Timote Aranol 5:10 - Bible Fulfulde Bénin New Testament

¹⁰ O laatoo anniraaɗo waɗugo ko wooɗi, hande jon: ummingo sukaaɓe mum hande no haani, oo laatii bernuɗo hoɓɓe, e lootuɗo koyɗe goonɗinɓe, e balluɗo toorotooɓe. Laatoo bo o waɗii gaɗuuji geeti ɗuuɗɗi.

Timote Aranol 5:10 ပူးပေါင်းရင်းမြစ်များ

Matiye 25:17

Kokkaaɗo ceede cardi keme ɗiɗi bo, waɗi hande non, kanko bo o riibii ceede cardi keme ɗiɗi goɗɗe.

Matiye 5:16

Hande non haani jayŋol mooɗon yaynira yeeso himɓe. Den ɓe ji'an golle booɗɗe ɗe gaɗoton, ɓe teddina Baaba mooɗon gonuɗo dow kammu.»

Luka 7:38

o darii ɓaawo Yeesu, ley koyɗe mum. Oo wulla, ko gonɗi makko e soofina koyɗe Yeesu, oo moyta gonɗi ɗii e gaasa makko, o mammilii ɗe, o misi ɗe wardi.

Luka 7:44

O waylitii far to debbo on, o wi'i Simon: «A yi'ii debbo oo ɗo, mi naatii wuro maa, a hokkay am diyam caƴƴumi koyɗe am, amma kanko, o soofini koyɗe am e gonɗi makko, o moytii ɗe e gaasa makko.

Golle Lilaaɓe 10:22

Ɓe toonti ɓe bi'i: «Korney mawɗo waalde konunkeeɓe nun liloy men. Gorko on gooŋaajo nun, kulɗo Alla, mo lenyol *Yahuduuɓe fu seedantoo geeta. Malaykaajo ceniiɗo holli mo o waɗa men gara men noddee, garaa suudu makko, gam heɓa o nana waaju maa.»

Golle Lilaaɓe 22:12

Gorko gom bi'eteeɗo Ananiyas, gorko kulɗo Alla, tokkuɗo tawreeta Muusa, mo *Yahuduuɓe Damas fu batanta geeta,

Golle Lilaaɓe 6:3

Gam majjum banniraaɓe, cuɓee hakkune mooɗon worɓe jeeɗiɗo ɓe kooliɗon, hebbuɓe *Ruuhu Ceniiɗo e faamu, gam men jowana ɓe golle ɗen.

Golle Lilaaɓe 9:36

Der siire Yoppe, e woodunoo debbo goonɗinɗo bi'eteeɗo Tabita. (E yunaninkeere ɗum wi'ay maa Dorkas, waato Taakawre.) Oo waɗa golleeji ɗuuɗɗi booɗɗi, oo walla talakaaɓe sanne.

Golle Lilaaɓe 9:39

Piyer ummii, yaadi e maɓɓe law. No o yottii, ɓe eencini mo suudu dowrowol. Rewɓe gowniiɓe fu wari to makko e wulla e holla mo gineeji e jabbaaje ɗe Dorkas nyo'unoo de o woodunoo yonki.

Roma 12:13

Ballitee himɓe Alla e haajeeji mum, laatee weernooɓe hoɓɓe.

Efesu 2:10

Alla nun waɗi en, kanko tagi en diga e kawtal men e Yeesu Almasiihu, gam golle booɗɗe. Golle booɗɗe ɗen, Alla siriyake ɗe diga aran gam gaɗen ɗe.

Koloosi 1:10

Hande non, on buuran der goonki pottananki Joomiraawo der huune fu. On tabitinto waɗugo ko wooɗi feere feere, on ɓeydoto annugo Alla.

Timote Aranol 2:10

Amma ŋari maɓɓe laatoo waɗugo gaɗu geetu. Hande nun haanirani rewɓe batooɓe no e teddini Alla.

Timote Aranol 3:2

Den, sey ardiiɗo eklesiya fu laatoo mo walaa gacce. O laatoo gooduɗo debbo gooto, nantiiɗo, mo hakkillo, gooduɗo neɗɗaaku, cilminoowo hoɓɓe, baawuɗo ekkitingo.

Timote Aranol 3:7

E haani joomum e batanee geeta yeeso himɓe ɓe goonɗinay. Den ɓe jawataako mo, o yantataa bo der pitti Ibiliisa.

