Timote Aranol 2:6 - Bible Fulfulde Bénin New Testament

⁶ O hokkitirii hoore makko gam sooditaago himɓe fu. Non Alla hollitiri laawol ŋol o suɓi no wakkati mum waɗi.

Timote Aranol 2:6 ပူးပေါင်းရင်းမြစ်များ

Matiye 20:28

Hande non, *Ɓii neɗɗo waray gam jagganeego, amma, jagganaago himɓe waddi mo, o hokkitira yonki makko gam sooditaago ɗuuɓɓe.»

Marku 1:15

Oo wi'a: «Wakkati waɗii, *Laamaare Alla ɓadake, accee hakkeeji mon, tuubee, goonɗinee *linjiila.»

Marku 10:45

*Ɓii neɗɗo e hoore mum waray gam jagganeego, amma jagganaago himɓe waddi mo, o hokkitira yonki makko gam sooditaago ɗuuɓɓe.»

Yuhaana 10:15

Hande no *Baaba annirimmi, non annirmi *Baaba. Mii hokka yonki am gam baali am.

Yuhaana 6:51

Min woni nyaamdu yonkintewol, ƴiwuŋol dow kammu. To neɗɗo nyaami nyaamdu ŋol, wuuran faa abada. Nyaamdu ŋol kokkanmi gam duuniyaaru wuura, laati nun ɓannu am.»

Roma 16:26

Amma jooni ɗum hollitake. Dewte annabiiɓe e seedoo ka. Alla tabitiiɗo batii ka anninee himɓe lenyi janani fu, gam ɓe goonɗina, ɓe ɗowtoo.

Roma 5:6

Gam wakkati de en galaano semme, den nun *Almasiihu maayani en, enen hakkeeɓe no wakkati ki o suɓi yottii.

Korintu Aranol 1:6

eɗum hollita no on jaɓii seedaago amen haala Almasiihu no wooɗi.

Korintu ɗiɗaɓol 5:21

Almasiihu meeɗay waɗugo hakke. Amma Alla yowii hakkeeji meeɗen fu dow makko, gam laatoɗen, foonnitiiɓe yeeso Alla diga e kawtal men e makko.

Galaatiya 1:4

Almasiihu hokkii hoore mum gam hakkeeji meeɗen. O wurtinii en diga e jamaanuuru hallunu nu. Hande non Alla Baaba meeɗen yiɗiri.

Galaatiya 4:4

Amma no wakkati ki Alla resi hebbi, o lilii Ɓiɗɗo makko. Ɓiɗɗo on rimaama e debbo, o umminaama ley baawɗe tawreeta,

Efesu 1:17

Mii eela Alla Joomiraawo meeɗen Yeesu *Almasiihu, *Baaba mo tedduŋal, hokka on *Ruuhu mum kokkoowo hakkillo. Ruuhu on hollita on Alla hande no o laati.

Efesu 1:7

Moƴƴere Alla e mawni: Diga e kawtal men e *Almasiihu, en pirtaama, jaafaɗen, sabbu ƴiiƴam makko deƴƴitiiɗam.

Efesu 3:5

Asiiri on, himɓe hollaakano ɗum der jaamanuuji jawtuɗi. Amma jooni, diga e *Ruuhu Ceniiɗo, Alla hollitii ɗum lilaaɓe e annabiiɓe ɓe o suɓi ɓe gollanoo mo.

Efesu 5:2

Yidde ardanoo goonki mon, hande no ɗum laatii e *Almasiihu. O yiɗii en, faa o hokki yonki makko gam meeɗen. O laatake sadaka e kiisaaɗum pottanɗum Alla.

Tesalonika Ɗiɗaɓol 1:10

Ɗum laatoto der nyalaane ne o wittoyta. Den himɓe makko teddinan mo, goonɗinɓe mo fu haaynee gam makko. Onon bo, on gonoto caka maɓɓe, gam on goonɗinii waaji men baajii on.

Timote Aranol 6:15

Garki makko laatoto wakkatiire ne Alla resi, Alla maanteteeɗo. Kanko tan woodi baawɗe, Laamiiɗo laamiiɓe, Joomiraawo joomiraaɓe.

Timote Ɗiɗaɓol 1:8

Gam majjum taa sentu seedanaago Joomiraawo meeɗen. Taa sentu bo seedanaago am, min maɓɓaaɗo der kasu gam makko. Hawtu e am der tooraaji gam *linjiila, jaka baawɗe ɗe Alla hokku maa.

Titus 1:3

No wakkati waɗi, o anninii haala makko diga e waaji ɗi o yowanimmi hande no Alla Kisinoowo en umuri ɗum.

Titus 2:14

O hokkii hoore makko gam men, o sooditii en diga ko halli fu. O laatinii en himɓe makko ɓe o woodi, laaɓinaaɓe, tinniiɓe waɗugo golle geete.

Iburaninkeeɓe 9:12

O naatii de woore der nokkuure ɓurne senaago fu, ɗum heƴi faa e baadey. O naatiday e ƴiiƴam ginniiji, e ɗam nyalbi, amma e ƴiiƴam hoore makko. Non non o sooditorii en faa e baadey.

Piyer Aranol 2:24

Almasiihu roonake hakkeeji meeɗen dow ɓannu mum dow *leggal palaaŋal, gam laatoɗen maayuɓe wecco hakke, amma laatoɗen foofooɓe der ko foonniti. On joofake sabbu looci ɗi o fiyaa.

Piyer Aranol 3:18

Gam Almasiihu e hoore mum maayi de woore, sabbu hakkeeji ɓiɓɓe Aadama. Kanko poonnitiiɗo, o maayanii en enen woofuɓe gam o yaara en to Alla. Himɓe warii mo, amma *Ruuhu Ceniiɗo fintinii mo.

Yuhaana Aranol 4:10

Daaru ko woni yidde, enen bane yiɗi Alla, kanko yiɗi en, liloy Ɓiɗɗo mum wari laatii sadaka gam hakkeeji meeɗen yaafee.

Kollitinki 1:5

Ɗum laatanoo on bo diga e Yeesu *Almasiihu, ceedotooɗo koolaaɗo, artuɗo finti diga e maayɓe, laamiiɗo laamiiɓe duuniyaaru. Kanko yiɗi en, go o hisini en diga e hakkeeji men, e ƴiiƴam makko.

Kollitinki 5:9

Ɓee jima jimol kesol, ɓee bi'a der maggol: «An foti etta dewtere nen, takkitaa maaneeji mayre Gam a hiisaanoma, a sooditanike Alla himɓe e ƴiiƴam maa, diga lenyol fu, e ɗenŋal fu, himɓe fu, e diga leydi fu.