Piyer Aranol 4:8 - Bible Fulfulde Bénin New Testament

⁸ Ko ɓuri fu, jiɗontiree e yidde hebbune, gam yidde e yaafoo hakkeeji ɗuuɗɗi .

Piyer Aranol 4:8 ပူးပေါင်းရင်းမြစ်များ

Korintu Aranol 13:1

Baa to mii waawi batugo ɗelle himɓe e ɗelle malaykaaɓe fu, to mi walaa yidde, mi laati nun hande lenŋuru piyeteenu, ɗum bo hande rimmo baggu.

Korintu Aranol 13:4

Gooduɗo yidde e woodi munyal, nee hebbi neɗɗaaku. Yidde walaa nawniraagu, ne jurataako, ne woodaa manŋu hoore.

Koloosi 3:14

Ko ɓuri ɗum fu, accee ɓerɗe mooɗon hebba yidde, gam yidde e hawta himɓe no wooɗi.

Tesalonika Aranol 3:12

Joomiraawo mawnina yidde mon, ɗuuɗina ne hakkune mon yaago e himɓe, ne laatoo hande no yidde amen laatorii dow mooɗon!

Tesalonika Ɗiɗaɓol 1:3

Banniraaɓe, e haani men jetta Alla wakkati fu gam mooɗon. Eɗum fotti, gam goonɗinki mooɗon e ɓeydoo yeeso yeeso, kade bo yidde ne goodontirɗon hakkune mooɗon e ɓeydoo der moy mooɗon.

Timote Aranol 1:5

Ka batanmi ɗo laati nun gam mawningo yidde ƴiwune diga ɓerne laaɓune, e miilooji laaɓuɗi, e goonɗinki ki walaa munaafitaare.

Iburaninkeeɓe 13:1

Tinnee jiɗontiree hakkune mon, gam on laati nun banniraaɓe.

Yaakuuba 5:12

Amma banniraaɓe am, ko ɓuri fu, to on kunoree dow kammu e leydi. To on kunoree bo goɗɗum feere. To gooŋa nun, bi'on gooŋa, to fewre nun bo, bi'on fewre, gam to Alla hiitoo on.

Yaakuuba 5:20

annitee bittinoyɗo gaɗuɗo hakke diga laawol majjere, hisinii yonki makko e maayde, suddii hakkeeji ɗuuɗɗi.

Piyer Aranol 1:22

Jooni no ɗowtaniɗon gooŋa, on cenii ko'e mooɗon, on jiɗii banniraaɓe e yidde ne walaa munaafitaare. Gam majjum, jiɗontiree e yidde gooŋaare, e ɓerɗe mon fu.

Yuhaana Tataɓol 1:2

Banniraawo am jiɗaaɗo, mii eela huune fu yahanee yeeso, ɓannu maa yanɗa hande no yonki maa yanɗiri.