Timote Aranol 5:16

Debbo goonɗinɗo, mo rewɓe gowniiɓe woni e wuro mum, o walla ɓe, gam to ɓe laatana eklesiya doongal. Eklesiya kan, hiinno rewɓe gowniiɓe, ɓe goodaa goɗɗo kiinnotooɗo ɗum.

Timote Aranol 5:25

Hande nun bo golle booɗɗe hollitortoo, ɗe hollitaaki bo, tabitintaako e suuɗi.

Timote Aranol 6:18

Batu ɓe ɓe gaɗa ko wooɗi. Waɗugo geetum laatoo jawdi maɓɓe. Ɓe laatoo hokkitirooɓe, siriyiiɓe wallugo woɓɓe e jawdi maɓɓe.

Timote Ɗiɗaɓol 1:5

Mii siwtora goonɗinki maa ki walaa munaafitaare. Maama maa Loyis e inna maa Enis e artu maa woodugo ki. Mii hoolii an bo aa woodi ki.

Timote Ɗiɗaɓol 2:21

To goɗɗo laaɓinii hoore mum e kujje ɗee fu, joomum laatoto hande heeɗo gollirteeŋo golle tedduɗe. O laatoto, cenaaɗo, nafoowo joomum, ciriyiiɗo waɗugo golle booɗɗe fu.

Timote Ɗiɗaɓol 3:15

Diga sukaaku maa, aa anni Dewte ceniiɗe. Kanje ɗe baawan ko hokku maa faamu, jiitiraa kisidam keɓeteeɗam diga e goonɗingo Yeesu *Almasiihu.

Timote Ɗiɗaɓol 3:17

Nunnun neɗɗo Alla fu laatortoo kebbuɗo, ciriyiiɗo waɗugo golle geete.

Titus 2:14

O hokkii hoore makko gam men, o sooditii en diga ko halli fu. O laatinii en himɓe makko ɓe o woodi, laaɓinaaɓe, tinniiɓe waɗugo golle geete.

Titus 2:7

An e hoore maa, laatana ɓe misaalu der golle booɗɗe fu. Ekkitin ɓe ekkitinol gooŋawol, e pottuŋol.

Titus 3:1

Siwtor goonɗinɓe ɓe nanana mawɓe leydi, e wooduɓe baawɗe. Ɓe ɗowtanoo ɓe, ɓee ciriyii waɗugo golle booɗɗe fu.

Titus 3:14

E haani himɓe meeɗen bo ekkitoo waɗugo golle booɗɗe. Ɓe balla haajaaɓe walleego gam to kamɓe wallooɓe ɓen ɓe gonoo baanji.

Titus 3:8

Kanka woni haala kooliniika. Mii yiɗi tasinaa ka, gam goonɗinɓe Alla tinnoo waɗugo golle booɗɗe. Kanjum woni ko wooɗi, ko nafata himɓe.

Iburaninkeeɓe 10:24

En ballontiree gam kolliten yidde hakkune men, gaɗen bo golle booɗuɗe.

Iburaninkeeɓe 13:2

To on jeggitee weernugo hoɓɓe, gam woɓɓe weernii malaykaaɓe, ɓe annaa naa malaykaaɓe nun ɓe beerni.

Iburaninkeeɓe 13:21

Alla on hokka on baawɗe waɗugo booɗɗum feere feere fu, heɓa kebbinon ko o yiɗi. O waɗa der men ko fottani mo, diga e Yeesu *Almasiihu mo tedduŋal laatanii faa e baade! Aami!

Piyer Aranol 2:12

Accee joonne mooɗon e wooɗi yeeso himɓe ɓe goonɗinay, gam baa to ɓe gaccake on, e wi'ugo on, on halluɓe, ɓe ji'a golle mooɗon booɗuɗe, ɓe teddina Alla nyaanne o hollitanii ɓe.

Piyer Aranol 4:9

Beernontiree hakkune mon, hinaa e dumbitaago.

Yuhaana Tataɓol 1:12

Demeteriyus kan, himɓe fu e seedanoo ɗum ko wooɗi, gooŋa e hoore mum bo e seedanoo mo ɗum. Menen bo, emen ceedo ɗum, aa anni bo seedaaku amen e laatii gooŋa.