Piyer Ɗiɗaɓol 1:6 - Bible Fulfulde Bénin New Testament

⁶ dow annal, nantaare, dow nantaare, tinnaare, dow tinnaare, kulol Alla,

Piyer Ɗiɗaɓol 1:6 ပူးပေါင်းရင်းမြစ်များ

Luka 21:19

E tinnaare mooɗon, on kisinan yonkiiji mon.»

Luka 8:15

Awdiiri caamuni dow leydi geeri laatii hande nanuɓe haala Alla, ko jaɓi ka e ɓerɗe geete, laaɓuɗe, e tinnaare maɓɓe ɓe diman ɓikkon.»

Golle Lilaaɓe 24:25

Amma no Pol yanti e batana haala foonnitaare e nantaare, e haala kiita garoowa, Felikus huli, wi'i: Yawtu taw! To mi heɓii jayri fu mi nodditinte.

Roma 15:4

Ko artaa winnaa e dewte fu, winnaama gam janŋingo en. Kanjum hokkata en munyal, e ɓerɗe deƴƴuɗe, een keɗorii ko warata.

Roma 2:7

Tinniiɓe e waɗa ko wooɗi e daartira tedduŋal e manŋu e ko tabotoo, Alla hokkan ɓe yonki tabitiiki.

Roma 8:25

Amma to een tammihii ko en ji'ataa yottoto, en kettinto ɗum e munyal.

Korintu Aranol 9:25

Jiɗɗo daɗugo der doggudu fu, sey elta ɓannu mum der huune fu. Kamɓe, ɓee gaɗa ɗum gam heɓugo keɓal meetalol ɗayloowol, amma enen, een tammi heɓugo meetalol ŋol ɗaylataa.

Korintu ɗiɗaɓol 6:4

Amma der huune fu, emen kolla no men laati nun gollantooɓe Alla. Kan acci emen tinnii, emen munyani tooraaji e caɗeele e jiɓayeere.

Galaatiya 5:23

ɗiggere e jogaago hoore mum. Tawreeta walaa gaccotooka iri kujje ɗee.

Koloosi 1:11

Emen eela Alla hokka on semme, e baawɗe mum tedduɗe, gam baawon tinnaago, e munyango huune fu.

Tesalonika Aranol 1:3

Emen ciwtora on yeeso Alla *Baaba meeɗen e golle mooɗon ɗe gaɗuɗon gam goonɗinki mooɗon. Emen ciwtora bo no tinnoriɗon gam yidde, e no munyirɗon der tammuwe mooɗon der Joomiraawo meeɗen Yeesu *Almasiihu.

Tesalonika Ɗiɗaɓol 1:4

Kanjum acci emen juroro on der eklesiyaaji Alla. Emen juroro munyal mooɗon, e goonɗinki mooɗon, der tooraaji ɗi tooreteɗon, e ɓillaaje ɗe munyanton.

Tesalonika Ɗiɗaɓol 3:5

Joomiraawo acca ɓerɗe mooɗon yiɗa Alla, munyon hande no *Almasiihu munyiri!

Timote Aranol 2:10

Amma ŋari maɓɓe laatoo waɗugo gaɗu geetu. Hande nun haanirani rewɓe batooɓe no e teddini Alla.

Timote Aranol 2:2

Du'anee laamiiɓe, e mawɓe leydi fu. Du'ee gam gonoɗen e jam, e deƴƴere der kulol Alla, heɓa himɓe ɗowtanoo neɗɗaaku men.

Timote Aranol 3:16

Seko fu walaa, asiiri diina meeɗen e mawni: Alla hollitake e ɓannu neɗɗo, *Ruuhu seedanike gooŋaaku makko, malaykaaɓe yi'ii mo, lenyi fu waajaama haala makko, o goonɗinaama der lenyi janani, o heɓii tedduŋal dow kammu.

