Roma 5:2 - Bible Fulfulde Bénin New Testament

² Kanko yottini en moƴƴere Alla ne gonuɗen e muuɗum jooni. Ɗum laatake gam goonɗinki meeɗen. Een juroro hoolaare heɓugo geɗu der tedduŋal Alla.

Roma 5:2 ပူးပေါင်းရင်းမြစ်များ

Matiye 25:21

Joomiiko wi'i mo: ‟Golle maa wooɗii sanne, an gollotooɗo geeto, koolaaɗo. No a laatike koolaaɗo e huune ko faanɗi, mi hokkete ko ɓuri ɗum mawnugo. War naatu ceyodoɗaa e am!”

Yuhaana 10:7

Yeesu wi'i ɓe kade: «Mii bata on e gooŋa, min woni dammugal baali.

Yuhaana 10:9

Min woni dammugal. Neɗɗo fu naatirɗo e am, hisan, heɓan durdugol, ooran, jaannyan.

Yuhaana 14:6

Yeesu toontii mo: «Min woni laawol, min woni gooŋa, min woni yonki. Goɗɗo yahataa to *Baaba to ƴiwiray to am.

Yuhaana 5:24

Mii bata on e gooŋa. Nanuɗo haala am ko goonɗini liluɗo am, heɓii yonki tabitiiki, o hiitataake. O ƴiwii e maayde, o warii to yonki.

Golle Lilaaɓe 14:27

No ɓe jottii, ɓe kawriti eklesiya, ɓe bati ɓe ko Alla waɗi diga e maɓɓe fu, no o maɓɓitirani ɓe lenyi janani dammugal goonɗinki.

Roma 11:20

Gooŋa nun! Ɗe budditaama gam dullere goonɗinki majje, go an takkaɗaa gam goonɗinki maa. To non non, taa mawnita, amma hulu Alla.

Roma 12:12

Ceyoree ko kooliɗon on keɓan, munyanee tooraaji, tinnee e waɗugo du'aaje.

Roma 14:4

An, moy laatiɗaa faa kiitoɗaa gollantooɗo goɗɗo? To oo darii, ɗum bo to o yanii, ka joomiraawo makko nun. O daroto bo, gam Joomiraawo e woodi baawɗe darnugo mo.

Roma 15:13

Alla mo tammuwe hebbina ɓerɗe mooɗon seyo e jam gam goonɗinki mon. Tammuwe mooɗon ɓeydoo der ɓerɗe mooɗon diga e baawɗe *Ruuhu Ceniiɗo!

Roma 2:7

Tinniiɓe e waɗa ko wooɗi e daartira tedduŋal e manŋu e ko tabotoo, Alla hokkan ɓe yonki tabitiiki.

Roma 3:23

Himɓe fu waɗii hakke, ɓe tampi yottaago tedduŋal ŋal Alla hokkata.

Roma 5:5

Hoolaago ko warata yeeso majjintaa en, gam Alla wattii yidde mum der ɓerɗe meeɗen, diga e *Ruuhu Ceniiɗo mo o hokki en.

Roma 8:1

Gam majjum, jooni, hawtuɓe e Yeesu *Almasiihu doƴƴataake kiita.

Roma 8:24

En kisinaama, amma een keɗii taw. To een ji'a huune ko tammihiɗen heɓugo, ɗum laataaki kade tammuwe. Moy nun tammihintoo ko yi'i?

Korintu Aranol 15:1

Banniraaɓe, mii yiɗi siwtorgo on *linjiila ka baajiimi on, jaɓuɗon ko oon darii dow makka e semme.

Korintu ɗiɗaɓol 3:18

En fu, enen ɓe geese mum suddaaki, een daara tedduŋal Joomiraawo hande der daanorgal. Oo waylita en, faa nanden e makko, tedduŋal makko ɓeydoo dow meeɗen. Kanjum woni golle Joomiraawo, laatiiɗo Ruuhu.

Korintu ɗiɗaɓol 4:17

Tooraaji amen ɗi jooni e hoyi, jawtooji nun. Eɗii ciryanoo men tedduŋal manŋal, tabitiiŋal, ŋal fonnataako e tooraaji ɗi jooni.

Efesu 2:18

Gam sabbu Almasiihu, en fu, en keɓii laawol yottaago to *Baaba, e ballal *Ruuhu gooto.

Efesu 3:12

En kawtii e Almasiihu, en goonɗinii mo, to non, en baawan ko ɓattii Alla e hoolaare.

Efesu 6:13

Gam majjum, ettee kaɓirɗum ɗum Alla fu, gam baawon ko darii to nyalaaɗe kalluɗe warii, keɓon semme ɓaawo to hawre heennyii.

Tesalonika Ɗiɗaɓol 2:16

Joomiraawo meeɗen Yeesu *Almasiihu e hoore mum, e Alla *Baaba meeɗen, jiɗuɗo en, hokkii en moƴƴere mum e jam tabitiiɗo, e tammuwe wooɗune.

Iburaninkeeɓe 3:6

Amma *Almasiihu laatike koolaaɗo der suudu Alla hande ɓiɗɗo. Enen laatii ɓe suudu makko to en tinnake een koolii, een tabbitini ko jurortoɗen faa heennyitirde.

Iburaninkeeɓe 6:18

To non, kujje ɗiɗi woni waylitintaako, ɗe Alla waawataa ko fewi dow mum, kanje woni: hunayeere e alkawal. Kanjum semmiɗinta ɓerɗe men, enen accoyɓe huune fu, go kooliɗen ko bi'aɗen.

Piyer Aranol 3:18

Gam Almasiihu e hoore mum maayi de woore, sabbu hakkeeji ɓiɓɓe Aadama. Kanko poonnitiiɗo, o maayanii en enen woofuɓe gam o yaara en to Alla. Himɓe warii mo, amma *Ruuhu Ceniiɗo fintinii mo.

Kollitinki 21:11

Tedduŋal Alla e woni der mayre. Nee jalba hande hayre rimre, e hande hayre wi'eteene yaspa, laaɓune hande daanorgal.

Kollitinki 21:23

Wanŋarde nen bukaaka naaŋe, naa bo lewru yaynana ɗum, gam tedduŋal Alla yaynanta ne, Jawgiyel laatii fitilla mayre.

Kollitinki 21:3

Mi nanii daane towne diga to kittaal laamu, e wi'a: «Jooɗorde Alla caka himɓe nani, o wonoto e maɓɓe, ɓe laatoo himɓe makko, Alla e hoore mum wondan e maɓɓe.

Kollitinki 3:21

Jaaliiɗo fu, mi jooɗinan ɗum dow kittaal *Laamaare am, hande no jaaloriimi go jooɗodiimi e baaba am dow kittaal Laamaare mum.