Timote Ɗiɗaɓol 1:10 - Bible Fulfulde Bénin New Testament

¹⁰ Jooni, moƴƴere nen hollitake e garki kisinoowo meeɗen Yeesu Almasiihu. Kanko halki baawɗe maayde. Diga e linjiila o holliti yonki tabitintooki.

Timote Ɗiɗaɓol 1:10 ပူးပေါင်းရင်းမြစ်များ

Luka 11:36

Den mum, to ɓannu maa fu na'on der jayŋol, nokkun maggol tawaaka der niwre, ŋol fu, ŋol wonoto der jayŋol hande to fitilla yaynanii maa jayŋol mum.»

Luka 13:7

Den o bati deenuɗo gesa makko o wi'i: ‟Daaru, diga duuɓi tati, mii wara daartugo ɓikkol dow ibbi ki, amma mi heɓataa. Feƴƴu ki! Gam ume go ekii etta semme leydi gam baanji?”

Luka 2:11

Hanne on dimanaama Kisinoowo der genni Dawda. Kanko woni *Almasiihu Joomiraawo.

Yuhaana 1:9

Kanŋol woni jayŋol gooŋawol, garuŋol e duuniyaaru gam yaynana himɓe fu.

Yuhaana 14:6

Yeesu toontii mo: «Min woni laawol, min woni gooŋa, min woni yonki. Goɗɗo yahataa to *Baaba to ƴiwiray to am.

Yuhaana 20:31

Ɗii ɗo winnaama gam goonɗinon Yeesu laati nun Cuɓaaɗo, *Ɓii Alla, gam to on goonɗinii mo, keɓon yonki sabbu makko.

Yuhaana 4:42

Ɓe bi'i debbo on: «Jooni, hinaa gam ka batuɗaa men tan acci men goonɗini. Amma menen e ko'e amen, men nanii haala makko, emen anni kanko woni Kisinoowo duuniyaaru lalley.»

Yuhaana 5:40

Amma, on jaɓay warugo to am gam keɓon yonki.

Golle Lilaaɓe 13:23

E lenyol makko Alla yaarani Isira'iila Kisinoowo hande no o haɓɓunoo alkawal mum, kanko woni Yeesu.

Golle Lilaaɓe 5:31

Kanko nyaamo Alla etti, waɗi mo hooreejo e kisinoowo, gam o waɗa himɓe Isira'iila tuuba, ɓe keɓa yaafuye hakkeeji.

Roma 16:26

Amma jooni ɗum hollitake. Dewte annabiiɓe e seedoo ka. Alla tabitiiɗo batii ka anninee himɓe lenyi janani fu, gam ɓe goonɗina, ɓe ɗowtoo.

Roma 2:7

Tinniiɓe e waɗa ko wooɗi e daartira tedduŋal e manŋu e ko tabotoo, Alla hokkan ɓe yonki tabitiiki.

Roma 3:31

Den fu, en moytan nun tawreeta gam en goonɗinii na? Abada! En moytataa ka, amma een tabbitina ka!

Roma 6:6

Een anni jikku meeɗen kiinŋu tiggidaama e makko dow *leggal palaaŋal. Ɗum waɗaama, heɓa ɓannu meeɗen hakkewol halka, gam to en laatoo kade maccuɓe hakke.

Korintu Aranol 15:26

Ganyo cakitorteeɗo halkeego woni maayde.

Korintu Aranol 4:5

Gam majjum, to on kiitee goɗɗo ko wakkati yottoo, keɗee faa Joomiraawo wara. Kanko wurtinta ko suuɗii der niwre, o hollita ko woni der ɓerɗe himɓe. Nyalaane majjum, moy fu heɓan yettoore kaananne mo to Alla.

Korintu ɗiɗaɓol 5:4

Gam de gonuɗen der suudu ŋol ɗo, een uuma, een ɓillii. En jiɗaa accugo ŋol, amma heɓugo gonŋol dow maggol, gam yonki moɗa ko maayata.

Galaatiya 5:4

Onon dartooɓe laataago foonnitiiɓe diga e tawreeta, on ceedi e Almasiihu, on boɗɗodike e moƴƴere Alla.

Efesu 1:18

Mii eela Alla yaynina ɓerɗe mooɗon, heɓa paamon ko heɗii on der noddoore ne o noddi on, paamon bo no barke ɗe desanaɗon onon e himɓe makko teddiri.

Efesu 1:9

Geetaaku makko acci o annini en asiiri sago makko, ko o resuno waɗugo diga fuɗɗoode diga e Almasiihu.

Tesalonika Ɗiɗaɓol 2:8

neɗɗo kalluɗo on suppitinto. Amma Yeesu Joomiraawo waran mo e foofaaŋo hunnuko mum, halka mo e jayŋol garki mum.

Timote Ɗiɗaɓol 1:1

Ɗerewol ŋol ƴiwii diga e am, min Pol, lilaaɗo Yeesu *Almasiihu e sago Alla. Mi lilaama gam mi fiina haala dow yonki ki Alla haɓɓani en alkawal, sabbu kawtal men e Yeesu Almasiihu.

