Timote Aranol 2:3 - Bible Fulfulde Bénin New Testament

³ Kanjum wooɗi, eɗum fottani Alla kisinoowo en.

Timote Aranol 2:3 ပူးပေါင်းရင်းမြစ်များ

Luka 1:47

Ɓerne an bo, e seyorii Alla, Kisinoowo am.

Roma 14:18

Golliranoowo Almasiihu hande non, fottanan Alla, himɓe bo yettan mo.

Filippi 1:11

On kebbinaama ɓiɓɓe foonnitaare ƴiwuɗe diga e Yeesu Almasiihu, gam inne Alla teddinee, yettee.

Filippi 4:18

Mi heɓi ballal mooɗon ŋal lilduɗon am fu e junŋo Epaforoditus, ŋal heƴii am faa ɓuri haaje am. Ŋal laatake hande wardi belɗo, hande sadaka, ɗum Alla jaɓi.

Koloosi 1:10

Hande non, on buuran der goonki pottananki Joomiraawo der huune fu. On tabitinto waɗugo ko wooɗi feere feere, on ɓeydoto annugo Alla.

Tesalonika Aranol 4:1

Ko horii wi'ugo on banniraaɓe, on ekkitake diga e amen no jahirton ko pottanon Alla. Nunnun jahirton bo. Amma jooni, emen eela on emen eelitoo gam sabbu kawtal mon e Joomiraawo Yeesu, ɓeydee yahugo yeeso yeeso.

Timote Aranol 1:1

Ɗerewol ŋol ƴiwii e am min Pol lilaaɗo Yeesu *Almasiihu. Alla Kisinoowo en e Yeesu Almasiihu laatiiɗo tammuwe men, yowanimmi ɗum junŋo.

Timote Aranol 4:10

Gam sabbu ɗum ɗon fu, emen golloo emen duura, gam men jowii hoolaare amen fu dow Alla yonkinteejo. Kanko laatii Kisinoowo himɓe fu, accu du goonɗinɓe mo.

Timote Aranol 5:4

Amma to debbo gowniijo e woodi sukaaɓe, ɗum bo taaniraaɓe, e haani ɓe ekkitoo taw golloraago kulol Alla der saareeji maɓɓe. Ɓe joɓa saareeji maɓɓe barjaari booɗuni. Kanjum fottani Alla.

Timote Ɗiɗaɓol 1:9

Kanko hisini en, noddi en gam laatanoɗen mo. Hinaa gam gaɗu meeɗen o hisiniri en, amma gam nun nun o yiɗiri ɗum e moƴƴere makko. Moƴƴere nen o waɗani en diga e Yeesu *Almasiihu, diga hanne bane.

Iburaninkeeɓe 13:16

Amma to on jeggitee waɗugo ko wooɗi. Ballontiree, gam iri kiiseteeɗi ɗii ɗon nun Alla yiɗi.

Piyer Aranol 2:20

To on munyanii piiɗe ɗe piyeteɗon gam on gaɗii ko wooɗaa, toy tedduŋal mon woni? Amma to on munyanii tooraaji ɗi keɓoton gam sabbu gaɗu mon geetu, eɗum fottani Alla,

Piyer Aranol 2:5

Onon bo, on laati nun hande kaaƴe ɗe yonki, garee mahireɗon suudu ruuhunkewol, gam laatoɗon waalde *limaamiiɓe seniiɓe, yaaranooɓe Alla sadakaaji ruuhunkeeji ɗi o jaɓata diga e Yeesu *Almasiihu.