Piyer Ɗiɗaɓol 1:8 - Bible Fulfulde Bénin New Testament

⁸ To huune ɗum fu oon jogii ɗum no wooɗi, ko e ɗum ɓeydo der mooɗon, ɗum wallan on ɓeydaago yeeso yeeso der annugo mooɗon Joomiraawo meeɗen Yeesu *Almasiihu.

Piyer Ɗiɗaɓol 1:8 ပူးပေါင်းရင်းမြစ်များ

Matiye 13:22

Goɗɗo e nandi e awdiiri caamuni to gi'e woni. To o nanii haala Alla, ɓillaaje duuniyaaru e yidde jawdi ɓiɗɗa ka, ka rimataa ɓikkol.

Matiye 20:3

O wurtii jaka yanɗe jeenay, o tawi woɓɓe e jooɗii der luumo, woodaa gaɗeteeŋal.

Matiye 20:6

Ɓaawo majjum, wakkati yanne joy, o wurtii kade. O tawi woɓɓe e darii, woodaa gaɗeteeŋal. O wi'i ɓe: ‟Ume waɗi ko oon nyalli daraago ɗo, on goodaa gaɗeteeŋal?”

Matiye 25:26

Joomiiko toontii mo, wi'i: ‟An gollotooɗo kalluɗo, ciiwaakuujo! Aa annunoo mii rugga ko mi aaway, mii ɓotta ko mi hawritay,

Yuhaana 15:2

Liccal takkiiŋal e am fu, to rimataa, o saltoto ɗum, liccal dimoowal fu, o saaɓanoo ɗum gam ŋal ɓeyda rimugo.

Yuhaana 17:3

Annugo an woni Alla gooto, gooŋaajo, e lilaaɗo makko Yeesu *Almasiihu, kan woni yonki tabitiiki.

Yuhaana 5:42

amma mii anni on, mii anni yidde Alla walaa e mooɗon.

Roma 12:11

Laatee tinniiɓe, to on laatee ciiwankeeɓe. Accee hakkillo mon e fini. Gollanee Joomiraawo e ɓerɗe mon fu.

Korintu Aranol 15:58

Gam majjum banniraaɓe am yiɗaaɓe, laatee tabitiiɓe, ɓe dimmataako. Wakkati fu kiinnee golle Joomiraawo, gam oon anni ko gaɗuɗon sabbu kawtal mooɗon e Joomiraawo yanataa baanji.

Korintu ɗiɗaɓol 13:5

Liinyee ko'e mooɗon, daaron to oon goonɗini. Poonnee ko'e mooɗon. On annitay no Yeesu *Almasiihu na'on der mon na? To o walaa der mon, den on janii.

Korintu ɗiɗaɓol 8:2

Ɓe poonnaama e ɓillaaje ɗuuɗɗe. Amma seyo maɓɓe e mawni puy. Gam majjum ɓe kokki dokke ɗuuɗɗe e ɓerɗe goote baa no ɓee talakiɗi puy.

Korintu ɗiɗaɓol 8:7

On keɓii huune fu faa faanti: Goonɗinki e baawal batu, e annal, e tinnaare dow huune fu, e yidde gam amen. Gam majjum, tinnee bo der golle moƴƴere ɗen.

Korintu ɗiɗaɓol 9:14

Ɓe du'anto on, ɓe kollitira yidde maɓɓe gam moƴƴere mawne ne Alla waɗani on.

Filippi 1:9

Ko eelananmi on Alla woni, ɓeydoɗon yeeso yeeso, dow yidde, e dow annal, e suttontirgo gooŋa e fewre,

Filippi 2:5

Goodee hakkune mon, miilo ŋo Yeesu Almasiihu woodunoo.

