Timote Aranol 4:16 - Bible Fulfulde Bénin New Testament

¹⁶ Hakkilan hoore maa. Reenu bo janŋinol maa, tinna dow majjum. To a waɗii ɗum, den aa hoolii a hisan, an e hettinaniiɓe maa fu.

Timote Aranol 4:16 ပူးပေါင်းရင်းမြစ်များ

Marku 13:9

Kakkilanee ko'e mooɗon, gam himɓe nanŋan on yaara kiitorɗe, on piyete der baajorɗe, ɓe darnan on yeeso hooreeɓe e laamiiɓe gam sabbu am, on laatanto am seedeeɓe yeeso maɓɓe.

Luka 21:34

«Kakkilanee ko'e mon! To on accee nyaamduuji juulɗe, e jaranji, e miilooji duuniyaaru hebba ɓerɗe mon gam to nyalaane nen juhu on.

Golle Lilaaɓe 26:22

Amma faa hanne, Alla e reenimmi. Mii seedanoo mawɓe e sukaaɓe, mi waajataako goɗɗum sey ko annabiiɓe e tawreeta Muusa wi'unoo laatoyto, waato

Golle Lilaaɓe 6:4

Amma menen, accon men men kiinnoo du'aago e jagganaago haala Alla.»

Roma 11:14

Mii yiɗi to waɗoto, mi ummina nawniraagu himɓe lenyol am, mi hisina woɓɓe maɓɓe.

Roma 16:17

Banniraaɓe, nani ɗo ko eelanmi on: kakkilanee waddooɓe ceennirgu caka mon. Kamɓe ɓee darta selingo on diga ekkitinol ŋol keɓuɗon. Boɗɗodee ɓe!

Roma 2:7

Tinniiɓe e waɗa ko wooɗi e daartira tedduŋal e manŋu e ko tabotoo, Alla hokkan ɓe yonki tabitiiki.

Korintu Aranol 1:21

Himɓe duuniyaaru nuu e faamu mum fu, annitay Alla no o holliti faamu makko. Ɗum laatake nun nun gam Alla e yiɗi hisingo goonɗinɓe ɗum fu diga e waaji amen ɗi woɓɓe daari haaŋaare.

Korintu Aranol 9:22

To mi yahii to goonɗinɓe tampuɓe, mii waɗa hoore am hande tampuɗo, gam mi heɓa ɓe. Walaa fu no mi laatinay hoore am dow himɓe fu gam mi hisinira woɓɓe maɓɓe, baa no waɗi fu.

Korintu Aranol 9:27

Amma mii gollina ɓannu am e naawɗum faa mi jaaloo ŋol, gam mii hula mi dulla heɓugo yetteego ɓaawo baajiimi woɓɓe *linjiila.

Efesu 4:14

Den, en laatataako kade sukaaɓe wifitinteeɓe nokku fu, hande laanayel diyam ŋel galmaaji diyam yaarata to yiɗi. Den bo, janŋinooɓe pewe majjintaa en e ƴoyre mum.

Koloosi 4:17

Batee Arkippus tinnoo waɗa golle ɗe Joomiraawo yowani ɗum no wooɗi.

Tesalonika Aranol 2:16

Eɓe darta haɗugo men waajaago jananɓe gam to ɓe kisu. Nunnun ɓe kebbiniri hakkeeji ɗi ɓe gaɗata. Amma mone Alla non hippake dow ko'e maɓɓe.

Timote Aranol 1:3

Wakkati jahannoomi Maseduwaan, mi batiino maa jooɗoɗaa Efesu. Himɓe woɓɓe na'on ɗon e janŋina ekkitinol feerewol. Haɗu ɓe ɗum.

Timote Aranol 4:15

Tinna e golle ɗen, kokkaa hoore maa e majje, gam himɓe fu yi'a no ɓeydortoɗaa yeeso yeeso.

Timote Aranol 4:6

Ekkitin banniraaɓe huune ɗum. Den a laatoto gollantooɗo Yeesu *Almasiihu geeto. A nyaannan hoore maa e haala goonɗinki, e ekkitinol poonnitiiŋol ŋol tokkuɗaa e tinnaare.

Timote Ɗiɗaɓol 2:10

Gam majjum munyanmi huune fu, sabbu suɓaaɓe Alla heɓa kamɓe bo, Yeesu Almasiihu hisina ɓe, ɓe keɓa tedduŋal makko tabitiiŋal.

Timote Ɗiɗaɓol 3:14

Amma an, joga ko ekkitiɗaa, e ko kooliiɗaa e semme. Aa anni moy ekkitin maa ɗum.

Timote Ɗiɗaɓol 4:2

Waaja haala Alla, waajita ka wakkati fu, baa ɗum fottanii ɓe, baa ɗum fottanay ɓe. Felu ɓe, semmiɗin ɓe e munyal, aa janŋina ɓe.

Titus 1:9

Sey joomum e jogii haala kooliniika hande no ka janŋiniraa. Den o waawan ko semmiɗini woɓɓe e ekkitinol laaɓuŋol, o waawan bo ko jaalii yeddooɓe.

Titus 2:15

Kanjum haani bataa himɓe, nun bo haani baajoɗaa ɓe, pelaa ɓe e baawɗe maa fu. Taa accu goɗɗo yawee.

Titus 2:7

An e hoore maa, laatana ɓe misaalu der golle booɗɗe fu. Ekkitin ɓe ekkitinol gooŋawol, e pottuŋol.

Filemon 1:19

Min Pol, mii winna ka e junŋo am, mi yoɓete ɗum. Amma mii siwtoree, an bo aa joganii am nyamaane, nyamaane nen bo, an e hoore maa nun.

Iburaninkeeɓe 12:15

Kakkilee gam to goɗɗo ɗawu hoore mum moƴƴere Alla, to o laatoo hande ɗaɗol kaaɗuŋol bilitoowol e raaɓoo ɗuuɓɓe kaaɗuɗum mum, e laawa ɓe.

Iburaninkeeɓe 13:9

To on accee ekkitinooje janane iri ɗey fu fooɗa on. Ko haani woni, moƴƴere Alla semmiɗa der ɓerɗe mooɗon, hinaa sariyaaji dow nyaamduuji. Tokkuɓe sariyaaji ɗii ɗon, ɗi nafay ɗum goɗɗum.

Yaakuuba 5:20

annitee bittinoyɗo gaɗuɗo hakke diga laawol majjere, hisinii yonki makko e maayde, suddii hakkeeji ɗuuɗɗi.