Roma 1:9 - Bible Fulfulde Bénin New Testament

⁹ Alla mo jaggantoomi e ɓerne woore, emi waajoroo *linjiila Ɓiɗɗo mum, e anni gooŋa nun batanmi. De du'otoomi fu, mii siwtora moy mooɗon fu.

Roma 1:9 ပူးပေါင်းရင်းမြစ်များ

Marku 1:1

Nani ɗo no *linjiila Yeesu *Almasiihu, *Ɓiɗɗo Alla fuɗɗiri.

Luka 18:1

Yeesu waɗani ɓe ballool ŋol ɗo gam o holla ɓe no haani ɓee du'o wakkati fu, to ɓe comu.

Golle Lilaaɓe 12:5

Ɗon Piyer e reenaa der kasu, amma eklesiya accay eelango mo Alla.

Golle Lilaaɓe 19:21

Ɓaawo kujje ɗee, Pol miilii tokka e Maseduwaan e Akaya o yaha *Urusaliima. O wi'i: «To mi yottake ton, sey mi yaha Roma bo.»

Golle Lilaaɓe 24:14

Amma, mi nootake yeeso maa mii sujidana Alla baabiraaɓe amen der laawol ŋol ɓe bi'ata diina fewreha. Mii goonɗini ko winnaa der sariya fu e ko winnaa der dewte annabiiɓe fu.

Golle Lilaaɓe 27:23

Malaykaajo Alla, Joomiraawo mo laataniimi, mo cujidananmi, hollitanake am jemmaare nee ɗo,

Golle Lilaaɓe 3:26

Onon Alla arti lildanoy jaggiiɗo muuɗum, o artii lilugo mo, gam o barkiɗina on, o waylita moy mon fu diga baadi mon bonni.»

Roma 9:1

Ka batanmi ɗo gooŋa nun. E inne *Almasiihu, mi fewataa. Cuuɗiiɗum ɓerne am bo e seedanoo am diga e *Ruuhu Ceniiɗo no gooŋa nun batanmi.

Korintu ɗiɗaɓol 1:23

Alla e laatii seedeejo am, gam to mi sattana on woni mi wittay Korintu.

Korintu ɗiɗaɓol 11:31

Alla laatiiɗo *Baaba Yeesu Joomiraawo meeɗen e anni mi fewataa. Yettoore laatanoo mo faa abada.

Galaatiya 1:20

Ko binnananmi on ɗo, Alla woni seedeejo am, mi fewataa.

Efesu 6:18

Wakkati fu gaɗee du'aaje feere feere. Eelee ballal Alla hande no Ruuhu Ceniiɗo hollitirta on. Deenee e tinnaare! To on accee du'anaago himɓe Alla.

Filippi 1:3

Mii yetta Alla am de ciwtormi on fu.

Filippi 1:4

Wakkati du'antoomi on on fu, e ɓerne welne du'ortoomi,

Filippi 2:22

Oon anni Timote hollitii oo laatii koolaaɗo, o gollodake e am gam waaji *linjiila hande no ɓiɗɗo gollorantoo baaba mum.

Filippi 3:3

Gam enen woni julniiɓe e gooŋa, enen saafirooɓe Alla e *Ruuhu, jurortooɓe Yeesu *Almasiihu, ɓe koolaaki ko'e mum.

Tesalonika Aranol 1:2

Emen jetta Alla wakkati fu gam mooɗon on fu, emen ciwtora on bo dow du'aaje.

Tesalonika Aranol 3:10

Jemma e nyalooma fu, emen eela mo sanne o hokka men laawol yi'ugo on kade, gam men ɓeydana on ko jacci der goonɗinki mooɗon.

Tesalonika Aranol 5:17

to on accee waɗugo du'aare.

Timote Aranol 2:7

Gam mi batana ɗum, Alla waɗimmi baajotooɗo e lilaaɗo. O yowanii am mi janŋina himɓe ɓe lenyi janani haala goonɗinki e gooŋa. Gooŋa batammi, mi fewataa.

Timote Ɗiɗaɓol 1:3

Mii yetta Alla mo cujidananmi e cuuɗiiɗum ɓerne laaɓuɗum, hande no kaakiraaɓe am waɗunoo. Emi siwtoree jemma e nyalooma fu der du'aaje am.

Filemon 1:4

Filemon, mii yetta Alla wakkati fu, mi accay siwtorgo maa der du'aaje am.