Timote Aranol 1:16 - Bible Fulfulde Bénin New Testament

¹⁶ Amma Alla enɗake am gam Yeesu Almasiihu hollita munyal mum dow am, min laatiiɗo arano caka hakkeeɓe. Yeesu on waɗii ɗum gam mi laatanoo goonɗinooɓe mo, heɓooɓe yonki tabitiiki fu misaalu.

Timote Aranol 1:16 ပူးပေါင်းရင်းမြစ်များ

Luka 15:10

Mii bata on, non non nun bo malaykaaɓe Alla seyorto to hakkeejo gooto tuubii.»

Luka 23:43

Yeesu toontii mo wi'i: «E gooŋa batan maa mi: Hanne, a wondan e am der aljanna.»

Luka 7:47

Gam majjum, mii wi'ee: No hakkeeji makko ɗuuɗiri fu, ɗi jaafaama, gam majjum o yiɗimmi puy. Amma jaafanaaɗo seɗɗa, yiɗan nun seɗɗa.»

Yuhaana 20:31

Ɗii ɗo winnaama gam goonɗinon Yeesu laati nun Cuɓaaɗo, *Ɓii Alla, gam to on goonɗinii mo, keɓon yonki sabbu makko.

Yuhaana 3:36

Goonɗinɗo Ɓiɗɗo, heɓii yonki tabitiiki. Mo goonɗinay Ɓiɗɗo, heɓataa ki, amma mone Alla e wonani ɗum.»

Yuhaana 5:24

Mii bata on e gooŋa. Nanuɗo haala am ko goonɗini liluɗo am, heɓii yonki tabitiiki, o hiitataake. O ƴiwii e maayde, o warii to yonki.

Yuhaana 6:37

Ɓe *Baaba hokkimmi fu, waran to am. Garuɗo to am fu, mi salataako ɗum.

Yuhaana 6:40

Nani ko Baaba am yiɗi: ji'uɗo Ɓiɗɗo fu, to goonɗinii mo, heɓii yonki tabitiiki. Mi ummitinan mo nyalaane darŋal.»

Yuhaana 6:54

Neɗɗo fu nyaamuɗo ɓannu am, to yari ƴiiƴam am, heɓii yonki tabitiiki. Mi fintinan mo nyalaane darŋal.

Golle Lilaaɓe 13:39

tawreeta Muusa waaway ko waɗi neɗɗo laatoo poonnitiiɗo, amma der kawtal e makko, goonɗinɗo mo fu, laaɓinte e hakke mum.

Roma 15:4

Ko artaa winnaa e dewte fu, winnaama gam janŋingo en. Kanjum hokkata en munyal, e ɓerɗe deƴƴuɗe, een keɗorii ko warata.

Roma 6:23

Riiba hakke, maayde nun. Amma kokkal Alla laati nun yonki tabitiiki der kawtal men e Yeesu Almasiihu Joomiraawo meeɗen.

Korintu Aranol 7:25

Dow himɓe ɓe meeɗay ɓaŋugo, ɗum bo ɓaŋeego, mi woodaa umuroore gom ƴiwne to Joomiraawo, amma mi batan ko miilumi, min mo Joomiraawo yurmii, waɗimmi koolaaɗo.

Korintu ɗiɗaɓol 4:1

Alla hokkii men golle ɗen sabbu enɗam mum. Gam majjum ɓerɗe amen biisaaki.

Efesu 1:12

gam maanten Alla, teddinen mo, enen artaaɓe suɓaa, watti hoolaare mum dow Almasiihu.

Efesu 1:6

Gam majjum, en maantee, teddinen Alla gam moƴƴere makko ne o waɗani en, diga hokkugo en Ɓiyiiko jiɗaaɗo.

Efesu 2:7

O waɗii ɗum gam o hollita en geetaaku makko. Jaamanuuji garooji fu yi'an manŋu moƴƴere makko ne foonnirtaake goɗɗum. O waɗanii en ne gam een kawti e Yeesu Almasiihu.

Tesalonika Ɗiɗaɓol 1:10

Ɗum laatoto der nyalaane ne o wittoyta. Den himɓe makko teddinan mo, goonɗinɓe mo fu haaynee gam makko. Onon bo, on gonoto caka maɓɓe, gam on goonɗinii waaji men baajii on.

Timote Aranol 1:13

Mii laatino batoowo kalluka dow makko. Mii toorannoo himɓe makko, mi holliino mo gite boɗeeje. Amma Joomiraawo meeɗen enɗike am. Mi annaano ko gaɗannoomi, gam mi goonɗinayno.

Iburaninkeeɓe 7:25

Gam majjum, o waawan hisingo no haaniri ɓattiiɓe Alla diga e makko, gam oo wuuri e baadey, oo eelana ɓe Alla.

Piyer Aranol 3:20

Kanji woni ruuhuuji himɓe ɓe ɗowtanaakino Alla der jaamanu Nuuhu, baa no o munyanii ɓe. De Nuuhu seɓunoo laana diyam mum, himɓe seɗɗa tan naati ŋa, kamɓe jeetato daɗi diyam ɗam.

Piyer Ɗiɗaɓol 3:15

Paamee no munyal Joomiraawo meeɗen maɓɓitanii on laawol kisidam. Kanka banniraawo meeɗen Pol, jiɗaaɗo, winnani on der ɗereeji mum hande no Alla hokkiri mo hakkillo majjum.

Piyer Ɗiɗaɓol 3:9

Joomiraawo ɓooyataa go hebbina alkawru mum, hande no woɓɓe miili, o munyan on nun tan, gam o yiɗaa baa gooto halka. Ko o yiɗi nun, himɓe fu wittaa to makko tuuba.