Roma 7:4 - Bible Fulfulde Bénin New Testament

⁴ Hande non ɗum laatii e mooɗon onon bo, banniraaɓe am. Sabbu maayde *Almasiihu on pirtaama e tawreeta. On laatake jeyde Almasiihu mo Alla fintini diga maayɓe gam gaɗen ko fottanta Alla.

Roma 7:4 ပူးပေါင်းရင်းမြစ်များ

Matiye 26:26

No ɓe nyaamata, Yeesu etti peen, yetti Alla, ŋappiti, hokki aahiiɓe mum, wi'i: «Jaɓee, nyaamee, kanjum woni ɓannu am.»

Marku 4:20

Amma woɓɓe e nandi e awdi januni e leydi geeri, kamɓe woni nanuɓe haala kan, jaɓi ka. Ɓe diman ɓikkol: Woɓɓe laso e sappo, woɓɓe lasooji tati, woɓɓe hewre.»

Yuhaana 15:8

To on dimii faa ɗuuɗi, den kan on laatike aahiiɓe am. Nunnun tedduŋal *Baaba am wurtortoo.

Yuhaana 3:29

Yuhaana wi'i kade: «Gaddanaaɗo jommanjo debbo, kanko woni jommanjo gorko. Ɗottoowo gorko e darii, e hettinii. To o nanii daane jommanjo gorko, ɓerne makko welan sanne. Nii belɗum ɓerne am hebbiri.

Yuhaana 6:51

Min woni nyaamdu yonkintewol, ƴiwuŋol dow kammu. To neɗɗo nyaami nyaamdu ŋol, wuuran faa abada. Nyaamdu ŋol kokkanmi gam duuniyaaru wuura, laati nun ɓannu am.»

Roma 6:11

Hande non, onon bo, daaree ko'e mon hande maayuɓe dow wecco hakke, den buuranon Alla sabbu Yeesu Almasiihu.

Roma 6:14

To on accee hakke laamanoo on, gam der tawreeta bane gonuɗon, amma der moƴƴere Alla.

Roma 6:2

Waɗataako! Gam dow wecco hakke, en maayii. Noy kade buurirten der majje?

Roma 6:22

Amma jooni, on dinɗinaama e hakke. On laatike maccuɓe Alla, riiba majjum laatii laaɓineego. Heennyitirde majjum laati yonki tabitiiki.

Roma 7:3

Amma to o laatike debbo goɗɗo diga goriiko e wuuri, o noddete jeenoowo. Amma to goriiko maayii, o firtake e tawreeta, o noddataake bo jeenoowo baa to gorko goɗɗo hoowii mo.

Roma 7:6

Amma jooni, en pirtaama e tawreeta, en maayii dow wecco makka. Gam majjum en caafirtaa Alla e laawol kiinŋol ŋol tawreeta binnaaka. Amma een caafa mo e laawol kesol ŋol *Ruuhu makko.

Roma 8:2

Gam tawreeta *Ruuhu e hokka yonki to goɗɗo hawtii e Yeesu Almasiihu. Kanka rinɗinimmi diga tawreeta hakke, e maayde.

Korintu Aranol 10:16

Jarirgel hiraane seniine ŋel jetteten Alla gam mum, ŋel hollitintaa en kawtii e ƴiiƴam *Almasiihu na? Peen ceenneten een nyaama, ŋa hollitintaa en kawtii e ɓannu Almasiihu na?

Korintu ɗiɗaɓol 11:2

Mii woodi yidde ne nawniraagu ƴiwune to Alla dow mooɗon. Mi ɗaɓɓanii on gorko gooto, kanko woni *Almasiihu. Mii yiɗi yaarugo on to makko hande gatol ŋol annaa gorko.

Galaatiya 3:13

*Almasiihu sooditake en diga naaloore tawreeta. O laatake naalaaɗo gam men, gam e winnii: «Ɓilaaɗo dow leggal fu laati nun naalaaɗo.»

Galaatiya 5:18

Amma to Ruuhu durata on, tawreeta woodaa baawɗe dow mon.

Efesu 2:15

Almasiihu moytii Sariya e umurooje mum, e kakkilanol mum fu. Non non o waɗiri Yahuduuɓe e ɓe lenyi janani fu laatii lenyol kesol, gam ɓee kawti e makko. Hande non o joonniri jam hakkune maɓɓe.

Filippi 1:11

On kebbinaama ɓiɓɓe foonnitaare ƴiwuɗe diga e Yeesu Almasiihu, gam inne Alla teddinee, yettee.

Filippi 4:17

Ɗum wi'ay no ballal nun daartanmi, ko daartanmi woni, ɓikkon goonɗinki mooɗon ɓeydoo faa ɗuuɗa.

Koloosi 1:10

Hande non, on buuran der goonki pottananki Joomiraawo der huune fu. On tabitinto waɗugo ko wooɗi feere feere, on ɓeydoto annugo Alla.

Koloosi 1:22

Amma jooni, Alla weldinii on e muuɗum diga e maayde Ɓiyiiko laatiiɗo neɗɗo, gam daroɗon yeeso makko oon laatii seniiɓe, laaɓuɓe, ɓe walaa gacce.

Koloosi 1:6

Linjiila kan yottake on, e rima ɓikkon, e sankitoo, e laya der duuniyaaru fu. Hande non ɗum laatii to mooɗon onon bo, diga nyaanne nanuɗon, ko paamuɗon moƴƴere Alla e gooŋa.

Koloosi 2:14

O moytii ɗerewol nyamaane men, gaccotonoo ŋol en. O ikkinii ŋol, o tiggi dow *leggal palaaŋal.

Koloosi 2:20

On maayidii e *Almasiihu, burtiɗon e baawɗeeji duuniyaaru. Den, ume waɗi ko oon nyaama goonki mon hande woniiɓe der baawɗeeji duuniyaaru? Ume waɗi ko oon nooto ɗowtanaago boɗaaji himɓe resanta on:

Iburaninkeeɓe 10:10

En laaɓinaama e hakke, gam Yeesu *Almasiihu waɗii ko Alla yiɗi. O sakkii ɓannu makko de woore, ɗum heƴii faa e baadey.

Piyer Aranol 2:24

Almasiihu roonake hakkeeji meeɗen dow ɓannu mum dow *leggal palaaŋal, gam laatoɗen maayuɓe wecco hakke, amma laatoɗen foofooɓe der ko foonniti. On joofake sabbu looci ɗi o fiyaa.

Kollitinki 19:7

En ceyee, belbelten, teddinen mo, gam ɓangal *Jawgiyel yottake. Ɗaɓɓaaɗo maggel siriyake.

Kollitinki 21:9

Ɓaawo majjum, gooto der malaykaaɓe jeeɗiɗo jogiinooɓe jarirkon jeeɗiɗon kebbukon boneeji jeeɗiɗi cakitiiɗi, wari, baddimmi wi'i: «War mi hollee jommanjo debbo, debbo *Jawgiyel.»