Timote Aranol 4:1 - Bible Fulfulde Bénin New Testament

¹ *Ruuhu Ceniiɗo batii e laaɓuɗum wi'i: Der jaamanuuji cakitiiɗi, woɓɓe woppan goonɗinki. Ɓe ɗowtanto ruuhuuji majjinooji, e ekkitinooje ginnaaji.

Timote Aranol 4:1 ပူးပေါင်းရင်းမြစ်များ

Matiye 18:7

Bone laatanii duuniyaaru nuu, gam woodi ko doƴƴata himɓe der hakke. Waɗataako ko doƴƴata himɓe waray, amma bone laatanto laatiiɗo daliila majjum!

Luka 17:1

Yeesu batii aahiiɓe mum wi'i: «Ɗum waɗataako laabi doƴƴere waray, amma bone laatanto laatiiɗo daliila majjum.

Yuhaana 16:13

To *Ruuhu gooŋa warii, o anninan on gooŋa lalley, gam o batantaa hoore makko, amma o batan on ko o nani, o batan on bo ko warata.

Golle Lilaaɓe 13:2

Nyalaane gom eɓe cujidana Joomiraawo eɓe cuumorii, go *Ruuhu Ceniiɗo wi'i ɓe: «Accanee am Barnabas e Sol gam golle ɗe noddanmi ɓe.»

Golle Lilaaɓe 17:18

Janŋinooɓe woɓɓe wi'eteeɓe Epikuriiɓe e Sitoykooɓe e yeddontira e makko. Woɓɓe e wi'a: «Kaye ɗuuɗa-haalaajo oo batata?» Woɓɓe bo e wi'a: «O batanan nun saafeteeɓe jananɓe.» Ɓe batay ka maa gam haala Yeesu e pintol muuɗum o waajinoo ɓe.

Golle Lilaaɓe 20:23

huune gootum tan annumi: Ruuhu Ceniiɗo e laaɓinanammi der ci'e fu e wi'a callalluuji e tooraaji e heɗii am.

Golle Lilaaɓe 21:11

No o wari to amen, o hocci ɓelɓelol Pol, o haɓɓi koyɗe e juuɗe mum, o wi'i: «*Ruuhu Ceniiɗo wi'i: ‟*Yahuduuɓe wonɓe Urusaliima haɓɓan jom ɓelɓelol ŋol, wattan ɗum e juuɗe heeferɓe.”»

Golle Lilaaɓe 28:25

No ɓe jeddontirta eɓee cankitoroo, Pol ɓeydi haala goota kaa ɗo, wi'i: «*Ruuhu Ceniiɗo batii gooŋa no o badduno kaakiraaɓe mooɗon diga e annabi *Esaaya, o wi'i:

Korintu Aranol 10:20

Amma, ko heeferɓe saafirta, ginnaaji ɓe caafanta ɗum, Alla bane. Nani bo mi yiɗaa oon goodi kawtal e ginnaaji.

Korintu Aranol 11:19

Haani du ceenniigu laatoo caka mooɗon, gam heɓa gooŋaaɓe wurtoo e mooɗon.

Korintu Aranol 12:11

Ruuhu gooto on tan waɗata ɗum ɗon fu, o seennirana moy fu dokkal hande no o yiɗiri.

Korintu Aranol 2:10

Amma enen, Alla hollitii en ɗum diga e *Ruuhu mum. Ruuhu on e wiɗitoo huune fu, faa e lugguɗum Alla.

Korintu ɗiɗaɓol 11:3

Amma mii woodi kulol to hakkillo mooɗon waylitoo, accon yiɗugo Almasiihu e ɓerɗe goote, laaɓuɗe, nandon hande Hawwa, mo boddi ƴoyri.

Koloosi 2:18

To on accee waɗooɓe hande e ɓuyti ko'e mum, ko ɓee caafa malaykaaɓe majjina on. Koyɗaali maɓɓe ɓe tokkii, ɓee mawnito dow baanji, gam miilooji maɓɓe ɓe tokkii.

Timote Ɗiɗaɓol 3:13

Amma halluɓe e hiilooɓe, ɓeydoto e halla. Ɓe majjinan woɓɓe, gam kamɓe bo ɓee majji.

Timote Ɗiɗaɓol 4:4

Ɓe cukkan noppi maɓɓe gam to ɓe nanu gooŋa, ɓe baylitinto far to taalaaji.

Yaakuuba 3:15

Iri hakkillo ŋoo ɗon waray diga to Alla. E duuniyaaru ɗo ŋo ƴiwi, diga miilooji neɗɗo e to *Seyɗan ŋo ƴiwi.

Piyer Aranol 1:20

Alla suɓii mo diga duuniyaaru tagaaka, amma o hollitii mo der jaamanuuji cakitiiɗi gam mooɗon.

Piyer Ɗiɗaɓol 2:1

Hande no annabiiɓe fewrekuuɓe wonirno caka *Isira'iilaaɓe, non bo janŋinooɓe fewrekuuɓe wonortoo caka mooɗon. Ɓe naannan janŋinol fewrekuwol, kalkoowol, caka mon. Ɓe jeddan Joomiraawo cooditiiɗo ɓe. Hande non ɓe pooɗiranta ko'e maɓɓe halkere yaawune.

