Piyer Ɗiɗaɓol 3:17 - Bible Fulfulde Bénin New Testament

¹⁷ Amma onon banniraaɓe yiɗaaɓe, on keɓii seedineego, to non kakkilee to himɓe yedduɓe Alla majjina on, sottina on diga darande mon.

Piyer Ɗiɗaɓol 3:17 ပူးပေါင်းရင်းမြစ်များ

Matiye 16:11

Noy waɗi go on paamay no haala peen bane batananmi, wakkati bi'umi on, kakkilanee *ƴuufinirɗum *Farisaaɓe e ɗum *Sadukiiɓe?»

Matiye 16:6

Yeesu wi'i ɓe: «Kakkilee, deenee ko'e mon e ƴuufinirɗum *Farisaaɓe e ɗum *Sadukiiɓe.»

Matiye 7:15

«Kakkilanee annabiiɓe fewrekuuɓe. Ɓe garan to mooɗon, ɓee ɓornii guri baali, amma der maɓɓe, ɓee laatii bu'i ladde bonuɗi.

Yuhaana 16:4

Mi batii on ɗum, gam to wakkati on waroy, ciwtoron, mi batiino on ɗum. Mi batay on ɗum diga arande gam mii wondunoo e mooɗon.

Golle Lilaaɓe 2:42

Ɓe kaɓɓi anniya nanugo janŋinol lilaaɓe janŋinta ɓe, ɓe kawti, ɓe laatii gootum, eɓe ceenna peen eɓe gaɗa du'aaje .

Roma 16:18

Gam himɓe ɓen, *Almasiihu Joomiraawo meeɗen bane ɓe gollantoo, amma deeɗi maɓɓe. E haalaaji belɗi, eytooji ɓe jarbortoo himɓe ɓe walaa hakkillo.

Korintu Aranol 10:12

Gam majjum, miiluɗo e darii fu, waɗa hakkillo to yanu.

Korintu Aranol 15:58

Gam majjum banniraaɓe am yiɗaaɓe, laatee tabitiiɓe, ɓe dimmataako. Wakkati fu kiinnee golle Joomiraawo, gam oon anni ko gaɗuɗon sabbu kawtal mooɗon e Joomiraawo yanataa baanji.

Korintu ɗiɗaɓol 11:3

Amma mii woodi kulol to hakkillo mooɗon waylitoo, accon yiɗugo Almasiihu e ɓerɗe goote, laaɓuɗe, nandon hande Hawwa, mo boddi ƴoyri.

Galaatiya 5:4

Onon dartooɓe laataago foonnitiiɓe diga e tawreeta, on ceedi e Almasiihu, on boɗɗodike e moƴƴere Alla.

Efesu 4:14

Den, en laatataako kade sukaaɓe wifitinteeɓe nokku fu, hande laanayel diyam ŋel galmaaji diyam yaarata to yiɗi. Den bo, janŋinooɓe pewe majjintaa en e ƴoyre mum.

Filippi 3:2

Kakkilanee himɓe nanduɓe e dawaaɗi, e gollotooɓe halluɓe, jeeƴanɓe on juulnaago!

Koloosi 2:5

Ɓannu am e woɗɗodii on, amma hakkillo am e wondi e mooɗon. Ɓerne am e weli gam foonnitaare tawaane caka mooɗon, kade bo oon darii dow goonɗingo *Almasiihu e semme.

Koloosi 2:8

Kakkilee gam to goɗɗo ƴoyra on e annal lugguŋal. Kakkilanee bo haalaaji majjinooji, ƴiwuɗi e tawaaŋal himɓe, naa bo e semmeeji duuniyaaru. E *Almasiihu bane ɗum ƴiwi.

Timote Ɗiɗaɓol 4:15

An bo, hakkilan mo, gam o salake waaji amen e semme.

Iburaninkeeɓe 3:14

To en jogake hoolaare men arandeere e semme faa heennyitirde, den en laatike hawtuɓe e *Almasiihu.

Piyer Aranol 5:9

Kaɓidee e makko, tiiɗee der goonɗinki, gam oon anni banniraaɓe mooɗon sankitiiɓe der duuniyaaru nu, e woodi iri tooraaji ɗii kanun bo.

Piyer Ɗiɗaɓol 2:7

O daɗinii Luudu, neɗɗo poonnitiiɗo, mo ɓerne mum biisii puy sabbu baadiiji himɓe bonɓe.

Piyer Ɗiɗaɓol 3:1

Banniraaɓe am yiɗaaɓe, ɗerewol ŋol ɗo nun laatii ɗiɗaɓol ŋol binnanmi on. Der ɗereeji ɗiɗi ɗii fu, mii yiɗi finningo hakkillooji mooɗon gam wallugo on miilon no wooɗiri, ciwtoron ko ekkitinoɗon.

Kollitinki 2:5

Gam majjum, siwtor diga to januɗaa. Tuubu, den gaɗaa golle maa arandeeje! To hinaa nun, mi waran, mi ikkina fitilla maa e nokkuure mum, sey to a tuubii.