Timote Aranol 3:8 - Bible Fulfulde Bénin New Testament

⁸ Wallooɓe der golle eklesiya bo, e haani laatoo fotuɓe teddineego. Ɓe galaa munaafitaare, ɓe jarataa bagi jiiloojam. To ɓe laatoo daartooɓe ceede e laabi kalluɗi.

Timote Aranol 3:8 ပူးပေါင်းရင်းမြစ်များ

Roma 3:13

Konoli maɓɓe e nandi e caabeeje maɓɓitiiɗe, ɓee jammoo himɓe e ɗelle maɓɓe. Tonɗi kunnuɗe maɓɓe e hebbi tooke, hande bolle pure.

Filippi 1:1

Min Pol e Timote, maccuɓe Yeesu *Almasiihu, winnani seniiɓe hawtuɓe e Yeesu Almasiihu wonɓe Filippi ɗerewol ŋol, e onon ardiiɓe e gollotooɓe der eklesiya.

Timote Aranol 3:12

Laatiiɗo balloowo eklesiya fu, sey joomum e woodi debbo gooto. O waawa bo dawrango ɓiɓɓe makko, e wuro makko hande no haani.

Timote Aranol 3:2

Den, sey ardiiɗo eklesiya fu laatoo mo walaa gacce. O laatoo gooduɗo debbo gooto, nantiiɗo, mo hakkillo, gooduɗo neɗɗaaku, cilminoowo hoɓɓe, baawuɗo ekkitingo.

Timote Aranol 3:3

Taa o laatoo jaroowo bagi, ɗum bo kaɓaaɗo. Amma o laatoo munyuɗo, daartoowo jam, mo suunaaka ceede.

Timote Aranol 5:23

Taa yaru diyam ɓalam tan. Yaru innabojam seɗɗa gam reedu maa, e gam aa nyawi de ɗuuɗɗum.

Titus 1:7

Doole ardiiɗo Eklesiya fu laatoo mo walaa gacce, gam o laati nun gollantooɗo Alla. Haanay o laatoo mawnitiiɗo, ɗum bo mo mone, maa bo jaroowo bagi, ɗum bo kaɓaaɗo, maa bo cuunaaɗo riiba kalluka.

Titus 2:3

Batu rewɓe nayeeɓe bo, wonoo hande no haani rewɓe goonɗinɓe wonoroo. To ɓe laatoo nyo'ooɓe himɓe, ɗum bo horɓe bagi. Amma ɓe laatoo ekkitinooɓe ko wooɗi.

Yaakuuba 3:10

Yettoore e yaa'oore fu der hunnuko wooto kon wurtotoo. Banniraaɓe am, nun bane haani ɗum laatoo.

Piyer Aranol 5:2

Duree himɓe Alla ɓe jowanaɗon. To on gaɗee ɗum e doole, amma e ɓerɗe goote, hande no Alla yiɗiri, to on duree ɓe gam heɓugo joddi kalluni, amma gam oon jiɗi ɗum puy.