Timote Aranol 2:4 - Bible Fulfulde Bénin New Testament

⁴ Oo yiɗi himɓe fu hisa, heɓa ɓe jottoo annal gooŋa.

Timote Aranol 2:4 ပူးပေါင်းရင်းမြစ်များ

Matiye 28:19

Gam majjum jahee, gaɗee himɓe lenyi fu aahiiɓe am, gaɗee ɓe *batisi e inne *Baaba e *Ɓiɗɗo e *Ruuhu Ceniiɗo.

Marku 16:15

O wi'i ɓe: «Jahee der duuniyaaru fu, baajoɗon tagaaɗo fu *linjiila.

Luka 1:77

Bataa himɓe makko no o hisinan ɓe e yaafaago hakkeeji maɓɓe.

Luka 14:23

Joomiraawo on bati maccuɗo mum wi'i: ‟Yahu der laabi e dammuɗe wurooji, doola himɓe, heɓa wuro am hebba.

Luka 24:47

Sey tuubu e yaafuye hakkeeji waajee himɓe lenyi fu, e inne makko, ɗum fuɗɗa diga *Urusaliima.

Yuhaana 14:6

Yeesu toontii mo: «Min woni laawol, min woni gooŋa, min woni yonki. Goɗɗo yahataa to *Baaba to ƴiwiray to am.

Yuhaana 17:17

Senu ɓe e gooŋa maa. Haala maa woni gooŋa.

Yuhaana 6:37

Ɓe *Baaba hokkimmi fu, waran to am. Garuɗo to am fu, mi salataako ɗum.

Roma 11:14

Mii yiɗi to waɗoto, mi ummina nawniraagu himɓe lenyol am, mi hisina woɓɓe maɓɓe.

Timote Aranol 4:10

Gam sabbu ɗum ɗon fu, emen golloo emen duura, gam men jowii hoolaare amen fu dow Alla yonkinteejo. Kanko laatii Kisinoowo himɓe fu, accu du goonɗinɓe mo.

Timote Ɗiɗaɓol 2:25

E haani o foorta yeddooɓe mo e jam. Waɗoto Alla walla ɓe, ɓe tuuba, ɓe paama gooŋa.

Timote Ɗiɗaɓol 3:7

Rewɓe ɓen e ekkitoo wakkati fu, amma abada ɓe baawataa ko yottii annal gooŋa.

Titus 1:1

Ɗerewol ŋol ɗo ƴiwii e am, min Pol, maccuɗo Alla e lilaaɗo Yeesu *Almasiihu. Alla yowanii am mi waɗa suɓaaɓe makko goonɗina mo. O yowanii am anningo ɓe gooŋa jaadooha e goonɗinki men.

Titus 2:11

E gooŋa, moƴƴere Alla hollitake gam himɓe fu hisa.

Iburaninkeeɓe 10:26

Gam to en gaɗii hakke e sago men, ɓaawo de annitinɗen gooŋa, sadaka gom kade walaa ikkinoowa hakkeeji.

Yaakuuba 3:14

Amma to kaajal e nawniraagu cattuŋu na'on der ɓerɗe mooɗon, to on mawnitee, oon pewana gooŋa.

Piyer Ɗiɗaɓol 3:9

Joomiraawo ɓooyataa go hebbina alkawru mum, hande no woɓɓe miili, o munyan on nun tan, gam o yiɗaa baa gooto halka. Ko o yiɗi nun, himɓe fu wittaa to makko tuuba.

Yuhaana Ɗiɗaɓol 1:1

Min *dottiijo, winni ɗerewol ŋol, mi winnanii maa an debbo mo Alla suɓi. Mi sannii maa an e ɓiɓɓe maa fu, onon ɓe jiɗum der gooŋa. Min tan bane yiɗi on, annuɓe gooŋa fu e yiɗi on,

Kollitinki 14:6

Ɓaawo majjum, ji'umi malaykaajo goɗɗo e fiira hakkune dow e ley. Oo woodi habaru belɗo, tabitiiɗo, gam o waajoo himɓe duuniyaaru fu, e leyɗeele fu, e lenyi fu, e ɗelle fu, e jama'aaje fu.