Piyer Ɗiɗaɓol 3:3

Aran, annitee ɗum ɗo: Der nyalaaɗe cakitiiɗe, himɓe jaancooɓe, tokkuɓe jiɗaaɗi yonki mum waran. Ɓe jaancan on,

Yuhaana Aranol 2:18

Sukaaɓe am, duuniyaaru ɓadake heennyugo. On nanii *ganyo Almasiihu waran, jooni du wayɓe *Almasiihu ɗuuɓɓe yottake. Kanjum annitirɗen no wakkati ɓadake.

Yuhaana Aranol 4:6

Enen, een himɓe Alla, annuɗo Alla fu hettinanto en. Mo laataaki neɗɗo Alla hettinantaako en. Nun ceennontirten Ruuhu gooŋa e ruuhu fewre.

Yahuuda 1:18

Ɓe batiino on, ɓe bi'i: «Der jaamanuuji cakitiiɗi, himɓe jaancooɓe, tokkuɓe jiɗaaɗi yonki mum kalluɗi waraan.»

Yahuuda 1:4

Gam himɓe halluɓe naati caka mooɗon e ƴoyre. Ɓee darta lelugo haala moƴƴere Alla men, gam ɓe nyaama goonki maɓɓe no ɓe pakkiri fu. Ɓee jedda Yeesu *Almasiihu laatiiɗo hooreejo meeɗen gooto, e Joomiraawo meeɗen. Dewte ceniiɗe bataniino halkere maɓɓe.

Kollitinki 13:14

Ŋa ƴoyri himɓe duuniyaaru e kaayeefiiji. Ŋa hokkaama baawɗe waɗugo kaayeefiiji ɗin yeeso bisaa arana. Ŋa bati himɓe duuniyaaru waɗa tooruure nandune e bisaa nawnaaŋa e kaafahi ko daɗi.

Kollitinki 16:14

Ginnaaji ɗin ƴiwii e *Seyɗan. Ɗii gaɗa maaneeji, ɗii jaha to laamiiɓe duuniyaaru fu, ɗii kawrita ɓe gam ɓe kaɓa konu nyalaane darŋal, nyalaane Alla mo baawɗe.

Kollitinki 18:2

O batii e daane towne, o wi'i: «Ne yanii! Babiila wanŋarde mawne yanii! Ne laatike wonorde ginnaaji, e suuɗorde ruuhuuji coɓuɗi, e suuɗorde pooli coɓuɗi, e elliniiɗi fu!

Kollitinki 18:23

Jayŋol fitilla yaynataa der maa. Daane jommanjo gorko e jommanjo debbo nanataake kade der maa. Gam tenkuuɓe maa laatinoo mawɓe der leydi. A jammike leyɗeele ɗuuɗɗe e dobo dobooje maa.

Kollitinki 19:20

Bisaa ŋan nanŋaa maɓɓaa, kanŋa e annabiijo pewoowo gaɗunooɗo haaynaareeji yeeso magga. E haaynaareeji ɗin o jammoriinoo wooduɓe maane bisaa, e sujidanooɓe foto magga. Ɓe fu ɗiɗo, ɓe paɗɗaa e yonki der maayo yiite kuɓɓoowe, e kibiriita.

Kollitinki 2:11

Gooduɗo noppi, nana ko *Ruuhu batata eklesiyaaji! Jaaliiɗo, maayde ɗiɗawre meemataa ɗum."

Kollitinki 2:17

Gooduɗo noppi, nana ko *Ruuhu batata eklesiyaaji! Jaaliiɗo, mi hokkan ɗum nyaamdu suuɗiinu, wi'eteenu “maannu”. Mi hokkan mo bo, kaaƴel daneyel. Dow maggel, inne heyre e winnaa. Goɗɗo annaa inne nen to hinaa kokkaaɗo ne."

Kollitinki 2:29

Gooduɗo noppi, nana ko *Ruuhu batata eklesiyaaji!»

Kollitinki 2:7

Gooduɗo noppi fu, nana ko *Ruuhu batata eklesiyaaji! Jaaliiɗo fu, mi hokkan ɗum nyaama ɓiɓɓe leggal yonki gonuŋal der aljanna Alla.»

Kollitinki 20:10

Seyɗan jammotooɗo ɓe, faɗɗaa der maayo yiite e kibiriita, to bisaa e annabiijo pewoowo woni. Ɗon nun ɓe toorotoo jemma e nyalooma, faa abada.

Kollitinki 20:8

O jammoto leyɗeele gonuɗe der gooraaje duuniyaaru naay, waato Gog, e Magog. O hawritan ɗe gam konu, ɗe ɗuuɗan hande jaaneeri maayo.

Kollitinki 3:13

Gooduɗo noppi, nana ko *Ruuhu batata eklesiyaaji!"

Kollitinki 3:22

Gooduɗo noppi, nana ko *Ruuhu batata eklesiyaaji!»

Kollitinki 3:6

Gooduɗo noppi, nana ko *Ruuhu batata eklesiyaaji!"

Kollitinki 9:20

Horiiɓe, ɓe boneeji ɗin waray, tuubay ko ɓe gaɗi, ɓe accay saafugo ginnaaji, e tooruuje gaɗiraaɗe kanŋeeri, e cardi, e janni boɗeeri, e kaaƴe, e leɗɗe. Tooruuje ɗen yi'ataa, ɗe nanataa, ɗe jahataa.