Roma 3:2 - Bible Fulfulde Bénin New Testament

² Nafuwe majjum e mawni dow laabi fu. Aran, Yahuduuɓe nun Alla arti yowani haala mum.

Roma 3:2 ပူးပေါင်းရင်းမြစ်များ

Yuhaana 5:39

Oon biɗitoo Dewte gam oon miiji ɗe kokkan on yonki tabitiiki. Kanje seedantoo am.

Golle Lilaaɓe 7:38

Wakkati ɓe kawti der haro, kanko laatii dariiɗo hakkune kaakiraaɓe meeɗen e malaykaajo baddunooɗo mo dow waanne Sinayi. Kanko jaɓi haalaaji gurnam, gam o hokka en ɗi.

Roma 1:2

Linjiila kan, Alla haɓɓiino alkawal mum diga ɗum ɓooyi diga e annabiiɓe mum, der Dewte ceniiɗe.

Roma 2:18

Aa anni ko Alla yiɗi, aa anni suttontirgo ko wooɗi gam a janŋinaama tawreeta.

Roma 3:1

Den to non, ume nun *Yahuduujo ɓurdiri ɓe lenyi janani? Ume woni nafuwe juulnol?

Roma 3:3

To non, to woɓɓe maɓɓe laataaki hoolaaɓe, ɗum haɗan Alla laataago koolaaɗo na?

Roma 9:4

Kamɓe woni Isira'iilaaɓe, ɓe Alla laatini ɓiɓɓe mum, holli ɓe tedduŋal mum. Ɓe keɓii alkawalji e tawreeta. O hollii ɓe no ɓe caafirta mo, o batii ɓe o waɗanan ɓe huune ɗuuɗɗum.

Korintu Aranol 9:17

To e anniya ɓerne am nun gaɗiranmi golle ɗen, mi heɓan riiba am. Amma min bane suɓi, mi yowana ɗe nun.

Korintu ɗiɗaɓol 5:19

Alla wonunoo der Almasiihu e weldina duuniyaaru e makko. O limanay ɓe boofi maɓɓe, o yowani men batu weldingo himɓe e makko.

Galaatiya 2:7

Amma ɓe paamii Alla nun yowanimmi *linjiila mi waajoo ɓe lenyi janani, hande no o yowirani Piyer waajoo *Yahuduuɓe.

Timote Aranol 6:20

Timote, hakkilan ko kalfinaɗaa, woɗɗoda haalaaji baanji baanji ɗi yaadataa e goonɗinki. Hakkilan bo jeddi dow ko woɓɓe wi'ata annal lugguŋal.

Iburaninkeeɓe 5:12

E haanunoo oon laatii janŋinooɓe diga ɗum ɓooyi, amma faa jooni oon goodi bukaata janŋineego puɗɗirɗum der haala Alla. Haanuno oon nyaama nyaamdu tekkuŋol, amma faa jooni, kosam nun musinton.

Piyer Aranol 4:11

Baajotooɗo fu, sey waajoo haala Alla. Jaggotooɗo bo, jaggoo e semme ne Alla hokki ɗum, gam der huune ko gaɗoton fu, teddinon Alla diga e Yeesu *Almasiihu, mo tedduŋal e baawɗe wonani faa abada! Aami

Kollitinki 19:10

Jicciimi ley koyɗe makko, gam mi sujidana mo, amma o wi'immi: "Taa waɗu ɗum! Min bo, mi gollantooɗo Alla nun hande maa, e hande banniraaɓe maa jogiiɓe seedaaku Yeesu. Sujidan Alla!" Gooŋa ka Yeesu holliti, kanka nun hokki annabiiɓe haala ka ɓe bati dow makko.

Kollitinki 22:6

Malaykaajo on wi'immi: "Haalaaji ɗii ɗo e laatii gooŋa, ɗii laatii kooliniiɗi bo. Alla Joomiraawo gattuɗo haala mum der annabiiɓe, lili malaykaajo mum gam o holla jeyaaɓe makko ko waroyta, ɓooyataa."