Filippi 3:8

E gooŋa, mi daarii huune fu baanji, gam mi heɓii ko ɓuri ɗum teddugo, kan woni annugo Yeesu Almasiihu Joomiraawo am. Gam makko, mi majjinii huune fu, daarumi ɗum hande buuri, gam mi heɓa mo,

Koloosi 1:10

Hande non, on buuran der goonki pottananki Joomiraawo der huune fu. On tabitinto waɗugo ko wooɗi feere feere, on ɓeydoto annugo Alla.

Koloosi 2:7

Gaɗee ɗaɗi der makko, mahee goonki mon bo dow makko. Cemmiɗee der goonɗinki hande no janŋiniraɗon, jettee Alla puy.

Koloosi 3:16

Accee haala Almasiihu hebba e mooɗon faa wooɗa. Janŋinontiree, tiiɗinontiron e hakkillo. Jimanee Alla e ɓerɗe mooɗon fu, jettee mo e jimi jabuuraaji, e maantooje, e jimi ɗi *Ruuhu Ceniiɗo hokkata on.

Tesalonika Aranol 3:12

Joomiraawo mawnina yidde mon, ɗuuɗina ne hakkune mon yaago e himɓe, ne laatoo hande no yidde amen laatorii dow mooɗon!

Tesalonika Aranol 4:1

Ko horii wi'ugo on banniraaɓe, on ekkitake diga e amen no jahirton ko pottanon Alla. Nunnun jahirton bo. Amma jooni, emen eela on emen eelitoo gam sabbu kawtal mon e Joomiraawo Yeesu, ɓeydee yahugo yeeso yeeso.

Tesalonika Ɗiɗaɓol 1:3

Banniraaɓe, e haani men jetta Alla wakkati fu gam mooɗon. Eɗum fotti, gam goonɗinki mooɗon e ɓeydoo yeeso yeeso, kade bo yidde ne goodontirɗon hakkune mooɗon e ɓeydoo der moy mooɗon.

Timote Aranol 5:13

Ko ɓuri ɗum, no ɓe galaa gaɗaaŋal, ɓe ettan wakkati maɓɓe, ɓee boositoo wuro e wuro. Dullere gaɗaaŋal tan bane, amma ɓee nyo'a himɓe. Ɓee naata haalaaji ɗi yaalay ɓe, ɓee una batu.

Titus 3:14

E haani himɓe meeɗen bo ekkitoo waɗugo golle booɗɗe. Ɓe balla haajaaɓe walleego gam to kamɓe wallooɓe ɓen ɓe gonoo baanji.

Filemon 1:6

Emii eela Alla, gam goonɗinki kii ɗo hawti en yi'oo der gaɗu. Den paaminaa geetum fu ɗum baaweten waɗugo gam *Almasiihu.

Iburaninkeeɓe 6:12

To on laatee ciiwaakuuɓe, amma yemminee goonɗinki e munyal himɓe heɓooɓe donŋu ŋu Alla haɓɓi alkawal mum diga e goonɗinki.

Piyer Ɗiɗaɓol 1:2

Alla ɗuuɗinana on moƴƴere e jam gam oon anni mo, kanko e Joomiraawo meeɗen Yeesu.

Piyer Ɗiɗaɓol 1:3

Baawɗe Alla hokkii en huune fu ko haanani en buuriren, e no haani goniren e kulol Alla. Baawɗe ɗen wallii en annugo Alla nodduɗo en kawten der tedduŋal mum, e geetaaku mum.

Piyer Ɗiɗaɓol 2:20

Wurtiiɓe e huune coɓuɗum ɗum duuniyaaru, go ɓe anniti Joomiraawo e Kisinoowo men Yeesu *Almasiihu, den ko ɓe bittitii der majji kade faa ɗi jaalii ɓe, heennyitirde maɓɓe ɓuran fuɗɗoode jaasugo.

Piyer Ɗiɗaɓol 3:18

Mawnee der moƴƴere e annugo Joomiraawo meeɗen Yeesu *Almasiihu kisinoowo en! Tedduŋal laatanoo mo diga jooni faa abada! Aami!