Timote Aranol 1:5 - Bible Fulfulde Bénin New Testament

⁵ Ka batanmi ɗo laati nun gam mawningo yidde ƴiwune diga ɓerne laaɓune, e miilooji laaɓuɗi, e goonɗinki ki walaa munaafitaare.

Timote Aranol 1:5 ပူးပေါင်းရင်းမြစ်များ

Matiye 12:35

Neɗɗo geeto, wurtinan ko wooɗi diga booɗɗum ko suuɗii der ɓerne mum. Neɗɗo kalluɗo bo, wurtinan ko halli diga kalluɗum cuuɗiiɗum der ɓerne mum.

Matiye 5:8

Barke laatanii ɓe ɓerɗe mum laaɓi, gam ɓe ji'an Alla!

Golle Lilaaɓe 15:9

O waɗay cuttontirol gom hakkune meeɗen e maɓɓe, gam o laaɓinii ɓerɗe maɓɓe e goonɗinki.

Golle Lilaaɓe 23:1

Pol daari *dawrooɓe ɓen, wi'i: «Banniraaɓe, e ɓerne laaɓune nun tokkirmi Alla faa yottaago hanne.»

Golle Lilaaɓe 24:16

Kan waɗi mii tinnii heɓa mii woodi ɓerne laaɓune nyalaane fu yeeso Alla e yeeso himɓe.

Roma 10:4

*Almasiihu yottinii tawreeta, gam goonɗinɗo mo fu laatinee poonnitiiɗo.

Roma 12:9

Yidde mon laatoo ne walaa munaafitaare. Banyee ko halli, takkee ko wooɗi e semme.

Roma 14:15

To gam sabbu nyaamdu, a accii ɓerne banniraawo maa biisake, a tokkay laawol yidde. Taa accu gam nyaamdu maa, neɗɗo mo *Almasiihu maayi gam mum halka.

Roma 9:1

Ka batanmi ɗo gooŋa nun. E inne *Almasiihu, mi fewataa. Cuuɗiiɗum ɓerne am bo e seedanoo am diga e *Ruuhu Ceniiɗo no gooŋa nun batanmi.

Korintu Aranol 13:1

Baa to mii waawi batugo ɗelle himɓe e ɗelle malaykaaɓe fu, to mi walaa yidde, mi laati nun hande lenŋuru piyeteenu, ɗum bo hande rimmo baggu.

Korintu ɗiɗaɓol 1:12

Ko laatii juro amen nani: miilooji ɓerɗe amen e seedanoo men, men gonorake der duuniyaaru e laaɓal ɓerɗe, e gooŋa, ɓurna mum hakkune mon. Men gaɗiray ɗum e faamu himɓe, amma e moƴƴere Alla.

Galaatiya 5:22

Amma ko *Ruuhu Ceniiɗo rimata woni: yidde, seyo, jam, munyal, neɗɗaaku, yurmeene, goonɗinki,

Galaatiya 5:6

To goɗɗo hawtii e Yeesu Almasiihu, juulnol e dullere juulnol fu laataaki goɗɗum. Ko nafata woni, goonɗinki gollotooki e yidde.

Timote Aranol 1:18

Ɓiyam Timote, saawari kokku maa mi nun ɗon, jaadooki e annabaakuuji gaɗanooɗi dow maa. Accu ɗi laatanee gineeji gaɗiraa konu geetu.

Timote Aranol 1:19

Joga goonɗinki e cuuɗiiɗum ɓerne geetum. Woɓɓe hakkilanay ɗum, go goonɗinki maɓɓe halki.

Timote Aranol 3:9

Sey ɓe jogoo gooŋa goonɗinki ka Alla holliti. Ɓe jogoo ka e cuuɗiiɗum ɓerne laaɓuɗum.

Timote Ɗiɗaɓol 1:3

Mii yetta Alla mo cujidananmi e cuuɗiiɗum ɓerne laaɓuɗum, hande no kaakiraaɓe am waɗunoo. Emi siwtoree jemma e nyalooma fu der du'aaje am.