Timote Ɗiɗaɓol 1:8

Gam majjum taa sentu seedanaago Joomiraawo meeɗen. Taa sentu bo seedanaago am, min maɓɓaaɗo der kasu gam makko. Hawtu e am der tooraaji gam *linjiila, jaka baawɗe ɗe Alla hokku maa.

Timote Ɗiɗaɓol 4:1

Mii eelee yeeso Alla e yeeso Yeesu *Almasiihu, kiitotooɗo wuuruɓe e maayɓe. Mii eelee bo sabbu wittoygo makko e *Laamaare makko:

Timote Ɗiɗaɓol 4:8

Diga jooni, Joomiraawo kiitotooɗo e gooŋaaku, e resanimmi riiba kokketeeka poonnitiiɗo nyaanne darŋal. Min tan bane hokketee ka. Amma, min e hettiniiɓe, yiɗuɓe wittoygo makko fu, o hokkata ka.

Titus 2:11

E gooŋa, moƴƴere Alla hollitake gam himɓe fu hisa.

Titus 2:13

Hande non keɗortoɗen nyalaane barkiɗinaane, ne tammihiɗen. Nyalaane nen, Yeesu *Almasiihu, Alla meeɗen mawɗo, Kisinoowo en, hollitinto e tedduŋal.

Titus 3:4

Amma Alla Kisinoowo en hollitii himɓe geetaaku mum e yidde mum.

Iburaninkeeɓe 10:32

Ciwtoree nyalaaɗe arandeeje, ɓaawo de Alla yaynani on, on jarii bone mawɗe, amma on darike e semme, kaɓuɗon.

Piyer Ɗiɗaɓol 1:1

Ɗerewol ŋol ƴiwii e am min Simon Piyer. Mii laatii jaggiiɗo e lilaaɗo Yeesu *Almasiihu. Mi sannii on, onon heɓuɓe goonɗinki geeti hande ki amen, gam sabbu foonnitaare Alla men, tawaane der Yeesu Almasiihu, kisinoowo.

Piyer Ɗiɗaɓol 1:11

Hande non Alla maɓɓitiranta on mammam dammugal *Laamaare tabitiine, ne Joomiraawo meeɗen Yeesu *Almasiihu kisinoowo en.

Piyer Ɗiɗaɓol 1:3

Baawɗe Alla hokkii en huune fu ko haanani en buuriren, e no haani goniren e kulol Alla. Baawɗe ɗen wallii en annugo Alla nodduɗo en kawten der tedduŋal mum, e geetaaku mum.

Piyer Ɗiɗaɓol 2:20

Wurtiiɓe e huune coɓuɗum ɗum duuniyaaru, go ɓe anniti Joomiraawo e Kisinoowo men Yeesu *Almasiihu, den ko ɓe bittitii der majji kade faa ɗi jaalii ɓe, heennyitirde maɓɓe ɓuran fuɗɗoode jaasugo.

Piyer Ɗiɗaɓol 3:18

Mawnee der moƴƴere e annugo Joomiraawo meeɗen Yeesu *Almasiihu kisinoowo en! Tedduŋal laatanoo mo diga jooni faa abada! Aami!

Piyer Ɗiɗaɓol 3:2

Ciwtoree haalaaji ɗi annabiiɓe seniiɓe batunoo diga ko ɓooyi, e umuroore Joomiraawo meeɗen kisinoowo, ne lilaaɓe mon annini on.

Yuhaana Aranol 1:2

Yonki kin hollitaama, men ji'ii ki, emen ceedanoo ki. Emen baajoo on haala yonki tabitiiki gonunooki to Alla *Baaba, kanki men kollitaa.

Yuhaana Aranol 4:14

Menen men ji'ii, emen ceedo bo no Alla *Baaba liloy *Ɓiɗɗo mum gam wara hisina himɓe duuniyaaru.

Kollitinki 18:1

Ɓaawo majjum, ji'umi malaykaajo gom kade e jippoo diga dow kammu. Oo woodi baawɗe mawɗe, tedduŋal makko yayni e duuniyaaru fu.

Kollitinki 2:7

Gooduɗo noppi fu, nana ko *Ruuhu batata eklesiyaaji! Jaaliiɗo fu, mi hokkan ɗum nyaama ɓiɓɓe leggal yonki gonuŋal der aljanna Alla.»

Kollitinki 20:14

Maayde, e joonne maayɓe wattaa der maayo yiite. Maayo yiite ŋon woni maayde ɗiɗawre.

Kollitinki 22:14

Barke laatanii loonnuɓe toggooje mum gam ɓe baawa ko nyaami ɓiɓɓe leggal yonki, ɓe naatira bo wanŋarde diga e dammuɗe!

Kollitinki 22:17

*Ruuhu e jommanjo debbo darii e wi'a: «War!» Nanuɗo fu sey wi'a: "War!" Ɗonɗaaɗo fu, wara. Jiɗuɗo diyam yonki fu, jaɓa ɗam, yoɓataa!