Timote Aranol 3:16 - Bible Fulfulde Bénin New Testament

¹⁶ Seko fu walaa, asiiri diina meeɗen e mawni: Alla hollitake e ɓannu neɗɗo, *Ruuhu seedanike gooŋaaku makko, malaykaaɓe yi'ii mo, lenyi fu waajaama haala makko, o goonɗinaama der lenyi janani, o heɓii tedduŋal dow kammu.

Timote Aranol 3:16 ပူးပေါင်းရင်းမြစ်များ

Matiye 1:23

«Gatol ŋol annaa gorko saawan, rima ɓiɗɗo gorko, o wi'ete Emmanuwel .» Maana inne nen woni: «Alla e wondi e meeɗen.»

Matiye 13:11

O toontii ɓe, o wi'i: «Onon, on kokkaama faamugo asiiri *Laamaare Alla, amma kamɓe, ɓe keɓay ɗum.

Matiye 28:2

Ɗon de woore, leydi dimmii e semme. Malaykaajo Joomiraawo jippii diga dow kammu, talli hayre nen, jooɗii dow mayre.

Matiye 3:16

Ɗon maa ɗon, no Yeesu waɗaa *batisi, wurtii e diyam, kammu maɓɓitii. O yi'i *Ruuhu Alla e jippoo dow makko, hande tantabaraaru.

Matiye 4:11

Den Ibiliisa acci mo, go malaykaaɓe ɓattii e jagganoo mo.

Marku 1:13

O waɗi ton balɗe lasoy ɗiɗi, *Seyɗan e jarboo mo, oo woni hakkune tewuuji ladde, malaykaaɓe e hiinnii mo.

Marku 16:19

Ɓaawo no Yeesu Joomiraawo baddi e maɓɓe, o eencinaa dow kammu, o jooɗii nyaamo Alla.

Marku 16:5

Wakkati ɓe naati e saabeere nen, ɓe ji'i gojankeejo e jooɗii takkol nyaamo, e ɓornii gineeji daneeji, ɓe kuli puy.

Luka 2:32

Kanjam laatii jayŋol jaynanoowol himɓe ɓe lenyi janani. Ɗam teddinan bo himɓe Isira'iila.»

Luka 20:44

To Dawda noddii mo ‟Joomiraawo,” noy o laatortoo ɓiyiiko?»

Luka 22:43

Den malaykaajo gom suppitanii mo diga kammu, gam semmiɗina mo.

Luka 24:4

Go ɓe jiɓii dow majjum, ɗon worɓe ɗiɗo ɓorniiɓe gineeji daneeji suppitii ley maɓɓe.

Luka 24:51

Wakkati o barkiɗinta ɓe, o seenniri e maɓɓe, o ettaa dow kammu.

Yuhaana 1:14

Haala laatike neɗɗo. Neɗɗo on jooɗodii e meeɗen, oo hebbi moƴƴere e gooŋa. Men ji'ii tedduŋal makko, tedduŋal ŋal Ɓiɗɗo bajjo heɓata e baaba mum.

Yuhaana 13:3

Yeesu e anni e hoore mum, to Alla nun ƴiwi, to Alla nun hootata. *Baaba wattii huune fu der junŋo makko.

Yuhaana 15:26

To balloowo mo lildan mi on warii, kanko woni *Ruuhu gooŋa ƴiwoowo to *Baaba, kanko e hoore makko seedantoo am.

Yuhaana 16:28

Mi ƴiwii to Baaba, mi warii e duuniyaaru, jooni mi accan duuniyaaru, mi hoota to Baaba.»

Yuhaana 17:5

Jooni kan, *Baaba, teddinam tedduŋal ŋal goodunoo mi to maa diga duuniyaaru tagaaka.

Yuhaana 20:12

O yi'i malaykaaɓe ɗiɗo ɓorniiɓe gineeji daneeji e jooɗi to Yeesu fukkinanoo: Gooto e jooɗii to hoore wonnoo, gooto far to koyɗe.

Yuhaana 6:62

Jon kan to on ji'ii *Ɓii neɗɗo eenci to wonunoo, den mum noy gaɗoton?

Golle Lilaaɓe 1:19

Himɓe *Urusaliima fu nanii ɗum, kan waɗi ko ɓe innitiri gesa ŋaa ‟Akeldama”, der haala maɓɓe, ɗum wi'ay maa ‟gesa ƴiiƴam”.

Golle Lilaaɓe 10:34

Den Piyer fuɗɗi waajaago, wi'i: «Mi faamii e gooŋa Alla daaray maa himɓe fu gootum.

Golle Lilaaɓe 14:27

No ɓe jottii, ɓe kawriti eklesiya, ɓe bati ɓe ko Alla waɗi diga e maɓɓe fu, no o maɓɓitirani ɓe lenyi janani dammugal goonɗinki.

