Piyer Ɗiɗaɓol 1:10 - Bible Fulfulde Bénin New Testament

¹⁰ Gam majjum banniraaɓe am, tinnee no baawirɗon fu, gam tabbitinon noddoore ne Alla noddi on, e cuɓol ŋol o suɓi on. Gam to on gaɗii ɗum on janataa der ko halli abada!

Piyer Ɗiɗaɓol 1:10 ပူးပေါင်းရင်းမြစ်များ

Matiye 22:14

Yeesu tokki wi'ugo: «Noddaaɓe e ɗuuɗi, amma suɓaaɓe ɗuuɗaa.»

Roma 11:29

To Alla hokkii neɗɗo o hokku nun, to o noddi neɗɗo bo o noddu nun.

Timote Ɗiɗaɓol 2:19

Amma Alla daɗɗii daɗɗa ka dimmataako. Nani ɗo ko winnaa dow makka: «Joomiraawo e anni laataniiɓe ɗum.» Nunnun bo: «Noddoowo inne Joomiraawo fu, woɗɗoo waɗugo ko halli.»

Iburaninkeeɓe 6:11

Amma emen jiɗi moy mooɗon fu hollita iri anniya kaa ɗon faa heennyitirde, gam keɓon ko keɗiɗon.

Iburaninkeeɓe 6:19

Hoolaare nen e laatanii en hande tiggere laana diyam, tiggaane ne dimmataako gam yonkiiji men. Ne yahii faa ɓaawo wudere wirnirde nokkuure ɓurune fu senaago.

Yaakuuba 2:10

Gam to neɗɗo woofanii sariya Laamaare Alla goota, baa to emo tokkii koriika fu, ka fu o woofani ɗon.

Piyer Aranol 1:2

Alla *Baaba suɓii on hande no o resirnoo, o seni on e *Ruuhu makko, gam ɗowtanoɗon Yeesu Almasiihu, mo ƴiiƴam mum laaɓini on. Alla ɗuuɗinana on moƴƴere e jam!

Piyer Aranol 1:5

O reenirii on e baawɗe makko gam on goonɗinii mo. O reenii on gam o hokka on kisidam ciriyiiɗam hollitaago der wakkati cakitiiki.

Piyer Ɗiɗaɓol 1:3

Baawɗe Alla hokkii en huune fu ko haanani en buuriren, e no haani goniren e kulol Alla. Baawɗe ɗen wallii en annugo Alla nodduɗo en kawten der tedduŋal mum, e geetaaku mum.

Piyer Ɗiɗaɓol 1:5

Gam huune ɗum, tinnee, ɓeydee dow goonɗinki mooɗon geetaaku, dow geetaaku, annal,

Piyer Ɗiɗaɓol 3:14

Gam majjum, onon banniraaɓe am yiɗaaɓe, tinnee laatoɗon ɓe galaa gacce, e tuuni yeeso Alla. Goodee jam der kawtal mon e makko, oon keɗorii nyalaane nen.

Piyer Ɗiɗaɓol 3:17

Amma onon banniraaɓe yiɗaaɓe, on keɓii seedineego, to non kakkilee to himɓe yedduɓe Alla majjina on, sottina on diga darande mon.

Yahuuda 1:24

Alla waawan reenugo on e perge, faa o darna on yeeso tedduŋal makko e seyo, on galaa gacce.

Kollitinki 22:14

Barke laatanii loonnuɓe toggooje mum gam ɓe baawa ko nyaami ɓiɓɓe leggal yonki, ɓe naatira bo wanŋarde diga e dammuɗe!