Roma 8:3 - Bible Fulfulde Bénin New Testament

³ Tawreeta Muusa waawayno ko waɗi ɗum gam tampere ɓannu. Amma Alla waɗii ɗum. O liloy Ɓiyiiko tii etti ɓannu nanduŋol e ɓannu hakkeeɓe gam o firta ɓe diga hakke. Hande non o hiitorii hakke gollotooɗe der ɓalli meeɗen.

Roma 8:3 ပူးပေါင်းရင်းမြစ်များ

Marku 15:27

Ɓe tiggidi mo e fasotooɓe ɗiɗo, gooto nyaamo makko, gooto nano makko. [

Yuhaana 1:14

Haala laatike neɗɗo. Neɗɗo on jooɗodii e meeɗen, oo hebbi moƴƴere e gooŋa. Men ji'ii tedduŋal makko, tedduŋal ŋal Ɓiɗɗo bajjo heɓata e baaba mum.

Yuhaana 9:24

*Farisaaɓe nodditii bumtinaaɗo on, ɓe bi'i mo: «Teddin Alla, emen anni, menen kan, gorko on hakkeejo nun.»

Golle Lilaaɓe 13:39

tawreeta Muusa waaway ko waɗi neɗɗo laatoo poonnitiiɗo, amma der kawtal e makko, goonɗinɗo mo fu, laaɓinte e hakke mum.

Roma 3:20

Gam majjum, walaa laatinteeɗo poonnitiiɗo yeeso Alla e tokkugo tawreeta. Gam tawreeta hollan nun himɓe hakkeeji mum.

Roma 6:6

Een anni jikku meeɗen kiinŋu tiggidaama e makko dow *leggal palaaŋal. Ɗum waɗaama, heɓa ɓannu meeɗen hakkewol halka, gam to en laatoo kade maccuɓe hakke.

Roma 7:18

Gam mii anni, ko wooɗi walaa der am, waato der ɓannu am. Mii yiɗi waɗugo ko wooɗi, amma mi waawataa ko waɗi ɗum.

Roma 8:32

Kanko, mo saloraaki Ɓiyiiko, amma o hokkitirii mo gam meeɗen en fu. Noy woni o hokkirtaa en ko o woodi fu e moƴƴere, diga e Ɓiyiiko?

Roma 9:3

Mi wanyay laataago jaa'aaɗo, mi seenniree e Almasiihu to ɗum nafanno banniraaɓe e baabiraaɓe am, ɓe lenyol am.

Korintu ɗiɗaɓol 5:21

Almasiihu meeɗay waɗugo hakke. Amma Alla yowii hakkeeji meeɗen fu dow makko, gam laatoɗen, foonnitiiɓe yeeso Alla diga e kawtal men e makko.

Galaatiya 3:13

*Almasiihu sooditake en diga naaloore tawreeta. O laatake naalaaɗo gam men, gam e winnii: «Ɓilaaɗo dow leggal fu laati nun naalaaɗo.»

Galaatiya 3:21

Den, tawreeta luudontiran nun e alkawal Alla na? Aawo! To tawreeta waawanno ko hokki yonki, den fu e gooŋa neɗɗo laatinteno poonnitiiɗo diga e tawreeta.

Filippi 2:7

amma o ɓuyti hoore makko, o etti jayri maccuɗo, o nandi e himɓe, o tawaama oo laatii neɗɗo deydey.

Iburaninkeeɓe 10:12

Amma oo ɗo kan, waɗii sadaka goota tan gam mooytugo hakkeeji, ɓaawo mum o jooɗii ley nyaamo Alla faa e baadey.

Iburaninkeeɓe 10:14

Gam e sadaka goota kan o laatiniri ɓe o laaɓini hebbuɓe, faa e baadey.

Iburaninkeeɓe 2:14

Hande no ɓiɓɓe woodiri ɓannu e ƴiiƴam, hande non Yeesu bo ettiri ɓannu, laatii hande maɓɓe. O waɗii ɗum gam diga e maayde makko, o halka baawɗe laamaniiɗo maayde, waato *Seyɗan.

Iburaninkeeɓe 2:17

Gam majjum, e haani o nanda e banniraaɓe makko der huune fu. Hande non o laatorii hooreejo *Limaamiiɓe mo enɗam, koolaaɗo der golle Alla, gam o moyta hakkeeji jama'aare.

Iburaninkeeɓe 4:15

Een goodii hooreejo Limaamiiɓe baawoowo enɗaago en der tampe meeɗen. Gam kanko e hoore makko o jaribaama der huune fu hande no meeɗen, amma o waɗay hakke.

Piyer Aranol 2:24

Almasiihu roonake hakkeeji meeɗen dow ɓannu mum dow *leggal palaaŋal, gam laatoɗen maayuɓe wecco hakke, amma laatoɗen foofooɓe der ko foonniti. On joofake sabbu looci ɗi o fiyaa.