Roma 9:3 - Bible Fulfulde Bénin New Testament

³ Mi wanyay laataago jaa'aaɗo, mi seenniree e Almasiihu to ɗum nafanno banniraaɓe e baabiraaɓe am, ɓe lenyol am.

Roma 9:3 ပူးပေါင်းရင်းမြစ်များ

Golle Lilaaɓe 13:26

«Banniraaɓe, onon ɓe lenyol Iburahiima e onon bo hulɓe Alla! Enen lildaa habaru faabuwe oo ɗo.

Golle Lilaaɓe 22:5

Hooreejo *Limaamiiɓe e *dottiiɓe Yahuduuɓe fu e seedanoo am ɗum. Diga e maɓɓe keɓumi ɗereeji ɗi ɓe binnani banniraaɓe wonɓe Damas, go jahumi, mi haɓɓaa wonɓe ton, mi wadda ɓe Urusaliima gam ɓe kiitee.»

Golle Lilaaɓe 28:21

Ɓe bi'i mo: «Men keɓay ɗerewol diga Yahudiya kolloowol haala maa. Kade bo goɗɗo der banniraaɓe waray bati men haala maa kalluka.

Roma 1:3

Eka batana Ɓiɗɗo makko, Joomiraawo meeɗen, ƴiwuɗo e lenyol Dawda diga e ɓannu.

Roma 11:1

Mii wi'a: Alla woppu nun himɓe muuɗum na? O woppay ɓe! Gam min bo mi laati nun Isira'iilaajo, taaniraawo Iburahiima, mi ƴiwii e lenyol Benyamin.

Roma 11:14

Mii yiɗi to waɗoto, mi ummina nawniraagu himɓe lenyol am, mi hisina woɓɓe maɓɓe.

Roma 16:11

Mii sanna Herodiyon, mo lenyol am. Mii sanna bo himɓe wuro Narsisi hawtuɓe e Joomiraawo.

Roma 16:21

Timote gollidoowo am sannii on. Lusiyus e Yason e Sosipater himɓe lenyol am bo e sanna on.

Roma 16:7

Mii sanna Andoronikus e Yuniyas, himɓe lenyol am. Min e maɓɓe nun maɓɓidanoo der kasu. Ɓee laatii lilaaɓe teddinaaɓe, ɓe arti am bo goonɗingo Almasiihu.

Roma 9:2

Ɓerne am e biisii puy, mii woodi toora ka heennyataa, der ɓerne am.

Korintu Aranol 12:3

Gam majjum waɗi ko mii yiɗi paamon ɗum ɗo. Walaa bi'oowo Yeesu laati nun naalaaɗo to Ruuhu Alla o batirta ka, kade bo walaa bi'oowo Yeesu laati nun Joomiraawo to joomum woodaa Ruuhu Ceniiɗo.

Korintu Aranol 16:22

Neɗɗo fu mo yiɗaa Joomiraawo, o naalaaɗo! Maranata, yaa Joomiraawo Yeesu, war!

Korintu ɗiɗaɓol 12:15

Min, e seyo kokkanmi ko goodumi fu. Mi hokkan on du baa e hoore am, gam mi walla on. To emii ɓeyda yiɗugo on, onon on ɓuytan yiɗugo am na?

Galaatiya 1:8

To goɗɗo waajike on linjiila feereha ka yaaday e ka men baajii on, baa to menen nun, ɗum bo malaykaajo ƴiwuɗo dow kammu nun, naaloore Alla wonoo dow joomum.

Galaatiya 1:9

Men batiino on ka, jooni bo mii batitoo on ka: To goɗɗo waajike on linjiila feereha, cuttontirka e ka men baajii on, naaloore Alla wonoo dow joomum.

Galaatiya 3:10

Amma hooliiɓe tawreeta fu naaloore na'on dow maɓɓe. Gam e winnii der Dewtere: «Naaloore laatanoo mo tokkay baadey e gollira ko winnaa der tawreeta.»

Galaatiya 3:13

*Almasiihu sooditake en diga naaloore tawreeta. O laatake naalaaɗo gam men, gam e winnii: «Ɓilaaɗo dow leggal fu laati nun naalaaɗo.»

Efesu 6:5

Onon maccuɓe, ɗowtanee joomiraaɓe mooɗon ɓe duuniyaaru ɗo, e kulol e diwnugo, e ɓerɗe laaɓuɗe, hande no ɗowtorantoɗon *Almasiihu.