Golle Lilaaɓe 20:28

Kakkilanee ko'e mooɗon, kakkilonon hoggo ŋo *Ruuhu Ceniiɗo yowani on, laatoɗon durooɓe eklesiya Alla ŋa o heɓiri e ƴiiƴam makko .

Roma 10:12

Walaa ko suttontiri *Yahuduujo e mo laataaki Yahuduujo. Ɓe fu Joomiraawo gooto ɓe goodi. Kanko nun hokkata noddanɓe mo fu jawdi makko.

Roma 10:18

Amma mii ƴama kaa ɗo: Isira'iilaaɓe nanay woni na? E gooŋa ɓe nanii! Gam dewtere wi'ii: «Daaɗe maɓɓe nanaama der duuniyaaru fu, Haala maɓɓe yottike kaddi leydi.»

Roma 16:25

Yettoore laatanoo Alla! Oo woodi baawɗe semmiɗingo on der goonɗinki, hande no *linjiila ka baajotoomi batiri. *Linjiila kan laati nun habaru Yeesu *Almasiihu, eka hollita laabi Alla cuuɗiiɗi diga ɗum ɓooyi.

Roma 16:26

Amma jooni ɗum hollitake. Dewte annabiiɓe e seedoo ka. Alla tabitiiɗo batii ka anninee himɓe lenyi janani fu, gam ɓe goonɗina, ɓe ɗowtoo.

Roma 3:4

Waɗataako! Ɗum annitinte no Alla laati nun gooŋaajo, himɓe fu bo e laatii fewooɓe. Gam e winnii: «A annitinte aa laatii poonnitiiɗo diga e haala maa, to a hiitaama, a jaaloto.»

Roma 8:3

Tawreeta Muusa waawayno ko waɗi ɗum gam tampere ɓannu. Amma Alla waɗii ɗum. O liloy Ɓiyiiko tii etti ɓannu nanduŋol e ɓannu hakkeeɓe gam o firta ɓe diga hakke. Hande non o hiitorii hakke gollotooɗe der ɓalli meeɗen.

Roma 9:5

Kamɓe laatii ƴiwuɓe diga e kaakiraaɓe amen. Almasiihu bo ƴiwii e lenyol ŋol. Kanko woni Alla jintuɗo huune fu, yettoore laatanoo mo faa abada. Aami!

Korintu Aranol 15:47

Aadamu neɗɗo arandeejo e sollaare leydi nun tagiraa, e leydi o ƴiwi, neɗɗo ɗiɗaɓo bo, dow kammu ƴiwi.

Korintu Aranol 2:7

Annal Alla kaayniiŋal, cuuɗaniiŋal himɓe men baajotoo, ŋal o siriyanii en diga duuniyaaru tagaaka, gam tedduŋal men.

Korintu ɗiɗaɓol 1:19

Yeesu *Almasiihu *Ɓii Alla, mo men baajii on batu mum, min e Silaasi e Timote, o laataaki ''ee'' e ''aawo'', amma ''ee'' tan woni der makko.

Galaatiya 2:8

Alla laatinɗo Piyer lilaaɗo caka Yahuduuɓe, kanko laatinimmi min bo lilaaɗo caka ɓe lenyi janani.

Galaatiya 4:4

Amma no wakkati ki Alla resi hebbi, o lilii Ɓiɗɗo makko. Ɓiɗɗo on rimaama e debbo, o umminaama ley baawɗe tawreeta,

Efesu 1:9

Geetaaku makko acci o annini en asiiri sago makko, ko o resuno waɗugo diga fuɗɗoode diga e Almasiihu.

Efesu 6:19

Du'anee am min bo, gam Alla hokkammi boliiɗe pottuɗe, mi anninira e cuusal, gooŋa cuuɗiika der linjiila.

Koloosi 1:23

Amma, sey tiiɗon, daroɗon e semme der goonɗinki, laatoɗon ɓe dimmataako. To on boɗɗodee e *linjiila, laatiika tammuwe meeɗen. *Linjiila ka nanuɗon, waajaama der duuniyaaru ɗo. Min Pol, kanka nun laatiimi gollotooɗo mum.

Koloosi 1:27

Gam Alla e yiɗi anningo himɓe ɓe lenyi janani manŋu asiiri mum tedduɗo. Asiiri on woni, Almasiihu na'on der mooɗon. Kanko hokki on tammuwe heɓugo geɗu der tedduŋal Alla.

Koloosi 1:6

Linjiila kan yottake on, e rima ɓikkon, e sankitoo, e laya der duuniyaaru fu. Hande non ɗum laatii to mooɗon onon bo, diga nyaanne nanuɗon, ko paamuɗon moƴƴere Alla e gooŋa.

Koloosi 2:2

Mii waɗa ɗum, gam ɓe keɓa cuusal, ɓe kawta der yidde, ɓe keewa hakkillo hebbuŋo, ɓe paama asiiri Alla cuuɗiiɗo, kan woni *Almasiihu.

