Timote Aranol 1:7 - Bible Fulfulde Bénin New Testament

⁷ Ɓee jiɗi laataago moodiɓɓe tawreeta, amma ɓe paamataa ka ɓe batata, e ka ɓe tabbitinta.

Timote Aranol 1:7 ပူးပေါင်းရင်းမြစ်များ

Matiye 15:14

Accee ɓe, wumuɓe ardiiɓe wumuɓe nun! To bumɗo e ardii bumɗo bannum, ɓe fu ɗiɗo, ɓe jantan der gayka.»

Matiye 21:27

Ɓe toontii Yeesu, ɓe bi'i: «Men annaa.» Kanko bo, o wi'i ɓe: «To non min bo, mi batataa on to e baawɗe ɗey nun gaɗiranmi kujje ɗee.»

Luka 2:46

Ɓaawo balɗe tati, ɓe tawi mo der suudu Alla oo jooɗii hakkune *moodiɓɓe tawreeta e mawɓe. Oo hettinii ka ɓe batata, oo ƴama ɓe ƴanɗe.

Golle Lilaaɓe 15:1

Himɓe woɓɓe ƴiwi Yahudiya, wari Antiyokiya e janŋina banniraaɓe, e wi'a: «To on juulnaaka hande no tawaaŋal Muusa batiri, on kisataa.»

Roma 1:22

Ɓee gaɗa hande wooduɓe faamu, amma ɓe laatake haaŋaaɓe.

Galaatiya 3:2

Toontee am ƴanɗe ɗee ɗo: Gam tokkuɗon tawreeta acci keɓuɗon *Ruuhu Ceniiɗo na, naa gam on nanii *linjiila go goonɗinɗon Yeesu Almasiihu?

Galaatiya 3:5

Kokkuɗo on Ruuhu mum, go e waɗa haaynaareeji hakkune mon, gam tokkuɗon tawreeta o waɗata nun na, naa gam on nanii linjiila ko goonɗinɗon?

Galaatiya 4:21

Batee am onon yiɗuɓe ɗowtanaago tawreeta. On nanay ko tawreeta kan wi'i na?

Timote Aranol 6:4

Himɓe ɓen laati nun mawnitiiɓe, ɓe annaa goɗɗum. Ɓee nyawi jeddi e biɗitiri haalaaji. Diga e majjum nawniraagu, e kaɓe, e jennooje, e biisugo bannun ƴiwata.

Timote Ɗiɗaɓol 3:7

Rewɓe ɓen e ekkitoo wakkati fu, amma abada ɓe baawataa ko yottii annal gooŋa.

Yaakuuba 3:1

Banniraaɓe am, to ɗuuɓɓe mooɗon darta laataago janŋinooɓe. Gam oon anni menen janŋinooɓe, men kiitete e sariya ɓuruka naawugo.

Piyer Ɗiɗaɓol 2:12

Amma himɓe ɓen e laatii hande bisaaji ɗi galaa hakkillo, tagaaɗi gam nanŋee, waree. Ɓee bata kalluka dow ko ɓe annaa, gam majjum ɓe kalkiran hande no bisaaji halkirta.