Piyer Aranol 5:10 - Bible Fulfulde Bénin New Testament

¹⁰ Amma to on jarii bone der wakkati seɗɗa, Alla mo moƴƴere nodduɗo on gam naaton der tedduŋal mum tabitiiŋal e *Almasiihu, kanko o tiiɗinan on, o semmiɗina on, o hebbina on, o darna on.

Piyer Aranol 5:10 ပူးပေါင်းရင်းမြစ်များ

Luka 22:32

Amma mi du'anake maa gam to goonɗinki maa heennya. An, to a wittoy to am, semmiɗin banniraaɓe maa.»

Roma 15:13

Alla mo tammuwe hebbina ɓerɗe mooɗon seyo e jam gam goonɗinki mon. Tammuwe mooɗon ɓeydoo der ɓerɗe mooɗon diga e baawɗe *Ruuhu Ceniiɗo!

Roma 15:5

Munyal e deƴƴitinki ɓerne, diga Alla nun ƴiwata. Alla on hokka on laatoɗon miilo wooto hakkune mon. Ɗum laatoo deydey no Yeesu *Almasiihu ekkitiniri on.

Roma 16:25

Yettoore laatanoo Alla! Oo woodi baawɗe semmiɗingo on der goonɗinki, hande no *linjiila ka baajotoomi batiri. *Linjiila kan laati nun habaru Yeesu *Almasiihu, eka hollita laabi Alla cuuɗiiɗi diga ɗum ɓooyi.

Roma 9:11

Sukaaɓe ɓen rimaakano taw, ɓe gaɗay ko wooɗi, ɗum bo ko halli. E nun fu, ko Alla resi nun waɗata. Cuɓol makko daraaki dow gaɗu, amma dow no o resiri, kanko cuɓoowo.

Roma 9:24

Himɓe ɓen woni enen ɓe o noddi, hinaa caka *Yahuduuɓe tan, amma e caka ɓe laataaki Yahuduuɓe bo.

Korintu Aranol 1:10

Banniraaɓe, mii eela on e inne Joomiraawo meeɗen Yeesu *Almasiihu, batee haala goota, to on ceenniree, gaɗee hakkillo wooto e miilo wooto.

Korintu Aranol 1:9

Gam Alla laati nun koolaaɗo, kanko nodduɗo on kawton e Ɓiyiiko Yeesu Almasiihu, Joomiraawo meeɗen.

Korintu ɗiɗaɓol 13:11

Banniraaɓe, ko horii wi'ugo on woni jooɗodee e seyo. Laatee hebbuɓe, cemmiɗinontiree, goodee miilo wooto, jooɗodee e jam. Den Alla mo yidde e jam wondan e mooɗon.

Korintu ɗiɗaɓol 4:17

Tooraaji amen ɗi jooni e hoyi, jawtooji nun. Eɗii ciryanoo men tedduŋal manŋal, tabitiiŋal, ŋal fonnataako e tooraaji ɗi jooni.

Filippi 4:13

Mi waawan ko waɗi huune fu, gam sabbu cemmiɗinoowo am.

Koloosi 2:7

Gaɗee ɗaɗi der makko, mahee goonki mon bo dow makko. Cemmiɗee der goonɗinki hande no janŋiniraɗon, jettee Alla puy.

Tesalonika Aranol 2:12

Men baajike on, men cemmiɗinii on, men eeli on jahiron hande no fottanta Alla nodduɗo on naaton laamaare mum, ji'on tedduŋal mum.

Tesalonika Ɗiɗaɓol 2:14

Kanjum Alla noddani on diga e *linjiila ka men baajii on, gam keɓon tedduŋal Joomiraawo meeɗen Yeesu *Almasiihu.

Tesalonika Ɗiɗaɓol 2:17

Ɓe deƴƴitina ɓerɗe mooɗon, ɓe tiiɗina on waɗugo, e batugo ko wooɗi.

Tesalonika Ɗiɗaɓol 3:3

Amma Joomiraawo e laatii koolaaɗo, o semmiɗinan on, o reena on e ganyo.

Timote Aranol 6:12

Haɓu hawre goonɗinki wooɗune, jaɓaa yonki tabitiiki. Gam sabbu yonki kin Alla noddu maa, gaɗuɗaa seedaaku maaɗa booɗuŋu yeeso seedeeɓe ɗuuɓɓe.

Timote Ɗiɗaɓol 1:9

Kanko hisini en, noddi en gam laatanoɗen mo. Hinaa gam gaɗu meeɗen o hisiniri en, amma gam nun nun o yiɗiri ɗum e moƴƴere makko. Moƴƴere nen o waɗani en diga e Yeesu *Almasiihu, diga hanne bane.

Timote Ɗiɗaɓol 2:10

Gam majjum munyanmi huune fu, sabbu suɓaaɓe Alla heɓa kamɓe bo, Yeesu Almasiihu hisina ɓe, ɓe keɓa tedduŋal makko tabitiiŋal.

Iburaninkeeɓe 9:15

Kan acci *Almasiihu laatii beldinoowo, kaɓɓuɗo alkawal kesal, gam noddaaɓe heɓa donŋu duumiiŋu ŋu Alla haɓɓani ɓe alkawal. Ɗum waɗoto, gam o maayii, heɓa o sooditoo himɓe waɗunooɓe hakke der alkawal aranal.

Piyer Aranol 1:15

Amma laatee seniiɓe der yaadu mon fu, hande no Alla nodduɗo on oo Ceniiɗo,

Piyer Aranol 4:10

Baamoy mon heɓii dokkal Alla. Golliree ŋal gam nafon woɓɓe. Hande nun kollitirton oon gollira dokke moƴƴere feere feereeje ɗe Alla hokki on.

Piyer Aranol 4:11

Baajotooɗo fu, sey waajoo haala Alla. Jaggotooɗo bo, jaggoo e semme ne Alla hokki ɗum, gam der huune ko gaɗoton fu, teddinon Alla diga e Yeesu *Almasiihu, mo tedduŋal e baawɗe wonani faa abada! Aami

Piyer Ɗiɗaɓol 1:3

Baawɗe Alla hokkii en huune fu ko haanani en buuriren, e no haani goniren e kulol Alla. Baawɗe ɗen wallii en annugo Alla nodduɗo en kawten der tedduŋal mum, e geetaaku mum.

Yuhaana Aranol 2:25

*Almasiihu haɓɓanii en alkawal, alkawal ŋal woni yonki tabitiiki.

Yahuuda 1:24

Alla waawan reenugo on e perge, faa o darna on yeeso tedduŋal makko e seyo, on galaa gacce.