Timote Ɗiɗaɓol 1:5

Mii siwtora goonɗinki maa ki walaa munaafitaare. Maama maa Loyis e inna maa Enis e artu maa woodugo ki. Mii hoolii an bo aa woodi ki.

Timote Ɗiɗaɓol 2:22

Doggu suunooji gojankaaku. Dartu foonnitaare e goonɗinki, e yidde, e jam, an e noddooɓe inne Joomiraawo e ɓerɗe laaɓuɗe fu.

Titus 1:15

Huune fu e laaɓi to laaɓuɓe. Amma walaa ko laaɓi, to soɓuɓe e ɓe goonɗinay, gam hakkillo maɓɓe e cuuɗiiɗum ɓerne maɓɓe fu soɓii.

Iburaninkeeɓe 10:22

Gam majjum, en ɓattee Alla e ɓerɗe goote, e goonɗinki kebbuki, laatoo ɓerɗe meeɗen laaɓinaama e ko gaccotoo en, ɓalli men lootiraama e diyam ceniiɗam.

Iburaninkeeɓe 13:18

Du'anee men, gam emen kooli, ɓerɗe amen e laaɓi, men tokkoto bo waɗugo ko wooɗi der becce fu.

Iburaninkeeɓe 9:14

To non, noy ƴiiƴam Almasiihu ɓurirtaa laaɓingo cuuɗiiɗum ɓerɗe meeɗen diga e golle mum baatuɗe? Gam e baawɗe *Ruuhu tabitiiɗo o hokkiri hoore makko Alla, o laatii sadaka kaa ɗo woodaa tuuni, heɓa gollanoɗen Alla mo yonki.

Yaakuuba 4:8

Ɓattee Alla, kanko bo o ɓattoto on. Onon hakkeeɓe, laaɓinee juuɗe mooɗon, onon waɗuɓe ɓerɗe ɗiɗi, laaɓinee ɓerɗe mooɗon!

Piyer Aranol 1:22

Jooni no ɗowtaniɗon gooŋa, on cenii ko'e mooɗon, on jiɗii banniraaɓe e yidde ne walaa munaafitaare. Gam majjum, jiɗontiree e yidde gooŋaare, e ɓerɗe mon fu.

Piyer Aranol 3:16

Amma toontee ɓe e ɗiggere, e hakkillo fukkiiŋo. Goodee miilooji ɓerɗe laaɓuɗi, den gaccotooɓe on, e yenna on, gam joonne mooɗon wooɗune der kawtal mon e *Almasiihu senta.

Piyer Aranol 3:21

Diyam ɗam laati nun misaalu *batisi kisinan on ɗum jooni, hinaa batisi moytoojum tuuni ɓannu, amma haɓɓidingo e Alla alkawal e ɓerɗe laaɓuɗe nun, diga e pintol Yeesu Almasiihu.

Piyer Aranol 4:8

Ko ɓuri fu, jiɗontiree e yidde hebbune, gam yidde e yaafoo hakkeeji ɗuuɗɗi .

Piyer Ɗiɗaɓol 1:7

dow kulol Alla, banniraagu, dow banniraagu, yidde.

Yuhaana Aranol 3:10

Ko seennontirta ɓiɓɓe Alla e ɓiɓɓe *Ibiliisa nani: mo waɗay ko goonɗi fu, neɗɗo Alla bane. Mo yiɗaa banniraaɓe mum bo, laataaki mo Alla.

Yuhaana Aranol 3:23

Ooda ka o hokki en woni, goonɗinen inne Yeesu *Almasiihu, *Ɓiɗɗo makko, kade bo jiɗontiren hakkune meeɗen hande no o ƴamiri en.

Yuhaana Aranol 3:3

Gooduɗo tammuwe nen dow Almasiihu, laaɓinan hoore mum hande no kanko Almasiihu o laatori laaɓuɗo.