Timote Ɗiɗaɓol 1:1 - Bible Fulfulde Bénin New Testament

¹ Ɗerewol ŋol ƴiwii diga e am, min Pol, lilaaɗo Yeesu *Almasiihu e sago Alla. Mi lilaama gam mi fiina haala dow yonki ki Alla haɓɓani en alkawal, sabbu kawtal men e Yeesu Almasiihu.

Timote Ɗiɗaɓol 1:1 ပူးပေါင်းရင်းမြစ်များ

Yuhaana 10:28

Mii hokka ɗi yonki tabitiiki, ɗi baatataa abada. Goɗɗo teetataa ɗi e junŋo am.

Yuhaana 17:3

Annugo an woni Alla gooto, gooŋaajo, e lilaaɗo makko Yeesu *Almasiihu, kan woni yonki tabitiiki.

Yuhaana 5:24

Mii bata on e gooŋa. Nanuɗo haala am ko goonɗini liluɗo am, heɓii yonki tabitiiki, o hiitataake. O ƴiwii e maayde, o warii to yonki.

Yuhaana 6:40

Nani ko Baaba am yiɗi: ji'uɗo Ɓiɗɗo fu, to goonɗinii mo, heɓii yonki tabitiiki. Mi ummitinan mo nyalaane darŋal.»

Yuhaana 6:54

Neɗɗo fu nyaamuɗo ɓannu am, to yari ƴiiƴam am, heɓii yonki tabitiiki. Mi fintinan mo nyalaane darŋal.

Roma 1:1

Ɗerewol ŋol ƴiwii e am min Pol maccuɗo Yeesu *Almasiihu. Mi noddaama gam mi laatoo lilaaɗo, mi suɓaama gam mi waajoo *linjiila Alla.

Roma 5:21

Hakke acci maayde laamii. Hande non bo foonnitaare acciri moƴƴere Alla laamii gam keɓen yonki tabitiiki ki Joomiraawo meeɗen Yeesu *Almasiihu hokkata.

Roma 6:23

Riiba hakke, maayde nun. Amma kokkal Alla laati nun yonki tabitiiki der kawtal men e Yeesu Almasiihu Joomiraawo meeɗen.

Korintu Aranol 1:1

Min Pol e banniraawo men Sosteni winnani on ɗerewol ŋol. Min Pol noddaaɗo gam laatoo lilaaɗo Yeesu *Almasiihu e muunyo Alla.

Korintu ɗiɗaɓol 1:1

Ɗerewol ŋol ɗo ƴiwii e am, min Pol, e banniraawo meeɗen Timote. Mii lilaaɗo Yeesu *Almasiihu e sago Alla. Emen canna eklesiya Alla gonuka Korintu, e himɓe Alla wonɓe leydi Akaya fu.

Korintu ɗiɗaɓol 1:20

Yeesu nun laatii «ee» alkawalji ɗi Alla haɓɓi fu. To non, diga e makko bi'eten aami, gam Alla teddinee.

Galaatiya 3:26

On fu, on laatake ɓiɓɓe Alla gam on goonɗini Yeesu *Almasiihu.

Galaatiya 3:28

Cuttontirol walaa hakkune *Yahuduujo e Yunaninkeejo, dimo naa bo maccuɗo, gorko naa bo debbo, gam on fu on laatike gootum der kawtal mooɗon e Yeesu Almasiihu.

Efesu 3:6

Nani ɗo no asiiri on laatori: Diga e *linjiila, ɓe lenyi janani heɓi geɗu mum der moƴƴereeji desaaɗi, hande no *Yahuduuɓe heɓiri. Ɓe laatake jokkule ɓannu gootol, ɓee goodi alkawal gootal gam ɓe kawtii e Yeesu Almasiihu.

Timote Aranol 6:19

Hande nun ɓe cuuɗiranta ko'e maɓɓe jawdi booɗuni, tabitintooni, gam nyalaaɗe garooje, ɓe keɓa bo yonki gooŋahi.

Timote Ɗiɗaɓol 1:10

Jooni, moƴƴere nen hollitake e garki kisinoowo meeɗen Yeesu Almasiihu. Kanko halki baawɗe maayde. Diga e linjiila o holliti yonki tabitintooki.

Timote Ɗiɗaɓol 1:13

Joga haala gooŋaha ka nanuɗaa diga e am. Gollir ka e goonɗinki, e yidde ne keɓuɗen gam een kawti e Yeesu *Almasiihu, ka laatanee misaalu.

Timote Ɗiɗaɓol 1:9

Kanko hisini en, noddi en gam laatanoɗen mo. Hinaa gam gaɗu meeɗen o hisiniri en, amma gam nun nun o yiɗiri ɗum e moƴƴere makko. Moƴƴere nen o waɗani en diga e Yeesu *Almasiihu, diga hanne bane.

Timote Ɗiɗaɓol 2:1

Gam majjum ɓiyam, accu moƴƴere ne keɓuɗen sabbu kawtal men e Yeesu *Almasiihu semmiɗinee.

Timote Ɗiɗaɓol 2:10

Gam majjum munyanmi huune fu, sabbu suɓaaɓe Alla heɓa kamɓe bo, Yeesu Almasiihu hisina ɓe, ɓe keɓa tedduŋal makko tabitiiŋal.

Timote Ɗiɗaɓol 2:3

Jaɓu geɗu toora maa hande soogeeru Yeesu *Almasiihu yeeru.

Timote Ɗiɗaɓol 3:15

Diga sukaaku maa, aa anni Dewte ceniiɗe. Kanje ɗe baawan ko hokku maa faamu, jiitiraa kisidam keɓeteeɗam diga e goonɗingo Yeesu *Almasiihu.

Titus 1:2

Hande non ɓe goodirta hoolaare heɓugo yonki tabitiiki. Alla mo fewataa haɓɓaniino en alkawal yonki kin diga huune fu tagaaka.

Titus 1:4

Titus, mi sannii maa, an, laatiiɗo ɓiyam e gooŋa diga e goonɗinki men gooti. Alla *Baaba, e Yeesu *Almasiihu Kisinoowo en waɗanee moƴƴere, hokkee bo jam!

Iburaninkeeɓe 9:15

Kan acci *Almasiihu laatii beldinoowo, kaɓɓuɗo alkawal kesal, gam noddaaɓe heɓa donŋu duumiiŋu ŋu Alla haɓɓani ɓe alkawal. Ɗum waɗoto, gam o maayii, heɓa o sooditoo himɓe waɗunooɓe hakke der alkawal aranal.

Yuhaana Aranol 2:25

*Almasiihu haɓɓanii en alkawal, alkawal ŋal woni yonki tabitiiki.