Timote Aranol 6:11

Amma, an neɗɗo Alla, woɗɗoda kujje ɗen. Daartu foonnitaare e takkaago Alla, e goonɗinki, e yidde, e tinnaare, e ɗiggere.

Timote Aranol 6:3

Woɓɓe e ekkitina ekkitinol feerewol. Ɓe tokkay haala Joomiraawo meeɗen Yeesu *Almasiihu laaɓuka, e ekkitinol jaadoowol e kulol Alla.

Timote Aranol 6:6

E gooŋa, goonɗinki laati nun laawol keɓal manŋal, to neɗɗo e seyorii ko woodi.

Timote Ɗiɗaɓol 3:5

Ɓe nandinan ko'e maɓɓe hande hulooɓe Alla, amma ɓee jedda baawɗe mum. Woɗɗoda iri himɓe ɓen.

Titus 1:1

Ɗerewol ŋol ɗo ƴiwii e am, min Pol, maccuɗo Alla e lilaaɗo Yeesu *Almasiihu. Alla yowanii am mi waɗa suɓaaɓe makko goonɗina mo. O yowanii am anningo ɓe gooŋa jaadooha e goonɗinki men.

Titus 1:8

Amma sey joomum e laatii bernoowo hoɓɓe, jiɗuɗo ko wooɗi, mo hakkillo, poonnitiiɗo, laaɓuɗo, nantiiɗo.

Titus 2:2

Worɓe nayeeɓe, batu ɓe no haani ɓe laatoo nantiiɓe, fotuɓe teddineego, hakkilɓe. Ɓe laatoo ɓe goonɗinki mum yanɗi, ɓe gooda yidde e munyal.

Iburaninkeeɓe 10:36

E gooŋa, oon goodi bukaata munyal, gam keɓon ko Alla haɓɓani on alkawal, to on gaɗii ko o yiɗi.

Iburaninkeeɓe 12:1

Seedeeɓe ɗuuɓɓe e fiiltitii en hande duule. Gam majjum enen bo, en boppee doongal fu, e hakke taariiɗe en e koyɗum. Den doggen e tinnaare der doggudu daɗontiree ŋol desanaɗen.

Iburaninkeeɓe 6:12

To on laatee ciiwaakuuɓe, amma yemminee goonɗinki e munyal himɓe heɓooɓe donŋu ŋu Alla haɓɓi alkawal mum diga e goonɗinki.

Iburaninkeeɓe 6:15

Hande non Iburahiima munyiri, o heɓi ko Alla haɓɓani mo alkawal.

Piyer Ɗiɗaɓol 1:3

Baawɗe Alla hokkii en huune fu ko haanani en buuriren, e no haani goniren e kulol Alla. Baawɗe ɗen wallii en annugo Alla nodduɗo en kawten der tedduŋal mum, e geetaaku mum.

Piyer Ɗiɗaɓol 3:11

To huune fu halkete hande non, sey annon no nyaamirton goonki mon der laaɓal, oon kuliri Alla!

Kollitinki 1:9

Min woni Yuhaana banniraawo mooɗon. Mi hawtii e mooɗon der toora, e der *Laamaare Yeesu *Almasiihu, e der tinnaare makko. Mi yaaraama e semme dow duunne wi'eteene Patimos gam mi waajike haala Alla, ceedaniimi Yeesu.

Kollitinki 13:10

Mo ɗum resani nanŋee maccunnaaku, nanŋee. Mo ɗum resani waree e kaafahi, waree e kaafahi. Gam majjum sey himɓe Alla tinno, jogoo goonɗinki.

Kollitinki 14:12

Gam majjum sey himɓe Alla, ɗowtaniiɓe ka o bati, go e goonɗini Yeesu heɓa munyal.

Kollitinki 2:2

Mii anni golle maa, e tinnaare maa, e munyal maa. Mii anni a munyantaa halluɓe, a foonnii wi'ooɓe e laatii lilaaɓe, amma ɓe laataaki ɗum, a tawii ɓe laati nun fewooɓe.