Timote Ɗiɗaɓol 1:13 - Bible Fulfulde Bénin New Testament

¹³ Joga haala gooŋaha ka nanuɗaa diga e am. Gollir ka e goonɗinki, e yidde ne keɓuɗen gam een kawti e Yeesu *Almasiihu, ka laatanee misaalu.

Timote Ɗiɗaɓol 1:13 ပူးပေါင်းရင်းမြစ်များ

Roma 2:20

Aa ekkitina ɓe galaa annal, aa janŋina sukaaɓe. Aa woodi annal e gooŋa diga e tawreeta.

Roma 6:17

Yettoore laatanoo Alla! On laatikeno maccuɓe hakke, amma jooni on ɗowtanake e ɓerɗe mooɗon fu janŋinol ŋol janŋinaɗon.

Filippi 1:27

Amma, sey no gonirɗon fotta e *linjiila *Almasiihu, gam to mi warii daarugo on, naa bo to mi waray, mi nana oon tabitii der hakkillo wooto, oon kaɓa gam goonɗinki linjiila e ɓerɗe goote,

Filippi 4:9

Ko janŋinmi on jaɓuɗon, nanuɗon, ji'uɗon e am, golloree ɗum, Alla mo jam wonda e mooɗon.

Koloosi 1:4

Men nanii habaru goonɗinki mooɗon dow Yeesu Almasiihu e batane, e yidde ne gooduɗon dow himɓe Alla fu.

Tesalonika Aranol 5:21

amma liinyee huune fu, jogoɗon ko wooɗi.

Timote Aranol 1:10

Ka waɗaama bo gam jeenooɓe, e waɗooɓe jeenu gorko e gorko, non bo debbo e debbo, e sippooɓe maccuɓe, e fewooɓe, e hunortooɓe fewre, e huune ɗuuɗɗum, luudontirɗum e ekkitinol gooŋawol.

Timote Aranol 1:14

Moƴƴere Joomiraawo ɗuuɗanii am puy. O hokkii am goonɗinki e yidde ƴiwune diga e Yeesu Almasiihu.

Timote Aranol 6:3

Woɓɓe e ekkitina ekkitinol feerewol. Ɓe tokkay haala Joomiraawo meeɗen Yeesu *Almasiihu laaɓuka, e ekkitinol jaadoowol e kulol Alla.

Timote Ɗiɗaɓol 1:1

Ɗerewol ŋol ƴiwii diga e am, min Pol, lilaaɗo Yeesu *Almasiihu e sago Alla. Mi lilaama gam mi fiina haala dow yonki ki Alla haɓɓani en alkawal, sabbu kawtal men e Yeesu Almasiihu.

Timote Ɗiɗaɓol 1:14

Joga geetum ɗum kalfinaɗaa e ballal *Ruuhu Ceniiɗo gonuɗo der meeɗen.

Timote Ɗiɗaɓol 2:2

Ko nanuɗaa diga e am yeeso seedeeɓe ɗuuɓɓe, halfin ɗum himɓe hooliniiɓe, waawooɓe ko janŋini woɓɓe.

Timote Ɗiɗaɓol 3:14

Amma an, joga ko ekkitiɗaa, e ko kooliiɗaa e semme. Aa anni moy ekkitin maa ɗum.

Timote Ɗiɗaɓol 4:3

Gam wakkati waran de himɓe salotoo nanugo ekkitinol poortiiŋol. Ɓe tokkoto suunooji maɓɓe. Ɓe dartanan ko'e maɓɓe janŋinooɓe ɗuuɓɓe, janŋinanɓe ɓe ko ɓe jiɗi nanugo.

Titus 1:9

Sey joomum e jogii haala kooliniika hande no ka janŋiniraa. Den o waawan ko semmiɗini woɓɓe e ekkitinol laaɓuŋol, o waawan bo ko jaalii yeddooɓe.

Titus 2:1

Amma an, accu batu maaɗa yaada e ekkitinol gooŋawol.

Titus 2:8

Haala maa laatoo gooŋaha, ka yeddataako, gam wayɓe meeɗen jiɓoo, ɓe dulla kalluka ka ɓe batani en.

Iburaninkeeɓe 10:23

En ceedee ko kooliɗen, to en tampee, gam kaɓɓanɗo en alkawal e laatii koolaaɗo.

Iburaninkeeɓe 3:6

Amma *Almasiihu laatike koolaaɗo der suudu Alla hande ɓiɗɗo. Enen laatii ɓe suudu makko to en tinnake een koolii, een tabbitini ko jurortoɗen faa heennyitirde.

Iburaninkeeɓe 4:14

Een goodi hooreejo *Limaamiiɓe mawɗo jottiiɗo to Alla dow kammu, kanko woni Yeesu, *Ɓiɗɗo Alla. Gam majjum, sey jogoɗen e ɓerɗe goote goonɗinki meeɗen ki ceedotoɗen.

Yahuuda 1:3

Banniraaɓe am yiɗaaɓe, mi yiɗiino puy winnango on dow haala kisidam kawtuɗam en en fu. Jooni mi tawii doole nun mi winnana on gam tiiɗingo on dow hawre goonɗinki ki Alla hokki himɓe mum de woore, go ki heƴi faa baadey.

Kollitinki 2:25

Amma, ko gooduɗon, jogee ɗum e semme faa mi wara.

Kollitinki 3:11

Mi faanake warugo. Joga ko gooduɗaa e semme, gam to goɗɗo etta meetalol maa.

Kollitinki 3:3

Gam majjum siwtor no keɓirɗaa, e no nanirɗaa haala Alla, joga ka, tuubu. To a reenaay, mi waran hande gujjo, a annataa bo wakkati de garanmi juhugo maa.