Timote Aranol 2:1 - Bible Fulfulde Bénin New Testament

¹ Ka batanmi on aran nani: Eelee, eelitee. Du'ee, jettee Alla gam himɓe fu.

Timote Aranol 2:1 ပူးပေါင်းရင်းမြစ်များ

Golle Lilaaɓe 17:30

Alla munyanii himɓe wakkati ɓe gonnoo e majjere. Jooni, oo ƴama himɓe fu tuuba to ɓe tawaa fu,

Roma 1:8

Taw, mii yetta Alla am diga e Yeesu *Almasiihu gam mooɗon on fu. Gam goonɗinki mooɗon e batanee der duuniyaaru fu.

Roma 6:17

Yettoore laatanoo Alla! On laatikeno maccuɓe hakke, amma jooni on ɗowtanake e ɓerɗe mooɗon fu janŋinol ŋol janŋinaɗon.

Korintu Aranol 15:3

Aran, mi yottinii on ko keɓumi min e hoore am, kanjum woni. *Almasiihu maayii gam hakkeeji meeɗen, hande no Dewtere wi'i.

Korintu ɗiɗaɓol 8:6

Gam majjum men eeli Titus, o heennyita gollal moƴƴere ŋal to mooɗon hande no o fuɗɗirnoo ŋal.

Efesu 3:13

Kanjum waɗi mii eela on, to on accee ɓerɗe mooɗon biisoo sabbu tooraaji ɗi keɓammi gam mooɗon. Tooraaji ɗin laati nun tedduŋal mooɗon.

Efesu 5:20

Jettee Alla *Baaba wakkati fu e gam huune fu, e inne Joomiraawo meeɗen Yeesu *Almasiihu.

Efesu 6:18

Wakkati fu gaɗee du'aaje feere feere. Eelee ballal Alla hande no Ruuhu Ceniiɗo hollitirta on. Deenee e tinnaare! To on accee du'anaago himɓe Alla.

Filippi 1:3

Mii yetta Alla am de ciwtormi on fu.

Filippi 4:6

To on accee ɓerɗe mooɗon biisoo gam goɗɗum, amma huune fu kollee ɗum Alla. Du'ee, eelee, eelitee, jettee Alla.

Tesalonika Aranol 3:12

Joomiraawo mawnina yidde mon, ɗuuɗina ne hakkune mon yaago e himɓe, ne laatoo hande no yidde amen laatorii dow mooɗon!

Tesalonika Ɗiɗaɓol 1:3

Banniraaɓe, e haani men jetta Alla wakkati fu gam mooɗon. Eɗum fotti, gam goonɗinki mooɗon e ɓeydoo yeeso yeeso, kade bo yidde ne goodontirɗon hakkune mooɗon e ɓeydoo der moy mooɗon.

Timote Aranol 2:4

Oo yiɗi himɓe fu hisa, heɓa ɓe jottoo annal gooŋa.

Timote Aranol 5:5

Debbo gowniijo, mo walaa kiinnotooɗo ɗum, go e woni kan tan, yowii hoolaare mum dow Alla. Jemma e nyalooma, oo tinnii, oo eela ballal Alla.

Timote Ɗiɗaɓol 2:24

Gollantooɗo Joomiraawo haaniraa e hawre. Amma o laatoo ɗigguɗo yeeso himɓe fu, o laatoo bo baawuɗo janŋingo, e munyuɗo.

Titus 2:11

E gooŋa, moƴƴere Alla hollitake gam himɓe fu hisa.

Titus 3:2

To ɓe batu kalluka dow goɗɗo, ɓe laatoo deƴƴuɓe, e sawriiɓe, e weluɓe deeɗi dow himɓe fu.

Iburaninkeeɓe 6:11

Amma emen jiɗi moy mooɗon fu hollita iri anniya kaa ɗon faa heennyitirde, gam keɓon ko keɗiɗon.

Yaakuuba 5:16

Moy fu bata bannun hakkeeji muuɗum, eelana banniraawo muuɗum Alla, gam nyawtoɗon. Du'aare neɗɗo poonnitiiɗo e woodi baawɗe waɗugo kujje mawɗe.