Piyer Aranol 5:8 - Bible Fulfulde Bénin New Testament

⁸ Kakkilee, oon deeni! Gam ganyo mooɗon *Ibiliisa e yiilito hande jaggere kalɓoore, dartoore mo ne ƴakkata.

Piyer Aranol 5:8 ပူးပေါင်းရင်းမြစ်များ

Matiye 13:39

Ganyo aawuɗo fuɗo kalluko woni *Ibiliisa, dugge laati nun nyalaane darŋal, ruggooɓe bo laatii *malaykaaɓe.

Matiye 24:42

To non, deenee, gam on annaa wakkati de Joomiraawo mooɗon warata.

Matiye 25:41

Ɓaawo majjum, o wi'an wonuɓe junŋo makko nano: ‟Dillee woɗɗi am, onon ya'aaɓe! Naatee der yiite tabitiiŋe, desanaaŋe Ibiliisa e malaykaaɓe mum!

Matiye 4:1

Ɓaawo majjum, *Ruuhu Ceniiɗo yaari Yeesu der haro gam *Ibiliisa jarboo mo.

Matiye 4:11

Den Ibiliisa acci mo, go malaykaaɓe ɓattii e jagganoo mo.

Marku 4:15

Himɓe woɓɓe e nandi e laawol to haala kan yani: Ɓe nanan ka, den ɗon maa ɗon *Seyɗan wara, ikkina haala aawaaka e maɓɓe.

Luka 21:34

«Kakkilanee ko'e mon! To on accee nyaamduuji juulɗe, e jaranji, e miilooji duuniyaaru hebba ɓerɗe mon gam to nyalaane nen juhu on.

Luka 21:36

Gam majjum to on ɗaane, du'ee wakkati fu, gam keɓon semme daɗugo huune ko warata fu, keɓon bo daraago yeeso *Ɓii neɗɗo.»

Luka 22:31

Joomiraawo wi'i: «Simon, Simon, *Seyɗan eelii wesa on hande gawri.

Yuhaana 8:44

*Seyɗan woni baaba mooɗon. Jiɗaaɗi baaba mooɗon gaɗoton. Baroowo nun o laatii diga fuɗɗoode. O walaa der gooŋa, gam gooŋa walaa der makko. To oo bata fewre, jikku makko nun, gam oo pewoowo, oo baaba fewre.

Korintu ɗiɗaɓol 2:11

heɓa to *Seyɗan jaaloo en, gam een anni dabareeji makko no wooɗi.

Efesu 4:27

To on kokkee *Seyɗan laawol der mooɗon baa seɗɗa.

Efesu 6:11

Ettee kaɓirɗum ɗum Alla hokki on fu, gam baawon daraago yeeso dabareeji *Seyɗan.

Timote Aranol 2:15

Amma debbo hisinte diga e ɓeyŋu mum, to emo tabbitii e goonɗinki e yidde, e laaɓal, e jogaago hoore mum.

Timote Aranol 2:9

Rewɓe kan ɓornoo gineeji pottuɗi. Ɓe gooda neɗɗaaku e senteene. To ɓe mooroo moorɗi ɗi gidi e kanŋeeri, e bannaaje ɗe cardi. To ɓe ɓorna gineeji ɗi ceede puy.

Timote Aranol 3:11

Hande non rewɓe bo, sey ɓe laatoo fotuɓe teddineego. Haanay ɓe laatoo nyo'ooɓe himɓe, amma ɓe laatoo nantiiɓe, hooliniiɓe der huune fu.

Timote Aranol 3:2

Den, sey ardiiɗo eklesiya fu laatoo mo walaa gacce. O laatoo gooduɗo debbo gooto, nantiiɗo, mo hakkillo, gooduɗo neɗɗaaku, cilminoowo hoɓɓe, baawuɗo ekkitingo.

Timote Ɗiɗaɓol 4:17

Amma Joomiraawo wallii am, semmiɗinimmi. Kan acci keennyitimmi golle waaji am. Himɓe lenyi janani fu nanii waaji ɗin. Nunnun daɗirmi diga e hunnuko jaggere.

Titus 1:8

Amma sey joomum e laatii bernoowo hoɓɓe, jiɗuɗo ko wooɗi, mo hakkillo, poonnitiiɗo, laaɓuɗo, nantiiɗo.

Titus 2:12

Moƴƴere nen e ekkitina en accen wonaago der dullere kulol Alla, e suunooji duuniyaaru. Nee ekkitina en bo laatoɗen hakkilɓe, e foonnitiiɓe, e hulooɓe Alla der duuniyaaru nuu ɗo.

Titus 2:2

Worɓe nayeeɓe, batu ɓe no haani ɓe laatoo nantiiɓe, fotuɓe teddineego, hakkilɓe. Ɓe laatoo ɓe goonɗinki mum yanɗi, ɓe gooda yidde e munyal.

Titus 2:4

Ɓe ekkitina rewɓe saaŋooɓe yiɗugo worɓe mum, e sukaaɓe mum.

Titus 2:6

Waaja gojankeeɓe, ɓe laatoo hakkilɓe der huune fu.

Yaakuuba 4:7

Ɗowtanee Alla. kaɓee e *Seyɗan, o doggan on.

Piyer Aranol 1:13

Gam majjum accee hakkillo mon e fini, jogee ko'e mon, jowee tammuwe mooɗon fu dow moƴƴere ne Alla hokkata on nyaanne Yeesu *Almasiihu suppitoytoo.

Piyer Aranol 4:7

Huune fu ɓadake heennyugo, gam majjum gaɗee hakkillo, jogee ko'e mon gam gaɗon du'aaje.

Kollitinki 12:10

Den nanumi daane towne diga dow kammu, e wi'a: «Jooni, kisidam, e semme, e *Laamaare Alla meeɗen, e baawɗe *Almasiihu makko warii. Gam gaccotooɗo banniraaɓe meeɗen, to Alla jemma e nyalooma fu riiwaama diga dow kammu.

Kollitinki 12:12

Gam majjum, kammu e jooɗiiɓe der mum, belbeltee! Amma leydi e maayo, bone woodani on! Gam *Seyɗan jippanake on e mone mawne, gam oo anni wakkati seɗɗa horanii mo.»

Kollitinki 12:9

Kuuŋa manŋa ŋan wurtinaama yaasi. Kanŋa woni boddi nayeeri, bi'eteeni *Ibiliisa e *Seyɗan, jarbotooɗo duuniyaaru fu. O faɗɗaama e leydi, e malaykaaɓe makko fu.

Kollitinki 20:10

Seyɗan jammotooɗo ɓe, faɗɗaa der maayo yiite e kibiriita, to bisaa e annabiijo pewoowo woni. Ɗon nun ɓe toorotoo jemma e nyalooma, faa abada.

Kollitinki 20:2

O nanŋi kuuŋa, boddi nayeeri, bi'eteeni *Ibiliisa e *Seyɗan, o haɓɓi ŋa faa duuɓi ujuneere.