Timote Aranol 1:1 - Bible Fulfulde Bénin New Testament

¹ Ɗerewol ŋol ƴiwii e am min Pol lilaaɗo Yeesu *Almasiihu. Alla Kisinoowo en e Yeesu Almasiihu laatiiɗo tammuwe men, yowanimmi ɗum junŋo.

Timote Aranol 1:1 ပူးပေါင်းရင်းမြစ်များ

Luka 1:47

Ɓerne an bo, e seyorii Alla, Kisinoowo am.

Luka 2:11

Hanne on dimanaama Kisinoowo der genni Dawda. Kanko woni *Almasiihu Joomiraawo.

Golle Lilaaɓe 9:15

Joomiraawo wi'i mo: «Yahu, gam gorko on laati nun gollirɗum ɗum cuɓumi gam o annina lenyi janani e laamiiɓe, e ɓiɓɓe Isira'iila inne am.

Roma 1:1

Ɗerewol ŋol ƴiwii e am min Pol maccuɗo Yeesu *Almasiihu. Mi noddaama gam mi laatoo lilaaɗo, mi suɓaama gam mi waajoo *linjiila Alla.

Korintu Aranol 1:1

Min Pol e banniraawo men Sosteni winnani on ɗerewol ŋol. Min Pol noddaaɗo gam laatoo lilaaɗo Yeesu *Almasiihu e muunyo Alla.

Korintu Aranol 9:17

To e anniya ɓerne am nun gaɗiranmi golle ɗen, mi heɓan riiba am. Amma min bane suɓi, mi yowana ɗe nun.

Korintu ɗiɗaɓol 1:1

Ɗerewol ŋol ɗo ƴiwii e am, min Pol, e banniraawo meeɗen Timote. Mii lilaaɗo Yeesu *Almasiihu e sago Alla. Emen canna eklesiya Alla gonuka Korintu, e himɓe Alla wonɓe leydi Akaya fu.

Galaatiya 1:1

Ɗerewol ŋol ɗo ƴiwii e am, min Pol, lilaaɗo. Himɓe bane lilimmi. Lilal am ƴiway diga e neɗɗo. Amma Yeesu *Almasiihu e Alla *Baaba pintinɗo mo diga maayde nun lilimmi.

Galaatiya 1:11

Banniraaɓe, mii yiɗi paamon no *linjiila ka baajotoomi ƴiway e neɗɗo.

Koloosi 1:27

Gam Alla e yiɗi anningo himɓe ɓe lenyi janani manŋu asiiri mum tedduɗo. Asiiri on woni, Almasiihu na'on der mooɗon. Kanko hokki on tammuwe heɓugo geɗu der tedduŋal Alla.

Tesalonika Ɗiɗaɓol 2:16

Joomiraawo meeɗen Yeesu *Almasiihu e hoore mum, e Alla *Baaba meeɗen, jiɗuɗo en, hokkii en moƴƴere mum e jam tabitiiɗo, e tammuwe wooɗune.

Timote Aranol 1:12

Mii yetta Joomiraawo meeɗen Yeesu *Almasiihu, kokkuɗo am semme. Mii yetta mo gam o daarii am koolaaɗo, o yowanimmi golle makko.

Timote Aranol 2:3

Kanjum wooɗi, eɗum fottani Alla kisinoowo en.

Timote Aranol 2:7

Gam mi batana ɗum, Alla waɗimmi baajotooɗo e lilaaɗo. O yowanii am mi janŋina himɓe ɓe lenyi janani haala goonɗinki e gooŋa. Gooŋa batammi, mi fewataa.

Timote Aranol 4:10

Gam sabbu ɗum ɗon fu, emen golloo emen duura, gam men jowii hoolaare amen fu dow Alla yonkinteejo. Kanko laatii Kisinoowo himɓe fu, accu du goonɗinɓe mo.

Titus 1:3

No wakkati waɗi, o anninii haala makko diga e waaji ɗi o yowanimmi hande no Alla Kisinoowo en umuri ɗum.

Titus 2:10

To ɓe bujju ɓe, amma wakkati fu, ɓe kollita ɓee laatii hoolaaɓe, hebbuɓe. Ɓe gaɗa ɗum gam ekkitinol haala Alla kisinoowo en, teddinee der huune fu.

Titus 2:13

Hande non keɗortoɗen nyalaane barkiɗinaane, ne tammihiɗen. Nyalaane nen, Yeesu *Almasiihu, Alla meeɗen mawɗo, Kisinoowo en, hollitinto e tedduŋal.

Titus 3:4

Amma Alla Kisinoowo en hollitii himɓe geetaaku mum e yidde mum.

Titus 3:6

Alla hokkii en *Ruuhu mum ceniiɗo puy, diga e Yeesu *Almasiihu Kisinoowo en.

Piyer Aranol 1:21

Diga e makko goonɗinɗon Alla, pintinɗo mo diga e maayde, hokki mo tedduŋal, gam goonɗinki mon e tammuwe mon fu daroo dow Alla.

Piyer Aranol 1:3

En jettee Alla, *Baaba Joomiraawo men Yeesu *Almasiihu, dimitoriiɗo en e enɗam mum mawɗam. E pintol Yeesu Almasiihu diga maayɓe, o hokkiri en tammuwe gooŋaare.

Piyer Ɗiɗaɓol 1:1

Ɗerewol ŋol ƴiwii e am min Simon Piyer. Mii laatii jaggiiɗo e lilaaɗo Yeesu *Almasiihu. Mi sannii on, onon heɓuɓe goonɗinki geeti hande ki amen, gam sabbu foonnitaare Alla men, tawaane der Yeesu Almasiihu, kisinoowo.

Yuhaana Aranol 4:14

Menen men ji'ii, emen ceedo bo no Alla *Baaba liloy *Ɓiɗɗo mum gam wara hisina himɓe duuniyaaru.

Yahuuda 1:25

Kanko woni Alla gooto, kisinoowo en diga e Yeesu *Almasiihu, Joomiraawo meeɗen. Tedduŋal, e manŋu, e baawɗe, e laamaare, laatanii mo, diga huune fu tagaaka, non bo faa e jooni, e faa abada abadin. Aami!