Tesalonika Ɗiɗaɓol 1:10

Ɗum laatoto der nyalaane ne o wittoyta. Den himɓe makko teddinan mo, goonɗinɓe mo fu haaynee gam makko. Onon bo, on gonoto caka maɓɓe, gam on goonɗinii waaji men baajii on.

Tesalonika Ɗiɗaɓol 2:7

Gam baawɗe hakke cuuɗiiɗe e golloo ko diga jooni. Amma paddiiɗo ɗe na'on taw. To o yawtii, den

Timote Aranol 3:9

Sey ɓe jogoo gooŋa goonɗinki ka Alla holliti. Ɓe jogoo ka e cuuɗiiɗum ɓerne laaɓuɗum.

Iburaninkeeɓe 1:3

Kanko nun laatii jayŋol jalboowol, kollitoowol tedduŋal Alla, e no Alla laatii e gooŋa. Oo jogii huune fu diga e haala makko gooduka baawɗe. Ɓaawo o laaɓini hakkeeji himɓe, o jooɗake dow kammu, to nyaamo Alla mawɗo, mo tedduŋal.

Iburaninkeeɓe 12:2

En tiggee gite meeɗen dow Yeesu, laatiiɗo puɗɗuɗo goonɗinki meeɗen, kanko nun bo hebbinta ki. O hakkilanay senteene maayde dow *leggal palaaŋal, gam seyo ŋo o resanaa. Jooni oo jooɗii nyaamo kittaal *Laamaare Alla.

Iburaninkeeɓe 7:7

Nani bo, jeddi walaa, barkiɗinɗo e ɓuri barkiɗinaaɗo manŋu.

Iburaninkeeɓe 8:1

Hoore haala ka men batanta nani: Een goodi hooreejo *Limaamiiɓe mawɗo hande oo ɗo. Oo jooɗii nyaamo leeso *Laamaare Alla mawɗo, mo tedduŋal, dow kammu.

Piyer Aranol 1:12

Alla hollii ɓe no habaruuji ɗi ɓe baajotoo, ko'e maɓɓe bane ɓe baajantoo, amma onon ɓe baajantoo. Jooni, waajotooɓe *linjiila ɓen yottinii on habaru diga e baawɗe Ruuhu Ceniiɗo, ƴiwuɗo dow kammu. Malaykaaɓe e hoore mum bo dartii faamugo ɗum no wooɗi.

Piyer Aranol 1:20

Alla suɓii mo diga duuniyaaru tagaaka, amma o hollitii mo der jaamanuuji cakitiiɗi gam mooɗon.

Piyer Aranol 1:21

Diga e makko goonɗinɗon Alla, pintinɗo mo diga e maayde, hokki mo tedduŋal, gam goonɗinki mon e tammuwe mon fu daroo dow Alla.

Piyer Aranol 3:18

Gam Almasiihu e hoore mum maayi de woore, sabbu hakkeeji ɓiɓɓe Aadama. Kanko poonnitiiɗo, o maayanii en enen woofuɓe gam o yaara en to Alla. Himɓe warii mo, amma *Ruuhu Ceniiɗo fintinii mo.

Piyer Aranol 3:22

Kanko, o eencii dow kammu, oo jooɗi nyaamo Alla. Malaykaaɓe e mawɓe, e wooduɓe baawɗe fu, e ɗowtanii mo.

Yuhaana Aranol 1:2

Yonki kin hollitaama, men ji'ii ki, emen ceedanoo ki. Emen baajoo on haala yonki tabitiiki gonunooki to Alla *Baaba, kanki men kollitaa.

Yuhaana Aranol 3:5

Oon anni *Almasiihu wari gam moytugo hakkeeji, kanko mo walaa hakke.

Yuhaana Aranol 3:8

Gaɗoowo hakke fu laati nun neɗɗo *Ibiliisa, gam Ibiliisa e waɗa hakke diga fuɗɗoode. Gam majjum *Ɓiɗɗo Alla wari gam halka golle Ibiliisa.

Kollitinki 17:5

Inne ne maane mum suuɗii e winnii e tiine makko: «Babiila wanŋarde mawne, inna kaaruwaaɓe e waɗooɓe ko nyiddi fu der duuniyaaru.»

Kollitinki 17:7

Amma malaykaajo on wi'immi: «Gam ume ɗum haaynii maa? Mi faaminte maanaa cuuɗiika dow debbo on e bisaa ŋa o waɗɗii, gooduŋa ko'e jeeɗiɗi e galalɗi sappo.

Kollitinki 7:9

Ɓaawo mum daarumi, go ji'umi jama'aare ɗuunne, ne limataako. Ɓe ƴiwii diga e leyɗe fu, e lenyi fu, e himɓe fu, e ɗelle fu. Ɓee darii yeeso kittaal laamu, e yeeso *Jawgiyel. Ɓee ɓornii toggooje daneeje, ɓee jogii licce papaaje e juuɗe maɓɓe.