Piyer Aranol 5:12 - Bible Fulfulde Bénin New Testament

¹² Silaasi banniraawo men koolaaɗo wallii am winnango on ɗereyel pettel ŋel, gam tiiɗingo on e seedanaago on no habaru moƴƴere Alla ne dariɗon dow mum laati nun gooŋa.

Piyer Aranol 5:12 ပူးပေါင်းရင်းမြစ်များ

Yuhaana 21:21

No Piyer yi'unoo mo, ƴami Yeesu: «Joomam, noy oo ɗo heennyitirta?»

Golle Lilaaɓe 11:23

No o yottii o yi'i moƴƴere Alla, ɓerne makko weli, o waajii, o semmiɗini ɓe ɓe fu ɓe tinnoo, ɓe tabbitoo der Joomiraawo e ɓerne woore.

Golle Lilaaɓe 15:22

Den lilaaɓe e *dottiiɓe e eklesiya fu dawridi ɓe cuɓi woɓɓe der maɓɓe ɓe kawta e Pol e Barnabas, ɓe jahida Antiyokiya. Ɓe cuɓi hooreeɓe ɗiɗo der banniraaɓe, Yahuuda, bi'eteeɗo Barsabbas, kanko e Silaasi.

Golle Lilaaɓe 20:24

Amma mi daaray yonki am hande kii laatanii am tedduki, mi heɓa ni yottinoygo e welwelo golle ɗe Yeesu Joomiraawo halfinimmi, kanje woni waajaago *linjiila ka moƴƴere Alla.

Roma 5:2

Kanko yottini en moƴƴere Alla ne gonuɗen e muuɗum jooni. Ɗum laatake gam goonɗinki meeɗen. Een juroro hoolaare heɓugo geɗu der tedduŋal Alla.

Korintu Aranol 15:1

Banniraaɓe, mii yiɗi siwtorgo on *linjiila ka baajiimi on, jaɓuɗon ko oon darii dow makka e semme.

Korintu ɗiɗaɓol 1:19

Yeesu *Almasiihu *Ɓii Alla, mo men baajii on batu mum, min e Silaasi e Timote, o laataaki ''ee'' e ''aawo'', amma ''ee'' tan woni der makko.

Korintu ɗiɗaɓol 1:24

Men jiɗaa laamanaago goonɗinki mooɗon. Gollodaago on gam seyo mon men jiɗi, gam goonɗinki mon e semmiɗi.

Efesu 3:3

O hollitanake am, o faaminimmi asiiri ko o resi o waɗa. Kanjum nun binnanmi on e haala seɗɗa.

Efesu 6:21

Mii yiɗi onon bo, annon no gonirmi e ko gaɗanmi. Gam majjum, Tikikus banniraawo meeɗen jiɗaaɗo, gollantooɗo Joomiraawo e hoolaare, humpitan on habaru am fu.

Koloosi 1:7

Epafaras banniraawo amen jiɗaaɗo, gollodintooɗo e amen, waajike on haala moƴƴere nen. Oo laatii koolaaɗo, gollantooɗo Almasiihu caka mooɗon.

Koloosi 4:7

Tikikus, banniraawo meeɗen jiɗaaɗo, humpitan on no gonirmi fu. O laati nun koolaaɗo, gollodintooɗo men der golle Joomiraawo.

Koloosi 4:9

Mi lilidii mo e banniraawo meeɗen Onesimu jiɗaaɗo, koolaaɗo, neɗɗo leydi mooɗon. Ɓe batan on ko waɗotoo ɗo fu.

Tesalonika Aranol 1:1

Min Pol, e Silaasi, e Timote, men kawtii men binni ɗerewol ŋol, emen kiinna jama'aare goonɗinɓe Yeesu ɓe Tesalonika, wonɓe der Alla *Baaba e Joomiraawo Yeesu *Almasiihu. Moƴƴere e jam wonda e mooɗon.

Tesalonika Ɗiɗaɓol 1:1

Ɗerewol ŋol ƴiwii diga e Pol, e Silaasi, e Timote. Emen canna eklesiya Tesalonika, kawtuka e Alla *Baaba meeɗen, e Joomiraawo meeɗen Yeesu *Almasiihu.

Iburaninkeeɓe 13:22

Banniraaɓe, mii eela on jaɓee waaji ɗii e munyal, gam seɗɗa tan nun binnanmi on.

Piyer Aranol 1:13

Gam majjum accee hakkillo mon e fini, jogee ko'e mon, jowee tammuwe mooɗon fu dow moƴƴere ne Alla hokkata on nyaanne Yeesu *Almasiihu suppitoytoo.

Piyer Aranol 4:10

Baamoy mon heɓii dokkal Alla. Golliree ŋal gam nafon woɓɓe. Hande nun kollitirton oon gollira dokke moƴƴere feere feereeje ɗe Alla hokki on.

Piyer Ɗiɗaɓol 1:12

Kanjum acci wakkati fu mii siwtora on huune ɗum, baa no oon anni ɗum, heɓa cemmiɗon der gooŋa ka jaɓuɗon.

Piyer Ɗiɗaɓol 2:15

Ɓe accii laawol poortiiŋol, ɓe majjii, ɓe tokki laawol Balaama, jiɗuɗo heɓa ceede diga waɗugo kalluɗum.

Yuhaana Tataɓol 1:12

Demeteriyus kan, himɓe fu e seedanoo ɗum ko wooɗi, gooŋa e hoore mum bo e seedanoo mo ɗum. Menen bo, emen ceedo ɗum, aa anni bo seedaaku amen e laatii gooŋa.

Yahuuda 1:3

Banniraaɓe am yiɗaaɓe, mi yiɗiino puy winnango on dow haala kisidam kawtuɗam en en fu. Jooni mi tawii doole nun mi winnana on gam tiiɗingo on dow hawre goonɗinki ki Alla hokki himɓe mum de woore, go ki heƴi faa baadey.