Piyer Ɗiɗaɓol 1:4 - Bible Fulfulde Bénin New Testament

⁴ Diga e baawɗe ɗen keɓuɗen moƴƴereeji mawɗi, tedduɗi, ɗi gaɗanaɗen alkawal mum. O waɗii ɗum gam kawton e makko, nandon mo, gam daɗon suunooji duuniyaaru kalkooji.

Piyer Ɗiɗaɓol 1:4 ပူးပေါင်းရင်းမြစ်များ

Roma 9:4

Kamɓe woni Isira'iilaaɓe, ɓe Alla laatini ɓiɓɓe mum, holli ɓe tedduŋal mum. Ɓe keɓii alkawalji e tawreeta. O hollii ɓe no ɓe caafirta mo, o batii ɓe o waɗanan ɓe huune ɗuuɗɗum.

Korintu ɗiɗaɓol 1:20

Yeesu nun laatii «ee» alkawalji ɗi Alla haɓɓi fu. To non, diga e makko bi'eten aami, gam Alla teddinee.

Korintu ɗiɗaɓol 3:18

En fu, enen ɓe geese mum suddaaki, een daara tedduŋal Joomiraawo hande der daanorgal. Oo waylita en, faa nanden e makko, tedduŋal makko ɓeydoo dow meeɗen. Kanjum woni golle Joomiraawo, laatiiɗo Ruuhu.

Korintu ɗiɗaɓol 6:17

Gam majjum Joomiraawo wi'i kade: «Burtee caka maɓɓe! Ceenniree e maɓɓe! To on meemee ko soɓi! Den, mi jaɓan on.

Galaatiya 3:16

Alla haɓɓanii Iburahiima e taaniraawo mum alkawal. Dewtere wi'ay: «Taaniraaɓe», hande ɓe ɗuuɓɓe nun, amma gooto ne batani, ne wi'i: «taaniraawo maa», kanko woni *Almasiihu.

Galaatiya 6:8

Aawuɗo ko suuno mum yiɗi, ruggan ko suuno rimata, waato maayde. Aawuɗo ko *Ruuhu Ceniiɗo yiɗi, ruggan ko Ruuhu rimata, waato yonki tabitiiki.

Efesu 4:13

Hande non tinnortoɗen keɓen goonɗinki gooti, e annal *Ɓiɗɗo Alla gootal, laatoɗen mawɓe, jottoɗen to Almasiihu woni laatoɗen hande no o wa'i.

Koloosi 3:10

On laatike himɓe heyɓe. Alla taguɗo huune kesum der mooɗon, accataa waylitingo ɗum, faa ɗum nanda e makko, gam keɓon annal kebbuŋal.

Iburaninkeeɓe 12:10

Baabiraaɓe meeɗen e elta en der wakkati seɗɗa, no fottirani ɓe fu. Amma, Alla e elta en gam ɗum nafa en, gam o hawta en der senaare makko.

Iburaninkeeɓe 9:15

Kan acci *Almasiihu laatii beldinoowo, kaɓɓuɗo alkawal kesal, gam noddaaɓe heɓa donŋu duumiiŋu ŋu Alla haɓɓani ɓe alkawal. Ɗum waɗoto, gam o maayii, heɓa o sooditoo himɓe waɗunooɓe hakke der alkawal aranal.

Yaakuuba 1:27

Diina laaɓuka, seniika yeeso Alla *Baaba meeɗen nani: Wallugo goonɗaaɓe e rewɓe talakaaɓe ɓe worɓe mum maayi, e reenugo hoore mum e tuuni duuniyaaru.

Piyer Ɗiɗaɓol 1:1

Ɗerewol ŋol ƴiwii e am min Simon Piyer. Mii laatii jaggiiɗo e lilaaɗo Yeesu *Almasiihu. Mi sannii on, onon heɓuɓe goonɗinki geeti hande ki amen, gam sabbu foonnitaare Alla men, tawaane der Yeesu Almasiihu, kisinoowo.

Piyer Ɗiɗaɓol 3:13

Amma enen, een keɗii hande no Alla haɓɓirani en alkawru, kammu keso e leydi keyri, to foonnitaare tawetee.

Piyer Ɗiɗaɓol 3:9

Joomiraawo ɓooyataa go hebbina alkawru mum, hande no woɓɓe miili, o munyan on nun tan, gam o yiɗaa baa gooto halka. Ko o yiɗi nun, himɓe fu wittaa to makko tuuba.

Yuhaana Aranol 2:25

*Almasiihu haɓɓanii en alkawal, alkawal ŋal woni yonki tabitiiki.

Yuhaana Aranol 3:2

Yiɗaaɓe am, jooni en laatake ɓiɓɓe Alla. Ko laatoytoɗen laaɓay taw. Amma een anni to *Almasiihu wittoy holliti hoore mum, en nandan e makko, gam en ji'an mo hande no o wa'i.