Timote Aranol 1:4 - Bible Fulfulde Bénin New Testament

⁴ Batu ɓe ɓe acca hakkilango taalaaji e inɗe kaakiraaɓe ɗe walaa kaddi. Jeddi tan ɗum waddata, ɗum nafataa laawol ŋol Alla hisinirta himɓe e goonɗinki.

Timote Aranol 1:4 ပူးပေါင်းရင်းမြစ်များ

Korintu ɗiɗaɓol 1:12

Ko laatii juro amen nani: miilooji ɓerɗe amen e seedanoo men, men gonorake der duuniyaaru e laaɓal ɓerɗe, e gooŋa, ɓurna mum hakkune mon. Men gaɗiray ɗum e faamu himɓe, amma e moƴƴere Alla.

Efesu 3:2

Seko walaa, on nanii habaru golle ɗe Alla yowanimmi e moƴƴere mum, mi waɗa gam mon.

Timote Aranol 3:16

Seko fu walaa, asiiri diina meeɗen e mawni: Alla hollitake e ɓannu neɗɗo, *Ruuhu seedanike gooŋaaku makko, malaykaaɓe yi'ii mo, lenyi fu waajaama haala makko, o goonɗinaama der lenyi janani, o heɓii tedduŋal dow kammu.

Timote Aranol 4:7

Haalaaji ɗi walaa hoore, e taalaaji ɗi himɓe tafi, ɗi jaadataa e goonɗinki, sala ɗi. Amma an, eltu hoore maa aa takkii Alla.

Timote Aranol 6:11

Amma, an neɗɗo Alla, woɗɗoda kujje ɗen. Daartu foonnitaare e takkaago Alla, e goonɗinki, e yidde, e tinnaare, e ɗiggere.

Timote Aranol 6:20

Timote, hakkilan ko kalfinaɗaa, woɗɗoda haalaaji baanji baanji ɗi yaadataa e goonɗinki. Hakkilan bo jeddi dow ko woɓɓe wi'ata annal lugguŋal.

Timote Ɗiɗaɓol 2:14

Kanjum haani ciwtoraa goonɗinɓe, eelaa ɓe yeeso Alla ɓe acca jeddi dow haalahon. Jeddi iri ɗii ɗon nafataa goɗɗum, sey majjingo hettiniiɓe.

Timote Ɗiɗaɓol 2:22

Doggu suunooji gojankaaku. Dartu foonnitaare e goonɗinki, e yidde, e jam, an e noddooɓe inne Joomiraawo e ɓerɗe laaɓuɗe fu.

Timote Ɗiɗaɓol 2:23

Amma an, woɗɗoda haalaaji ɗi walaa hoore, e jeddi baanji baanji. Aa anni ɗi umminan nun kaɓe.

Timote Ɗiɗaɓol 4:4

Ɓe cukkan noppi maɓɓe gam to ɓe nanu gooŋa, ɓe baylitinto far to taalaaji.

Titus 1:1

Ɗerewol ŋol ɗo ƴiwii e am, min Pol, maccuɗo Alla e lilaaɗo Yeesu *Almasiihu. Alla yowanii am mi waɗa suɓaaɓe makko goonɗina mo. O yowanii am anningo ɓe gooŋa jaadooha e goonɗinki men.

Titus 1:14

Ɓe acca tokkugo taalaaji Yahuduuɓe, e oodaaji himɓe yoofuɓe gooŋa.

Titus 3:9

Amma woɗɗoda haalaaji ɗi walaa hoore, e jeddi dow habaruuji lenyi, e kaɓe, e jeddi dow tawreeta. Haalaaji ɗii ɗon fu nafataa goɗɗum, baanji ɗi laatii.

Iburaninkeeɓe 13:9

To on accee ekkitinooje janane iri ɗey fu fooɗa on. Ko haani woni, moƴƴere Alla semmiɗa der ɓerɗe mooɗon, hinaa sariyaaji dow nyaamduuji. Tokkuɓe sariyaaji ɗii ɗon, ɗi nafay ɗum goɗɗum.

Piyer Ɗiɗaɓol 1:16

E haalaaji ɗi himɓe tafi bane men anniniri on wittoygo Joomiraawo meeɗen Yeesu *Almasiihu e baawɗe, amma men ceedike e gite amen manŋu makko!