Roma 2:9 - Bible Fulfulde Bénin New Testament

⁹ Ɓillaare e jiɓayeere ɗuuɗanan gaɗoowo ko halli fu, aran, *Yahuduuɓe, den ɓe lenyi janani.

Roma 2:9 ပူးပေါင်းရင်းမြစ်များ

Matiye 16:26

To neɗɗo heɓii huune fu der duuniyaaru ɗo, ko yonki mum halki, ume ɗum nafi mo? Naa ume neɗɗo waawata ko hokki gam sooditaago yonki mum?

Luka 24:47

Sey tuubu e yaafuye hakkeeji waajee himɓe lenyi fu, e inne makko, ɗum fuɗɗa diga *Urusaliima.

Golle Lilaaɓe 11:18

No ɓe nani ka, ɓe jeeɗii, eɓe teddina Alla, eɓe bi'a: «Alla hokkii lenyi janani bo laawol tuubugo gam ɗi keɓa yonki.»

Golle Lilaaɓe 13:26

«Banniraaɓe, onon ɓe lenyol Iburahiima e onon bo hulɓe Alla! Enen lildaa habaru faabuwe oo ɗo.

Golle Lilaaɓe 20:21

Mi seedinii Yahuduuɓe e ɓe lenyi janani fu, ɓe tuubana Alla, ɓe goonɗina Joomiraawo meeɗen Yeesu Almasiihu.

Golle Lilaaɓe 26:20

Mi artii taw baajiimi himɓe Damas den ɓe *Urusaliima e ɓe Yahudiya fu. Ɓaawo mum tokkitiimi e himɓe ɓe lenyi janani, ɓe tuuba, ɓe bittaa to Alla, ɓe gaɗa golle kollitooje ɓe tuubii.

Golle Lilaaɓe 28:17

Balɗe tati ɓaawo muuɗum, Pol noddini mawɓe *Yahuduuɓe wonɓe Roma. No ɓe kawriti, o wi'i ɓe: «Banniraaɓe! Mi waɗanay himɓe meeɗen naa bo tawaaŋal kaakiraaɓe men goɗɗum, amma mi nanŋaama *Urusaliima, gattaami e juuɗe Romankeeɓe.

Golle Lilaaɓe 28:28

Pol wi'i kade: «Gam majjum, annee, faabuwe Alla lildaama ɓe lenyi janani, kamɓe ɓe kettinto!» [

Golle Lilaaɓe 3:26

Onon Alla arti lildanoy jaggiiɗo muuɗum, o artii lilugo mo, gam o barkiɗina on, o waylita moy mon fu diga baadi mon bonni.»

Roma 1:16

Mi sentirtaa *linjiila, gam der makka baawɗe Alla kisinooje goonɗinɗo fu woni, aran *Yahuduuɓe, ɓaawo mum ɓe lenyi janani.

Roma 10:12

Walaa ko suttontiri *Yahuduujo e mo laataaki Yahuduujo. Ɓe fu Joomiraawo gooto ɓe goodi. Kanko nun hokkata noddanɓe mo fu jawdi makko.

Roma 2:10

Manŋu e tedduŋal e jam laatanto waɗooɓe ko wooɗi fu, aran, Yahuduuɓe, den ɓe lenyi janani.

Roma 8:35

To non non, moy nun waawata ko seenni en e yidde Almasiihu? Ɓillaare na, jiɓayeere na, tooreego na, rafo na, talakaaku na, kaliire na, naa kaafahi?

Roma 9:24

Himɓe ɓen woni enen ɓe o noddi, hinaa caka *Yahuduuɓe tan, amma e caka ɓe laataaki Yahuduuɓe bo.

Galaatiya 3:28

Cuttontirol walaa hakkune *Yahuduujo e Yunaninkeejo, dimo naa bo maccuɗo, gorko naa bo debbo, gam on fu on laatike gootum der kawtal mooɗon e Yeesu Almasiihu.

Koloosi 3:11

To non, walaa ko suttontiri *Yahuduujo e mo laataaki Yahuduujo, juulniiɗo e mo juulnaaki, janŋuɗo e mo janŋay, maccuɗo e dimo, gam *Almasiihu nun laatii huune fu, e der moy fu.

Tesalonika Ɗiɗaɓol 1:6

Gam eɗum foonnitii yeeso Alla, o yoɓa tooranɓe on, toora.

Piyer Aranol 4:17

Gam wakkati kiita faanake, Alla fuɗɗiran hiitaago himɓe muuɗum, to ka fuɗɗirii en enen, noy ɗum laatantoo himɓe ɓe jaɓay *linjiila Alla?