Timote Aranol 2:2 - Bible Fulfulde Bénin New Testament

² Du'anee laamiiɓe, e mawɓe leydi fu. Du'ee gam gonoɗen e jam, e deƴƴere der kulol Alla, heɓa himɓe ɗowtanoo neɗɗaaku men.

Timote Aranol 2:2 ပူးပေါင်းရင်းမြစ်များ

Luka 1:6

Ɓe fu ɗiɗo, ɓee laatii foonnitiiɓe yeeso Alla, ɓee tokkii bo sariyaaji e umurooje Joomiraawo hande no haani.

Luka 2:25

Gorko gom e tawano *Urusaliima, inne makko nun Simeyon. Gorko poonnitiiɗo nun, kulɗo Alla. Oo hettiniino garoowo moyta gonɗi Isira'iilaaɓe. *Ruuhu Ceniiɗo e woni dow makko.

Golle Lilaaɓe 10:22

Ɓe toonti ɓe bi'i: «Korney mawɗo waalde konunkeeɓe nun liloy men. Gorko on gooŋaajo nun, kulɗo Alla, mo lenyol *Yahuduuɓe fu seedantoo geeta. Malaykaajo ceniiɗo holli mo o waɗa men gara men noddee, garaa suudu makko, gam heɓa o nana waaju maa.»

Golle Lilaaɓe 24:16

Kan waɗi mii tinnii heɓa mii woodi ɓerne laaɓune nyalaane fu yeeso Alla e yeeso himɓe.

Roma 12:18

To waɗoto, gaɗee no baawuɗon fu, gonidon e himɓe fu e jam.

Filippi 4:8

Banniraaɓe am, ko horii wi'ugo on woni, miilanee ko laatii gooŋa, ko foti teddineego, e poonnitiiɗum, e laaɓuɗum, e kaanuɗum yiɗeego, e ko manetee, e kaanuɗum yetteego, e ko haani maanteego.

Tesalonika Aranol 4:11

Tinnee gondon e jam, moy fu e mooɗon hiinnoo ko hiinnii ɗum, golla e juuɗe mum hande no men batunoo on.

Iburaninkeeɓe 12:14

Dartee jam hakkune mooɗon e himɓe fu, dartee senaare bo, gam to hinaa e mayre, walaa ji'oowo Joomiraawo.