Roma 2:2 - Bible Fulfulde Bénin New Testament

² Een anni Alla hiitoto waɗooɓe huune ɗum e gooŋaaku.

Roma 2:2 ပူးပေါင်းရင်းမြစ်များ

Golle Lilaaɓe 17:31

gam o resii nyalaane ne o hiitotoo duuniyaaru e poonnitaaki, o hiitodoo nu e neɗɗo mo o suɓi. O hollii himɓe fu ɗum laati nun gooŋa no o fintini neɗɗo on e maayde.»

Roma 2:1

To non, an kiitotooɗo woɓɓe, baa to moy laatiɗaa, a woodaa laawol accitaneego hakku. To aa hiitoo woɓɓe, hoore maa nun kiitotoɗaa, gam ko kiitantoɗaa ɓe, kanjum gaɗataa.

Roma 2:3

An kiitotooɗo woɓɓe ko aa waɗa hande ko ɓe gaɗata, aa miili a daɗan kiita Alla na?

Roma 2:5

A yoorinii ɓerne maa, a yiɗaa tuubugo. Gam majjum, a fooɗanan hoore maa mone Alla mawne, nyaanne o hollitinta mone makko. Nyaanne mum, o hiitoto e tawreeta makko poonnitiika.

Roma 9:14

Den, ume bi'eten? Ko Alla waɗata foortaaki na? Abada!

Kollitinki 16:5

Den nanumi malaykaajo dawranoowo diyeele e wi'a: «An Alla, laatiiɗo poonnitiiɗo, an wonunoo, an woni jooni, an laatii Ceniiɗo, a hiitorake e foonnitaare.

Kollitinki 19:2

Kiitaaji makko e laatii gooŋaaji, ɗii poonnitii! O hiitake kaaruwaajo mawɗo biisuɗo duuniyaaru e kaaruwaaku mum. Alla hiitake mo gam o reƴƴitii ƴiiƴam gollantooɓe ɗum."