, jooni, nun nun bane men anniri mo.

Galaatiya 2:7

Amma ɓe paamii Alla nun yowanimmi *linjiila mi waajoo ɓe lenyi janani, hande no o yowirani Piyer waajoo *Yahuduuɓe.

Efesu 2:22

No kawtuɗon e makko, on laatake mahirɗum to Alla wonoto diga e *Ruuhu mum.

Efesu 5:18

To on accee bagi doƴƴa on, gam eɗam watta himɓe der hallumaru, amma, kebbee *Ruuhu Ceniiɗo.

Koloosi 4:11

Yeesu noddeteeɗo Yustus bo e sanna on. Kamɓe tan laatii *Yahuduuɓe gollodiiɓe e am der *Laamaare Alla. Ɓe cemmiɗinii am sanne.

Tesalonika Aranol 5:19

To on kaɗee *Ruuhu Ceniiɗo golla e mooɗon.

Timote Aranol 1:11

Ekkitinol ŋol e yaada e *linjiila ka jowanaami. Eka hollita tedduŋal Alla maanteteeɗo.

Timote Aranol 6:20

Timote, hakkilan ko kalfinaɗaa, woɗɗoda haalaaji baanji baanji ɗi yaadataa e goonɗinki. Hakkilan bo jeddi dow ko woɓɓe wi'ata annal lugguŋal.

Timote Ɗiɗaɓol 1:12

Sabbu majjum tooreteemi tooraaji ɗii ɗo, amma mi sentiray ɗum. Gam mii anni mo goonɗinmi. Mii hoolii bo o waawan ko reeni ko o halfinimmi faa nyalaane darŋal yottoo.

Timote Ɗiɗaɓol 2:2

Ko nanuɗaa diga e am yeeso seedeeɓe ɗuuɓɓe, halfin ɗum himɓe hooliniiɓe, waawooɓe ko janŋini woɓɓe.

Piyer Aranol 1:22

Jooni no ɗowtaniɗon gooŋa, on cenii ko'e mooɗon, on jiɗii banniraaɓe e yidde ne walaa munaafitaare. Gam majjum, jiɗontiree e yidde gooŋaare, e ɓerɗe mon fu.