Timote Aranol 4:6 - Bible Fulfulde Bénin New Testament

⁶ Ekkitin banniraaɓe huune ɗum. Den a laatoto gollantooɗo Yeesu *Almasiihu geeto. A nyaannan hoore maa e haala goonɗinki, e ekkitinol poonnitiiŋol ŋol tokkuɗaa e tinnaare.

Timote Aranol 4:6 ပူးပေါင်းရင်းမြစ်များ

Matiye 13:52

Den, o wi'i ɓe: «*Moodibbo tawreeta paamuɗo haala *Laamaare Alla, e nandi hande jom wuro, burtinoowo huune kesum e kiiɗɗum diga e jawdi mum.»

Luka 1:3

Ko min bo, daartumi deydey ko waɗi diga fuɗɗoode, tawmi e haani mi winnanee habaruuji ɗin e tokkontirki,

Golle Lilaaɓe 1:15

Der balɗe ɗen goonɗinɓe hawruɓe ɗon waɗii jaka hewre e laso. Piyer ummii, darii caka maɓɓe, wi'i:

Golle Lilaaɓe 20:31

Gam majjum, kakkilanee ko'e mooɗon, ciwtoron, ɗum waɗii duuɓi tati, jemma e nyalooma, mi accay seedingo moy mooɗon fu e gonɗi.

Golle Lilaaɓe 20:35

Mi hollii on der huune fu e haani golloɗon no wooɗi gam keɓon balliton tampuɓe. Ciwtoron haala Yeesu Joomiraawo ka o bati e hoore makko, o wi'i: “Hokkugo e ɓuri barke dow jaɓugo”.»

Roma 15:15

Amma der nokkuuje goɗɗe der ɗerewol am ŋol, mi winnanii on e cuusal gam siwtorgo on ko annuɗon. Mi waɗii ɗum sabbu moƴƴere ne Alla waɗanimmi.

Korintu Aranol 4:17

Kan waɗi lilumi Timote ɓiyam jiɗaaɗo to mooɗon, koolaaɗo der kawtal mum e Joomiraawo. O siwtoran on no tokkirmi Almasiihu, e ko baajotoomi nokku fu der eklesiyaaji.

Korintu ɗiɗaɓol 11:23

Ɓe laati nun gollantooɓe *Almasiihu? Mii laatii ɗum ɓuri ɓe, mii bata hande kaaŋaaɗo. Mii ɓuri ɓe gollaago, mii ɓuri ɓe maɓɓeego, mii ɓuri ɓe fiyeego. De ɗuuɗɗum gonumi der kaliire maayde.

Korintu ɗiɗaɓol 3:6

Kanko waɗi men fotuɓe gollanaago alkawal kesal. Alkawal ŋal daraaki dow sariya binnaaka, amma dow *Ruuhu Ceniiɗo. Gam sariya binnaaka e yaara himɓe to maayde, amma Ruuhu e hokka yonki.

Korintu ɗiɗaɓol 6:4

Amma der huune fu, emen kolla no men laati nun gollantooɓe Alla. Kan acci emen tinnii, emen munyani tooraaji e caɗeele e jiɓayeere.

Efesu 6:21

Mii yiɗi onon bo, annon no gonirmi e ko gaɗanmi. Gam majjum, Tikikus banniraawo meeɗen jiɗaaɗo, gollantooɗo Joomiraawo e hoolaare, humpitan on habaru am fu.

Filippi 2:20

gam mi walaa goɗɗo jiɗuɗo on hande am, paaliiɗo on e gooŋa, to hinaa kanko,

Filippi 2:22

Oon anni Timote hollitii oo laatii koolaaɗo, o gollodake e am gam waaji *linjiila hande no ɓiɗɗo gollorantoo baaba mum.

Filippi 3:16

Amma to jottiɗen ɗo, sey tokken laawol ŋol jaheten e mum jooni.

Koloosi 2:19

Ɓe kawtay e Almasiihu laatiiɗo hoore. Kanko nun hokkata ɓannu fu ko haajaa, kanko acci jokkule e ɗaɗi fu e hawti. Kanko bo acci ɓannu e mawna no Alla yiɗiri.

Koloosi 3:16

Accee haala Almasiihu hebba e mooɗon faa wooɗa. Janŋinontiree, tiiɗinontiron e hakkillo. Jimanee Alla e ɓerɗe mooɗon fu, jettee mo e jimi jabuuraaji, e maantooje, e jimi ɗi *Ruuhu Ceniiɗo hokkata on.

Koloosi 4:7

Tikikus, banniraawo meeɗen jiɗaaɗo, humpitan on no gonirmi fu. O laati nun koolaaɗo, gollodintooɗo men der golle Joomiraawo.

Tesalonika Aranol 3:2

ko men lili Timote banniraawo amen, gollantooɗo Alla e amen, baajotooɗo *linjiila *Almasiihu. Men lilii mo o semmiɗina on, o tiiɗina on der goonɗinki mooɗon.

Timote Aranol 1:10

Ka waɗaama bo gam jeenooɓe, e waɗooɓe jeenu gorko e gorko, non bo debbo e debbo, e sippooɓe maccuɓe, e fewooɓe, e hunortooɓe fewre, e huune ɗuuɗɗum, luudontirɗum e ekkitinol gooŋawol.

Timote Aranol 4:16

Hakkilan hoore maa. Reenu bo janŋinol maa, tinna dow majjum. To a waɗii ɗum, den aa hoolii a hisan, an e hettinaniiɓe maa fu.

Timote Aranol 6:3

Woɓɓe e ekkitina ekkitinol feerewol. Ɓe tokkay haala Joomiraawo meeɗen Yeesu *Almasiihu laaɓuka, e ekkitinol jaadoowol e kulol Alla.

Timote Ɗiɗaɓol 1:6

Gam majjum mii hattinee, accu dokkal ŋal Alla hokku maa no jowumi juuɗe am dow maa ɓeydoo.

Timote Ɗiɗaɓol 3:10

Amma an Timote, a yi'i no janŋinirmi. A yi'ii jikku am, e anniya am, e goonɗinki am, e munyal am, e yidde am, e tinnaare am.

Timote Ɗiɗaɓol 4:3

Gam wakkati waran de himɓe salotoo nanugo ekkitinol poortiiŋol. Ɓe tokkoto suunooji maɓɓe. Ɓe dartanan ko'e maɓɓe janŋinooɓe ɗuuɓɓe, janŋinanɓe ɓe ko ɓe jiɗi nanugo.

Titus 2:1

Amma an, accu batu maaɗa yaada e ekkitinol gooŋawol.

Piyer Aranol 2:2

hande no sukahon keccon yiɗiri kosam ɗam jillontiraaka, nun haani onon bo jiɗiron haala Alla, gam mawnon der makka, kison.

Yuhaana Ɗiɗaɓol 1:9

Mo daraaki dow kollitol *Almasiihu ko ƴaartii ŋol, walanaa Alla. Dariiɗo e maggol fu, e wonani *Baaba e *Ɓiɗɗo mum.

Yahuuda 1:5

Jooni, mii yiɗi siwtorgo on ko annuɗon, ko wooɗi. Wakkati Joomiraawo wurtini himɓe Isira'iila diga Misira, ɓaawo mum o halkii ɗuuɓɓe maɓɓe gam ɓe goonɗinay.