Roma 10:3 - Bible Fulfulde Bénin New Testament

³ Ɓe annaa laawol ŋol Alla laatinirta himɓe foonnitiiɓe. Den ɓe dartani ko'e maɓɓe no ɓe laatortoo foonnitiiɓe. Ɓe jiɗay ɗowtanaago Alla e laawol ŋol o laatinirta himɓe foonnitiiɓe.

Roma 10:3 ပူးပေါင်းရင်းမြစ်များ

Luka 10:29

Amma moodibbo on yiɗi hokkugo hoore mum gooŋa, go o ƴami Yeesu o wi'i: «Moy woni banniraawo am?»

Luka 16:15

Yeesu wi'i ɓe: «Oon gaɗa yeeso himɓe hande foonnitiiɓe, amma Alla e anni ɓerɗe mon. Gam ko himɓe teddinta, laati nun ko nyiddi yeeso Alla.

Roma 1:17

Gam der linjiila nun foonnitaare Alla hollitii. Foonnitaare nen, e goonɗinki tan ne heɓortoo, diga fuɗɗoode faa heennyitirde. E winnii der dewtere: «Poonnitiiɗo wuuran e goonɗinki.»

Roma 10:2

Mii seedanoo ɓe no ɓee goodi tinnaare gam Alla, amma ɓe galaa annal.

Roma 10:20

Ɓaawo mum Esaaya hulay wi'ugo: «Himɓe ɓe dartayno am yiitii am, mi hollitanike himɓe ɓe ƴamanay am.»

Roma 11:7

Ume nun kade? Ko Isira'iilaaɓe dartannoo, ɓe keɓay ɗum. Ɓe Alla suɓi caka maɓɓe heɓi ɗum. Horiiɓe, ɓerɗe muuɗum yoorinaama,

Roma 3:22

Alla laatinan himɓe foonnitiiɓe gam ɓe goonɗinii Yeesu *Almasiihu. Ɗum laatanto goonɗinɗo fu, gam Alla ɓurontirtaa himɓe.

Roma 3:26

O waɗii ɗum gam o hollita foonnitaare makko der wakkati ki gonɗen jooni. Ɗum hokkii mo laawol laataago poonnitiiɗo e laatingo goonɗinɗo Yeesu fu poonnitiiɗo.

Roma 5:19

Dullere ɗowtaare neɗɗo gooto accii himɓe ɗuuɓɓe laatii hakkeeɓe. Hande non bo ɗowtaare neɗɗo gooto accirta himɓe ɗuuɓɓe laatoo foonnitiiɓe.

Korintu ɗiɗaɓol 5:21

Almasiihu meeɗay waɗugo hakke. Amma Alla yowii hakkeeji meeɗen fu dow makko, gam laatoɗen, foonnitiiɓe yeeso Alla diga e kawtal men e makko.

Filippi 3:9

mi tawee e makko, hinaa e foonnitaare ƴiwune diga ɗowtanaago tawreeta, amma e foonnitaare ƴiwune diga goonɗingo Almasiihu, ne Alla hokkata goonɗinɓe.

Piyer Ɗiɗaɓol 1:1

Ɗerewol ŋol ƴiwii e am min Simon Piyer. Mii laatii jaggiiɗo e lilaaɗo Yeesu *Almasiihu. Mi sannii on, onon heɓuɓe goonɗinki geeti hande ki amen, gam sabbu foonnitaare Alla men, tawaane der Yeesu Almasiihu, kisinoowo.