Timote Aranol 4:10 - Bible Fulfulde Bénin New Testament

¹⁰ Gam sabbu ɗum ɗon fu, emen golloo emen duura, gam men jowii hoolaare amen fu dow Alla yonkinteejo. Kanko laatii Kisinoowo himɓe fu, accu du goonɗinɓe mo.

Timote Aranol 4:10 ပူးပေါင်းရင်းမြစ်များ

Matiye 16:16

Simon Piyer toontii mo, wi'i: «An woni *Almasiihu, *Ɓiɗɗo Alla yonkinteejo.»

Matiye 27:43

O yowii hoolaare makko fu dow Alla. To non Alla faaboo mo jooni, to e yiɗi mo. Gam o wi'i, o laati nun Ɓiɗɗo Alla.»

Yuhaana 1:29

Fini mum, Yuhaana yi'i Yeesu e wara to mum, wi'i: «Nani *Jawgiyel Alla ikkinoowel hakkeeji duuniyaaru.

Yuhaana 4:42

Ɓe bi'i debbo on: «Jooni, hinaa gam ka batuɗaa men tan acci men goonɗini. Amma menen e ko'e amen, men nanii haala makko, emen anni kanko woni Kisinoowo duuniyaaru lalley.»

Yuhaana 5:24

Mii bata on e gooŋa. Nanuɗo haala am ko goonɗini liluɗo am, heɓii yonki tabitiiki, o hiitataake. O ƴiwii e maayde, o warii to yonki.

Korintu Aranol 15:10

Gam moƴƴere Alla laatoriimi ko laatiimi. Moƴƴere ne o waɗanimmi bo laataaki baanji, gam mi gollake ko ɓuri lilaaɓe fu. Min bane waɗata ɗum, amma moƴƴere Alla wonne der am waɗata ɗum.

Korintu ɗiɗaɓol 1:10

Kanko hisini men e kaliire maayde iri nee ɗon, o hisinan men kade bo. Emen koolii mo, o hisinan men kade.

Timote Aranol 2:3

Kanjum wooɗi, eɗum fottani Alla kisinoowo en.

Timote Aranol 2:4

Oo yiɗi himɓe fu hisa, heɓa ɓe jottoo annal gooŋa.

Timote Aranol 2:6

O hokkitirii hoore makko gam sooditaago himɓe fu. Non Alla hollitiri laawol ŋol o suɓi no wakkati mum waɗi.

Timote Aranol 3:15

Amma to ɓooyii mi waray, ɗerewol ŋol ɗo anninte no haani goniraa der saare Alla, laatiine eklesiya Alla yonkinteejo. Eklesiya kan laatii darŋanal, e to gooŋa darii.

Timote Aranol 6:17

Batu wooduɓe jawdi der duuniyaaru ɗo, to ɓe mawnito. To ɓe kooloo jawdi ni tabitintaako, amma ɓe kooloo Alla. Kanko nun hokkata en huune fu, faa heƴa, gam ceyoroɗen ɗum.

Iburaninkeeɓe 11:26

O faamii yarugo bone gam *Almasiihu e laatii jawdi ɓuruni jawdi Misira fu manŋu, gam oo daarii riiba gonuka yeeso.

Iburaninkeeɓe 13:13

To non, en burtee taween mo yaasi wanŋarde, jaɓen senteene ne o sentinaa!

Piyer Aranol 1:21

Diga e makko goonɗinɗon Alla, pintinɗo mo diga e maayde, hokki mo tedduŋal, gam goonɗinki mon e tammuwe mon fu daroo dow Alla.

Yuhaana Aranol 2:2

Kanko, o sakki yonki makko gam hakkeeji meeɗen yaafee, hakkeeji meeɗen tan bane, amma hakkeeji himɓe duuniyaaru fu.

Yuhaana Aranol 4:14

Menen men ji'ii, emen ceedo bo no Alla *Baaba liloy *Ɓiɗɗo mum gam wara hisina himɓe duuniyaaru.